Vonandi fannstu það sem þú varst að leita að

Í tilefni af 25 ára afmælisári Kvikmyndaskóla Íslands munum við á á næstunni sýna 25 valin verk útskrifaðra nemenda síðustu ára. Nú sýnum við stuttmyndina “Gunna” frá vorönn 2012.

Stuttmyndin “Gunna” var útskriftarverkefni Óla Jóns Gunnarssonar sem útskrifaðst vorið 2012 frá leiklistardeild.

Óli Jón segir námið í Kvikmyndaskóla Íslands hafi haft mjög góð áhrif á sig. “Þó svo ég hafi ekki ennþá landað stóru hlutverki, þá hefur leiklistarmenntunin gefið mér svo margt annað. Ég er öruggari í samskiptum við aðra, á mun auðveldara með að standa upp á fundum og tala fyrir miklum fjölda sem nýtist mér mjög vel í minni vinnu.
Maður þarf oft að skipta um karakter til þess að tala fólk inn á sitt band og þá er ekki verra að hafa þessa menntun að baki.
Ég hef fengið reglulega nokkur minni hlutverk í íslenskum og erlendum myndum síðan ég útskrifaðist, sem hefur verið mjög gaman og er góð reynsla.
Í dag er ég svo að vinna í handriti að nýrri stuttmynd sem ég er verulega spenntur yfir” segir Óli Jón.

Hérna kemur “Gunna” , njótið vel !

Gunna from Icelandic Film School on Vimeo.

Við sýnum næstu mynd sem valin var úr hópi útskriftarmynda til að fagna árunum okkar 25!

Undanfarna daga hafa rektor, stjórnendur og starfsfólk Kvikmyndaskólans, verið harmi slegin af sögum kvenna í sviðslistum, kvikmyndagerð, og hjá menntastofnunum, þar á meðal okkar eigin.

Að sjálfsögðu var ljóst að við þyrftum að bregðast við, líta inn á við og sjá hvað má betur fara og hvernig við getum sýnt vilja í verki til uppræta kynferðislega áreitni og mismunun í allri sinni mynd innan skólans.

Sem fyrst skref í þessu ferli, fórum við yfir verkferla um hvernig skal bregðast við áreitni af öllu tagi. Myndað var viðbragðsteymi innan skólans og nemendum send tilkynning þess efnis fyrr í vikunni, í samráði við nemendaráð (deilt hér neðan)

Önnin er komin á fulla ferð hjá Kvikmyndaskólanum og í boði eru fjórar námsleiðir:

Leikstjórn og Framleiðsla, Skapandi Tækni, Handrit og Leikstjórn, og að sjálfsögðu Leiklist.

Þessar myndir voru teknar í vikunni til að gefa ykkur innsýn í námið

Þessi mynd var tekin af TÆK, sem er sameigilegur tækni áfangi hjá 1.annar nemendum, þar sem þeir læra grunn atriðið kvikmyndagerðar

Hér er Þorsteinn Bachmann að kenna Leikstjórn, LST 205, með sérstakri áherslu á að vinna með leikurum

Nemendur á fyrstu önn eru hér í TÆK 106 að læra grunn í framleiðslu undir leiðsögn fagstjóra Framleiðslu, Hlínar Jóhannesdóttur

4.annar nemendur í handritstíma, HHÖ 102, að undirbúa útskriftarmynd sína undir leiðsögn Kolbrúnar Önnu  leikkonu og handritshöfundi, sem er einnig fagstjóri leiks og hreyfingar á deild Leiklistar.

Áhugasamt ? Allar upplýsingar um námið hjá okkur má finna þessari vefsíðu

Námið í fullum gangi hjá framtíðar kvikmyndargerðarfólki

Nemendur Kvikmyndaskóla Íslands hafa náð góðum árangri  á árinu 2015 en sérstaklega hefur forráðamönnum skólans þótt gleðilegt að tvær kvikmyndir í fullri lengd tengjast honum á sterkan hátt, kvikmyndirnar Albatross og Webcam.
Kvikmyndirnar voru báðar frumsýndar í sumar og áttu sameiginlegt að fá jákvæða gagnrýni bæði hjá áhorfendum og fjölmiðlum. Einnig má segja að það séu tengsl milli þessara tveggja kvikmynda því Magnús Thoroddsen, framleiðandi Webcam og Snævar Sölvi Sölvason, leikstjóri Albatross útskrifuðust á sama tíma úr sömu deild Kvikmyndaskólans vorið 2014, Handritum/leikstjórn. Auk þeirra kom fjöldi Kvikmyndaskólaleikara fram í myndunum tveimur.
Af þessu tilefni hittust nokkrir fyrrverandi nemendur Kvikmyndaskólans, þátttakendur í verkefnunum tveimur í gamla skólanum sínum og  vígðu sérstakan vegg með innrömmuðum auglýsingaveggspjöldum kvikmyndanna . Fulltrúi útskrifaðra leikara var Anna Hafþórsdóttir sem lék eitt aðalhlutverk myndarinnar Webcam en hún hlaut einnig mikil lof fyrir leik sinn. Þessar skemmtilegu myndir teknar við vígslu veggsins. Ásamt veggspjöldunum ber að líta  Magnús Thoroddsen, Snævar Sölva Sölvason, Anna Hafþórsdóttur, Hlín Agnarsdóttir, deildarforseta leiklistardeildar, Hrafnkell Stefánsson, deildarforseti Handrit/leikstjórn og rektor Kvikmyndaskóla Íslands, Hilmar Oddsson.

Það er kennurum og forráðamönnum Kvikmyndaskóla Íslandsa að fylgjast með þessum frábæra árangri og mikil eftirvænting í starfsliði skólans  eftir verkefnum sem bíða frumsýningar á nýju ári.

Albatross- og Webcamveggspjöld prýða veggi Kvikmyndaskólans

Borgríki 2, Blóð hraustra manna, er komin á VOD í Bandaríkjunum og hafa undanfarið birst afar jákvæðir dómar um myndina í netmiðlum vestra en Hrafnkell Stefánsson, deildarforseti Handrita/Leikstjórnar er annar handritshöfunda myndarinnar.
Við skoðun umfjallana um Brave Men´s Blood eins og hún hefur verið nefnd á ensku  má glögglega sjá að hún fellur vel að smekk rýnanna. Á  kvikmyndavefnum Death. Movie.Birth. segist gagnrýnandi helst  hafa áhyggjur af því að jafn frambærileg mynd drukkni í þeim hafsjó kvikmynda sem veröldin hefur að bjóða og segir m.a. Borgríki 2 “hremma áhorfandann og halda áhuga hans til hinna harmrænu endaloka”.
Á vefnum Film School Rejects segir að “ánægju vekjandi“sé ekki endilega rétta lýsingin á kvikmyndinni þar sem hún “vekji hjá áhorfendum bæði óánægju og ófullnægju um leið og hún vekji aðdáun”. Gagnrýnandinn kemst því að þeirri niðurstöðu í lokaorðum sínum að myndin sé “sláandi rannsókn á hugsjónum og spillingu sem enginn sleppi undan án þjáningar”.

Unseen Films nefnir það strax í upphafsorðum að hér sé á ferðinni “þétt lítil mynd sem lesendur ættu umvifalaust að bæta á áhorfslista sinn” á meðan Reel News Daily telur að handrit Hrafnkels og Ólafs eigi skilið að hreppa verðlaunagripi og að hann hefði gjarnan viljað sjá myndina á mikilvægum hátíðum á borð við Tribeca og New York Film Festival.

Kvikmyndaskóli Íslands óskar Hrafnkatli og öðrum aðstandendum Borgríkis 2 til hamingju með þessar frábæru viðtökur vestra.

Frábærar viðtökur gagnrýnenda á Borgríki 2 í Bandaríkjunum

Nemendur Kvikmyndaskólans, sem hafa undanfarnar vikur setið heima við rafræna kennslu, sneru loks aftur í húsnæði skólans í hefðbundna kennslu, þó að sjálfsögðu í 2ja metra fjarlægð frá hvort öðru. Mikið var um tökur og undirbúning þeirra, enda hafa nemendur ekki haft tækifæri til þess undanfarnar vikur. 

Nemendur á 1.önn í Leikstjórn tóku Leikstjórn Leikara með Þorsteini Gunnari Bjarnarsyni. Nemendur á 2.önn undirbjuggu tökur fyrir stuttmynd og nemendur á 4.önn undirbjuggu tökur á heimildarmyndum.

Nemendur á 1.önn aðstoðuðu 3.önn í tökum á endurgerðri senu. Nemendur á 2.önn sátu námskeið í Litvinnslu með Jóhannesi Tryggvasyni. Nemendur á 3.önn voru í tökum á endurgerðri senu. Nemendur á 4.önn unnu í að leggja lokahönd á klippingu útskriftarmyndanna sinna. 

Nemendur á 2.önn sátu námskeið í heimildarmyndagerð og undirbjuggu þar tökur á heimildarmynd. Nemendur á 4.önn unnu við að ljúka endurskriftum á handritum í fullri lengd, ásamt því að undirbúa tökur á útskriftarmyndum sínum. 

Nemendur á 1.önn sátu tíma í Leik & Hreyfingu með Guðmundi Elíasi Knudsen og luku námskeiðinu með glæsilegri kynningu, ásamt því að sitja Leiktúlkunartíma með Rúnari Guðbrandssyni. Nemendur á 2.önn hófu uppsetningu á leikverki sem verður frumsýnt í lok maí. Nemendur á 3.önn voru í tökum á endurgerðri senu. Nemendur á 4.önn undirbjuggu tökur á útskriftarmyndum sínum.

Síðastliðnar vikur hafa að sjálfsögðu haft mikil áhrif á starfsemi skólans, en með bæði einstaka nemendur og starfsfólk, munum við að sjálfsögðu ná aftur fyrri krafti og hlökkum til að sjá afraksturinn í sumar.

Kvikmyndaskólinn opnar aftur eftir sóttkví

Guðsteinn Fannar Ellertsson útskrifaðist frá Leiklist vorið 2018 og hér má njóta hans “showreel”

Við óskum honum innilega til hamingju með útskriftina og hlökkum til að fylgjast með honum í framtíðinni

Guðsteinn Fannar Ellertsson, útskrifaður leikari 2018

Við hjá Kvikmyndaskólanum viljum gjarnan gera okkar besta til að tengjast umheiminum á sem flestan máta. Hugsunin þar á bakvið er sú að nemendur, jafn sem aðrir, geti fylgst með starfi skólans og fengið upplýsingar um viðburði sem skólinn stendur fyrir. En einnig viljum við reka fréttaveitur um kvikmyndaiðnaðinn sjálfan, jafnt hérlendis sem erlendis, enda er svið kvikmynda fullkominn vettvangur fyrir allar þjóðir að sameinast í listsköpun.
Auðvitað er skemmtilegra að sem flestir sem áhuga hafa geti nýtt sér þessa þjónustu og þess vegna langaði okkur að nota tækifærið til að kynna þá miðla sem við höldum úti.

Hér sameinum við bæði skemmtilegar ljósmyndir úr almennu starfi skólans og ljósmyndum frá kvikmynda iðnaðinum sjálfum, ásamt margskonar skemmtilegu efni

FACEBOOK á íslensku / FACEBOOK á ensku

Við höldum úti tveimur síðum á Facebook, bæði á íslensku og ensku. Á Facebook deilum við aðallega fréttum af íslenska kvikmynda iðnaðinum ásamt tækifærum sem bjóðast nemendum í kvikmyndagerð. Við fylgjumst með daglegu starfi skólans, fylgjumst með bæði núverandi og fyrrverandi nemendum í iðnaðinum og deilum athyglisverðu efni.

Hér fylgjumst við með kvikmynda iðnaðinum um allan heim, deilum fréttum af hátíðum, nýjum og væntanlegum myndum, nýjustu tækni og vinnslu möguleikum og svo miklu meira.

Og síðast en ekki síst, þá höldum við úti þessu heimasíðum, en hér má nálgast allar þær upplýsingar sem viðkoma skólanum, ásamt nýjustu fréttum og viðtölum við nemendur og fleiri aðila í kvikmynda iðnaðinum

Elvar Gunnarsson útskrifaðist úr Kvikmyndaskóla Íslands árið 2005 og var fljótt fenginn til starfa fyrir skólann. Í dag vinnur hann með góðum hóp ungs kvikmyndagerðarfólks að því að klára hrollvekjuna Möru en hann kennir einnig við Kvikmyndaskólann.

Fyrst hóf ég störf við skólann árið 2006, ári eftir að ég útskrifaðist. Ég var þá fenginn til að sjá um Skoðun og greiningu kvikmynda af Böðvari Bjarka. Grunar mig að hann hafi talið mig svo mikið nörd að ég hliti að geta talað samfleitt um einhverja mynd í nógu langan tíma til að fylla upp í góða kennslustund.

Nú í haust hefur Elvar verið ábyrgur fyrir námskeiðinu Myndræn frásögn.

Í áfanganum vinnur hver nemandi eina senu, teiknar hana upp, gerir stutta greinagerð og síðan eru valin nokkur einstaklingsverk til að framleiða. Ég legg mikið upp úr því að nemandinn nái sem mestu úr senu sinni, þó það þýði endurhugsa og endurstkjóta hana. Með því að leggja ríka áherslu á útkomuna tel ég að nemandinn ná betri tökum á forminu á endanum. Einnig legg ég áherslu á sambandi höfundar og áhorfanda og hvernig höfundurinn getur haft áhrif á þetta samband.

Frá útskrift hefur Elvar komið að kennslustörfum í Kvikmyndaskólanum en hann hefur komið víða annarsstaðar við í íslenskri kvikmyndagerð.

Ég hef einnig rekið og átt fyrirtæki, leikstýrt auglýsingum og tónlistarmyndböndum, stuttmyndum og nú síðast kvikmynd í fullri lengd.

Elvar segir skólann hafa nú þegar fest sig í sessi og vera orðinn ákveðinn hlekkur í sögu og framþróun kvikmynda á Íslandi.

Ný tegund mynda er að ná fótfestu hér. Þetta eru myndir framleiddar á hátt sem áður var nánast gleymdur hér á landi. Þetta er framleiðslaaðferð sem er ekki ókunnug nemendum úr umræddri menntastofnun og standa oftar en ekki útskrifaðir nemendur á bakvið þessi verk. Útskrifaðir nemendur hafa einnig komið sér fyrir í stærri framleiðslum og hjá stæðum fyrirtækjum.

Það er áhugavert að Elvar er einmitt orðinn einn af fulltrúum nýrrar kynslóðar kvikmyndagerðarfólks sem sprottin er úr Kvikmyndaskóla Íslands og hann lætur verkin tala í nýrri hrollvekju, Möru sem er á lokastigi framleiðslu.

Mara (It Hatched) fjallar um ungt par sem flytur frá Nashville, USA, til afskekkts staðar á hjara Íslands, þar sem þau ætla að opna gistihús. Í fyrstu virðist þetta ætla að verða mikið ævintýri. Parið fagnar kyrrðinni og dundar sér við að gera húsið stæðilegt. Einn daginn breytist líðan þeirra, þau finna djúpa holu á kjallaragólfinu og konunni blæs út og virðist hafa orðið kasólétt á einum degi. Þá um nóttina verpir konan eggi. Myndin hægir ekki mikið á ferðinni eftir það.Stór hlutini þeirra sem leika burðarhlutverk og standa að baki myndarinnar koma úr skólanum og hefur myndin hingað til verið framleidd án aðkomu Kvikmyndasjóðs Íslands en tökur hafa staðið yfir í 74 daga. Við stefnum að því að frumsýna myndina næstkomandi haust.

Enn stendur yfir söfnun til að fjármagna það sem eftir stendur við gerð Möru og hvetjum við alla sem geta séð af fjármunum til að kynna sér málið á Karolina Fund. 

“Kvikmyndaskólinn orðinn hlekkur í sögu og þróun kvikmyndagerðar á Íslandi” – Elvar Gunnarsson

Rúnar Guðbrandsson var ráðinn deildarforseti leiklistardeildar Kvikmyndaskóla Íslands um síðustu áramót og var síðan fastráðinn í ráðningarferli deildarforseta nú í vor. Rúnar er leikari, leikstjóri og leikhúsfræðingur, menntaður í De Monfort University í Englandi, Cafe Teatrets Dramaskole í Kaupmannahöfn og víðar m.a. hjá Jerzy Grotowski í Póllandi og Eugenio Barba í Odin Teatret í Holsterbro. Hann er einn reynslumesti leiklistarkennari landsins. Hann var prófessor við leiklistardeild Listaháskóla Íslands og stóð að uppbyggingu deildarinnar þar. Það er gríðarlegur fengur fyrir KVÍ að fá hann til liðs við skólann.

Frá því Rúnar tók við hefur hann, ásamt góðu fólki, unnið að endurskoðun námskrár og skipulags leiklistardeildarinnar. Nú liggur niðurstaðan fyrir í nýrri námskrá skólans fyrir skólaárið 2016-17, sem komin er út og sjá má á heimasíðu. Við það tækifæri er rétt að taka Rúnar tali og fræðast um þessa vinnu.

Hverjar voru helstu forsendur og hver voru helstu markmiðin í þessari endurskoðunarvinnu?

Lengi má gott bæta. Námskrár þarf stöðugt að vera að uppfæra í takt við kröfur tímans. Nýir straumar og stefnur velkjast um veröldina og nýir kennarar koma fram með nýja og spennandi þekkingu. Þetta er m.a. viðleitni til að svara kalli tímans, en líka að skerpa á námskeiðslýsingunum, gera námskeiðin enn markvissari og bæta framvinduna og tengingu námskeiðanna, – reyna að gera námið enn skilvirkara. Einnig að skerpa á sérstöðu skólans sem kvikmyndaskóla með því að auka alla sérþjálfun leikara fyrir myndmiðla. Þannig ætti skólinn að verða fýsilegur valkostur fyrir þá sem vilja sérhæfa sig á því sviði.

Hverjar eru helstu breytingarnar í stuttu máli?

Fyrra árið, fyrstu tvær annirnar, snýst að miklu leyti um almenna leiktækni og sértæka þjálfun (líkami, rödd, leiklist.) sem sækir í brunn hefðarinnar og eru því nokkuð sviðslistamiðaðar. Þar er grunnurinn lagður fyrir seinna árið, seinni annirnar tvær, sem tekur nær alfarið mið af vinnu leikarans við myndmiðla. Nokkur ný námskeið líta dagsins ljós og önnur eldri víkja. Einnig verður töluverð endurnýjun á kennarliðinu og þó nokkrir nýir kennarar koma til starfa.Reynt hefur verið að gera uppbyggingu sérgreinanna markvissari og þeim fækkað. Þær eru nú þrjár; Leikur og hreyfing, Leikur og rödd og svo aðalgreinin sem heitir einfaldlega Leiklist og tekur jafnt á leiktækni, túlkun og sköpun í námskeiðum sem leiða hvert af öðru. Kjarninn í leiktækninni er sóttur til “Þriðja leikhússins”, þ.e.a.s  aðferðir Jerzy Grotowski´s og í rannsóknir Eugeino Barba m.a. þær er lúta að hinum síendurteknu lögmálum (the recurrent principles). Á seinni stigum eru nemendum svo, meðal annarra, kynntar aðferðir B. Brecht. Í leiktúlkun er nemendum upphaflega kynntar greiningaraðferðir Stanislavskis og þeim leiðbeint með aðferðum hans í vinnu með leikverk. Senuvinnan er svo þróuð áfram á annarri önn a´la M. Checkhov og loks fer áherslan eingöngu yfir á kvikmyndaleik á seinni tveimur önnunum og þá er innblástur sóttur annars vegar í amerísku “Methoduna” (Strassberg, Adler, Meisner) og hins vegar til Mike Leigh og fleiri.“Leikur og hreyfing” tekur töluverðum breytingum frá því sem verið hefur og verður nú boðið uppá  stutt en hnitmiðuð námskeið í ýmsu hagnýtu eins og t.d. bardaga- og slagsmálatækni, samkvæmisdönsum, fimleikum. Leikur og rödd verður áfram með svipuðu sniði og verið hefur, þó áherslubreytingar hafi átt sér stað. Enn sem fyrr er “Complete Vocal Technique” lögð til grundvallarsöngþjálfuninni en aðferðum Nadine George er m.a. beitt við þjálfun í textameðferð og töluðu máli.Stoðgreinarnar styðja svo við sérgreinarnar, en þar eru helstu nýjungarnar að nemendur fá að kynnast “Haraldinum”, spunatækni sem m.a. Impro Ísland beitir. Önnur ný stoðgreinanámskeið eru “Vinna með leikstjóra”,þar sem nemendur kynnast samskiptum leikara og leikstjóra og fá innsýn í vinnubrögð ólíkra leikstjóra og “Fagið og framtíðin” sem nemendur taka á síðustu önninni og fá þar m.a. þjálfun í undirbúningi og þátttöku í áheyrnarprufum (audition) og aðstoð við gerð kynningarmyndar (show-real) um sjálfa sig.

Hverja telur þú vera helstu styrkleika deildarinnar?

Námið er mjög framleiðsludrifið, öllum námskeiðum lýkur með einhvers konar “afurð”, sýningu, tónleikum eða kvikmynd. Það er þverfaglegt og nemendur leikistardeildar vinna mikið að ólíkum verkefnum með nemendum úr öðrum deildum. Með endurnýjaðri námskrá er enn frekar reynt að skerpa á sérstöðu deildarinnar sem leiklistardeildar í kvikmyndaskóla. Þó þetta sé leiklistardeild fá nemendur innsýn í alla þætti kvikmyndagerðar og tækifæri til að spreyta  sig á ýmsum sviðum hennar. Það má kannski segja sem svo að þetta sé grunnnám í kvikmyndagerð með leiklist sem aðalfag og þar liggur kannski styrkur deildarinnar, það er í allri þeirri kvikmyndagerð sem á sér stað innan deildarinnar.

Hver er framtíðarsýn þín fyrir deildina og hvernig sérðu hana þróast.

Það er margt að gerast, til dæmis er fyrsti angi alþjóðlegrar deildar að hefja starfsemi sína, 6 erlendir nemendur í leikstjórn/handrit  hefja nám í haust og ég vona að alþjóðleg leiklistardeild komist á koppinn sem allra fyrst. Það myndi ekki aðeins auka og efla nemendaflóruna, heldur líka auka möguleika okkar á að fá flotta kennara erlendis frá sem hefði þá væntanlega áhrif langt út fyrir veggi skólans. Einnig bind ég miklar  vonir við þær samræður sem verið hafa í gangi við Háskóla Íslands varðandi samstarf sem mundi þá styrkja nemendur okkar enn frekar og auka valkosti þeirra. Ég er einnig mjög áhugasamur um ýmis konar stuðning við útskrifaða nemendur og reyndar höfum við gert tilraunir með símenntun í huga. Útskrifuðum nemendum hefur verið boðið uppá þátttöku í þjálfun og vinnusmiðjum þeim að kostnaðarlausu. Það er eitthvað sem ég vil þróa áfram og taka lengra. Á síðunni casting.is er haldið utanum útskrifaða nemendur og þar geta þeir komið sér á framfæri.Í augnablikinu sé ég endalaus sóknarfæri fyrir deildina og hef í því sambandi fjölda hugmynda sem mér finnst óþarfi að tíunda hér því mér finnst betra að láta verkin tala.

Viðtal: Böðvar Bjarki Pétursson, stjórnarformaður Kvikmyndaskóla Íslands

Reynsluboltinn Rúnar Guðbrands segir frá nýjum leiðum leiklistardeildar

IFS News á Twitter hefur borist liðsauki en nýr blaðamaður miðilsins er Erna Huld Arnardóttir og hefur hún aðsetur sitt á Spáni.

Þó Erna Huld hafi aðeins lítillega komið nærri búninga- og leikmunavinnu við kvikmyndagerð hefur hún haft mikinn áhuga á kvikmyndaforminu um langt skeið.

Minn bakgrunnur liggur aðallega í bókabransanum og síðustu 8 árin hef ég einnig starfað í hótelbransanum. Breyting varð á högum mínum síðasta haust þegar einkasonurinn, orðinn fullvaxta og tilbúinn til að takast á við heiminn, flutti út og þá var komið að mömmunni að fara í ævintýraleit.

Erna fluttist til Spánar með kærastanum en hann starfar sem skipstjóri.

Hér er ég að njóta sólar, dútlast við að skrifa bók, smíða, læra á mótorhjól og auðvitað læra spænskuna. Það er að segja þegar hinn helmingurinn siglir um heimsins höf. Í hans fríum er planið að ferðast um Evrópu á mótorhjóli, einu saman til að byrja með, en verð orðin fullfær sjálf innan skamms er ég viss um og get þá hætt að vera hnakkskraut.

Eins og áður segir hefur Erna Huld eins og gefur að skilja óendanlegan áhuga á kvikmyndum af öllum stærðum og gerðum og skýrir það aðkomu hennar að IFS News nú.

Ég hallast ívið meira í áttina að ævintýrum og hryllingi. Ég tekst á við þetta nýja verkefni með það í huga að kvikmyndabransinn er ekki eingöngu bundinn við blessuð Bandaríkin, þó auðvitað séu þau stór. Ég vonast til að geta gefið alþjóðlegum markaði meiri sýnileika en verkefnið, sem ég tók við í síðustu viku, er afar áhugavert og er ég að sjálfsögðu að vonast til að geta gert því góð skil.

Kvikmyndaskóli Íslands óskar Ernu Huld velfarnaðar í starfi sínu við IFS News.

Erna Huld Arnardóttir til liðs við IFS News á Twitter

Vorið 2015 útskrifaðist Barði Guðmundsson úr Deild 3, Handritum/leikstjórn. Síðan þá hefur hann unnið markvisst að verkefnum sínum og er nú kominn með tvö glæsileg verkefni vel á veg.

Ég hef verið að vinna við handrit að mynd í fullri lengd. Ég er nú búinn að fá tvo handritastyrki frá Kvikmyndasjóði ég vann handritið í Kvikmyndaskólanum undir leiðsögn meistarans Hrafnkells Stefánssonar, deildarstjóra.

Vinnsluheiti kvikmyndar er “Upp með hendur” en það fjallar um tvo ólíka eldriborgara sem deila herbergi á öldrunarheimli og kemur þeim mjög illa saman.

Á sama tíma er verið að byggja nýja fangelsið á Hólmsheiði þar sem mikill lúxus bíður fanganna. Þeir gömlu taka sig saman, ákveða að ræna banka og láta handtaka sig á staðnum. En þeir komast upp með ránið og sitja uppi með milljónir milli handanna.

Framleiðendur eru nú að skoða efnið en til að sækja um síðasta styrkinn verða þeir að vera með í verkefninu.

Meðframleiðandi er Hannes Þór Arason sem  hefur strax frá því að loglínan birtist í útskriftarbæklingnum, sýnt þessu mikinn áhuga.

En Barði lætur sér ekki nægja það eitt að vera með mynd í fullri lengd í smíðum heldur er hann einnig að vinna að gerð heimildarmyndar.

Ég er líka að gera heimildamynd um flúoreitrun í hrossum á bæ í Hvalfirði í námunda við álverksmiðjuna. Ég gerði í skólanum hjá Steingrími Dúa Mássyni tuttugu mínútna mynd um sama efni. Mér fannst þetta svo aðkallandi viðfangsefni að ég ákvað að gera heimildamynd í fullri lengd og stefni að frumsýningu hennar næsta vor.

Námið við skólann hefur nýst mér mjög vel og það segir sig sjálft að þessi verkefni sem ég vinn að hefðu ekki orðið til án skólans. Svo kynntist ég frábæru fólki, bæði samnemendum og leiðbeinendum sem hafa hjálpað mér ómetanlega.

Barða Guðmundssyni gengur vel með myndir sínar

Ylfa Marín Haraldsdóttir útskrifaðist frá Leiklist vorið 2018 og hér má njóta hennar “showreel”

Við óskum henni innilega til hamingju og munu fylgjast spennt með hennar framtíðar verkefnum

Ylfa Marín Haraldsdóttir, útskrifuð frá Leiklist

Við náðum tali af Arnari Benjamín Kristjánssyni framkvæmdastjóra og fengum að forvitnast um fyrirtæki þeirra sem átti sín fyrstu skref í Kvikmyndaskólanum. Þeir drengirnir hófu samstarf sitt árið 2011 og hafa vaxið hratt síðan

Flestir okkar byrjuðu að vinna saman á annari önn okkar í Kvikmyndaskólanum árið 2011, þá gerðum við stuttmyndina „Eitt Skot“. Þá vorum við bara fjórir af átta en svo þegar að kvikmyndaskólinn lenti í lokunum haustið 2011 mælti stjórnarformaður skólans þau orð að tækjaleigan stæði öllum opin á meðan skólinn væri lokaður og við tókum hann á orðinu og gerðum vefseríuna „Ævintýri á einkamál“. Þá bætust aðrir þrír við og hópurinn varð til. Seinna hætti einn af okkur og við bættist hann Hilmar Loftsson sem er ekki úr Kvikmyndaskólanum en hafði lært teiknimyndagerð og kvikmyndabrellur í Tækniskólanum. Við stofnuðum svo fyrirtækið okkar formlega árið 2013 og höfum síðan gert tvær myndir í fullri lengd og 12 stuttmyndir.

Með hugmyndaflugið að vopni sáu þeir opinn möguleika á kvikmynda markaðnum

Okkur langar bara til að segja sögur. Þegar við vorum í kvikmyndaskólanum var oft talað um hvað íslenskar kvikmyndir væru einhæfar og leiðinlegar og okkur langaði einfaldlega að breyta því. Mannkynið er þeim hæfileika gætt að geta sagt sögur og hvar værum við ef við hefðum þær ekki?

Hópurinn er fjölbreyttur með meiru og gerir það að verkum að þeir geta tekið að sér afskaplega fjölbreytt verkefni, og þá einnig á alþjóðlegum vettvangi

Við erum átta eigendur og stofnmeðlimir en svo eru þrír aðrir sem eiga ekki hlut en vinna með okkur í flestum verkefnum okkar.
Arnar Benjamín er framkvæmdastjóri og framleiðandi, hann sér um að fjármagna myndirnar okkar sem og að skipuleggja tökur og fleira, Guðni Líndal er leikstjóri og handritshöfundur. Hann er einnig yfir þróun (e. Head of Development), þ.e. að hann þróar flest verkefni sem við tökum að okkur og vinnur með utanaðkomandi leikstjórum við að laga handritin sín áður en við förum í tökur, Páll Ingi er handritshöfundur og er líka að þróa handrit (e. VP of development), Viggó Hansson er kvikmyndatökumaður og skýtur flest okkar verkefni, Stefán Örn er einnig kvikmyndatökumaður en er samt mest í að vera “focus puller” og fyrsti aðstoðartökumaður, Ari Rannveigarson er hljóðmaður, Eyjólfur Ásberg er aðstoðarleikstjórinn okkar og Hilmar Loftsson sér um grafíska hönnun hjá okkur. Þá eru einnig þrír aðrir með okkur en þeir eru Einar Pétursson sem er framleiðandi og er staðsettur í Bandaríkjunum, hann mun sjá um að reka skrifstofuna okkar þar sem við áformum að opna í október, Haraldur Thorlacius er með okkur sem framleiðandi og Simon Deeley er nýkominn til okkar sem handritslesari en hann er staðsettur í London og sér um að lesa handrit sem okkur berast á ensku

Þeim leiðist greinilega ekki og eru með fjölmörg verkefni í vinnslu

Við vorum að klára að skjóta tvær stuttmyndir í Edinborg í Skotlandi. “Donor” í leikstjórn Guðna Líndal sem skrifar einnig handritið og svo “A Skinny Girls Guide to Gaining Weight” sem er einnig eftir Guðna Líndal en er í leikstjórn Sölmundar Ísaks. Við áformum að þær verði tilbúnar í byrjun október og stefnan með þær er að senda á hátíðir um víða veröld.
Þá erum við með réttinn að bókinni „Þín eigin þjóðsaga“ eftir Ævar Þór Benediktsson og erum að vinna að því að breyta henni í sjónvarpsþætti sem Guðni Líndal skrifar ásamt Ævari.
Við erum einnig að vinna að þróun kvikmyndar sem heitir “Among Shadows” í samstarfi við sænska og finnska framleiðendur ásamt því að vinna að kvikmynd í fullri lengd eftir Guðna Líndal þannig að það er margt á prjónunum hjá okkur.

Heilmikil vinna hefur farið í að byggja upp fyrirtækið og er ekki hægt að segja annað en að framtíðin sé björt

Við höfum tekið okkur 5 ár í að byggja upp orðspor og nafn og öll sú vinna er að skila sér smátt og smátt. Við ætlum að opna skrifstofu í Los Angeles í haust en þá flytur Hilmar út og hann og Einar munu sjá um að reka skrifstofuna okkar þar.
Þá er draumurinn að geta unnið að okkar verkefnum því að við höfum allmörg draumaverkefni sem okkur langar að ráðast í.

Það verður spennandi að fylgjast með þeirra framleiðslu í Fenrir Films í framtíðinni og óskum við þeim góðs gengis

Starfsmenn Fenrir Films eru að takast á við skemmtileg verkefni og þeirra á meðal eru fyrrverandi nemendur Kvikmyndaskólans

Kvikmyndaskóli Íslands hefur gefið út handritalista með verkum nemenda vorannar 2016 og  hefur listinn verið sendur til framleiðslufyrirtækja til kynningar.

Fyrirtækin sem fengu listana eru Truenorth, Sagafilm, Reykjavík Films, Askja Films, Mystery Productions, ZikZak,  23Frames, Virgo Films, Pegasus og Poppoli.  Hrafnkell Stefánsson, deildarforseti Handrita/Leikstjórnar segir að ætlunin sé í framtíðinn að senda út slika lista tvisvar á ári hverju.

Skólinn er ávallt að leita leiða til að auðvelda nemendum að koma sér út í atvinnulífið – kvikmyndabransann – að loknu námi og er þetta liður í því.

Hrafnkell segist ekki vita til að aðrir skólar hafi sama hátt á en finnst ekki ólíklegt að þetta hafi verið reynt annarsstaðar.

Hugmyndin að þessu öllu kom frá handritalistum sem við sjáum í Hollywood, t.d. BlackList, HitList og fleiri.  Þetta er auðvitað í fyrsta sinn sem við sendum svona út, en nemendurnir á bakvið verkefnin eru frábært kvikmyndargerðarfólk og vonast ég því til að þetta auðveldi þeim leiðina út í bransann. Auðvitað yrði stórkostlegt, ef einhver af þessum handritum færu lengra vegna þessa lista. En þó að nemandinn fengi ekki nema fund með einu af þessum fyrirtækjum vegna listans, þá gæti það vel leitt af sér spennandi tækifæri fyrir þann nemanda

Hrafnkell segir að í Handrita/leikstjórnardeild sé það stór hluti af náminu, að skrifa handrit að kvikmynd í fullri lengd.

Við erum með mjög framleiðslu- og verkefnamiðað nám, viljum að nemendur vinni verkefnin sín af metnaði og þetta er mjög jákvæð hvatning fyrir þá sem stunda nám í deildinni. Að verkefnin sem þau vinna séu alvöru.

Handritalisti með verkum nemenda KVÍ sendur til framleiðslufyrirtækja

Á  morgun hefst Gamanmyndahátíð Flateyrar en þetta er í fyrsta sinn sem hátíðin er haldin. Það er nemandi í Kvikmyndaskóla Íslands sem á heiðurinn af hátíðinni, Eyþór Jóvinsson en hann hefur þegar getið sér gott orð fyrir myndir sínar. Mörgum er í fersku minni mynd hans sem einnig tengist Flateyri, Amma sem vann fyrstu verðlaun í Örvarpanu hjá Rúv í fyrra.

Hugmyndin að hátíðinni kviknaði á annari kvikmyndahátíð þar sem ég var búinn að sitja yfir þungum og átaklegum myndum allan daginn. Allt voru þetta flottar myndir og falleg kvikmyndagerð um mikilvæg málefni en þetta var bara svo helvíti leiðilegt. Þá hugsaði ég með mér hvort að það væri ekki svona einu sinni hægt að gera kvikmyndahátíð sem væri fyrst og fremst skemmtileg. Þar sem alvarleikinn er aðeins settur til hliðar og gleðinni gert hátt undir höfði.

Eyþór fer ótroðnar slóðir að halda hátíð sína á Vestfjörðum en hvar verða myndirnar sýndar?

Hugmyndin  er fyrst og fremst að skemmta fólki og hafa gaman. Hátíðin verður haldin eins og nafnið gefur til kynna  á Flateyri og verða  sýningar  víðsvegar um þorpið, t. d. í sundlauginni og í gömlum bræðslutanki.

Eftir helgi verður hátíðin að baki og við tekur skólastarfið. Hvað er framundan í allra næstu framtíð?

Næst á dagskrá eftir að hátíðinni er lokið er að hitta deildastjórann til að semja um lausn á þeim áfanga sem ég missi af í byrjun annarinnar.  Þar á eftir fer vinna við útskriftarmyndina mína á fullt, en stefnan er einmitt að taka hana upp á Flateyri. Svo er ég með handrit í umsóknarferli hjá Kvikmyndamiðstöð, og vonandi kemur eitthvað jákvætt út úr því svo maður geti hellt sér í hana að loknu námi.

Eyþór Jóvinsson með Gamanmyndahátíð Flateyrar um helgina

Í tilefni af 25 ára afmælisári Kvikmyndaskóla Íslands munum við á næstunni sýna 25 valin verk útskrifaðra nemenda síðustu ára. Nú sýnum við stuttmyndina “Kæri Kaleb” frá haustönn 2010.

Stuttmyndin “Kæri Kaleb” var útskriftarverkefni Erlends Sveinssonar og Anton Smára Gunnarssonar, sem útskrifuðust úr Leikstjórnar-og framleiðsludeild og Skapandi Tækni KVÍ á haustönn 2010.

Í samtali við Erlend Sveinsson leikstjóra segir hann:

Ég hef starfað við kvikmyndagerð síðan ég útskrifaðist úr Kvikmyndaskólanum 2010 og hef unnið að mestu leyti við auglýsingar, kvikmyndir og sjónvarpsþætti. Ég er búsettur í New York þessa stundina þar sem ég er að hefja lokaárið mitt í Mastersnámi í leikstjórn við Columbia University háskólann. Námið mitt í Kvikmyndaskólanum hefur reynst gífurlega vel, það var þar sem ég tók mín fyrstu skref í geiranum og fékk frelsi til að skapa og kynntist frábæru fólki sem ég hef unnið náið með alla tíð síðan

Niðurstöður leitar