Vonandi fannstu það sem þú varst að leita að

Brú inní bransann er nýr og  spennandi samstarfssamningur sem Kvikmyndaskóli Íslands hefur gert við helstu framleiðslufyrirtæki landsins.

Nafnið er ekki úr lausu lofti gripið því samstarfið er hugsað sem leið  fyrir útskrifaða nemendur KVÍ að launuðu starfi til lengri eða skemmri tíma og er gert ráð fyrir að sá tími verði á bilinu þrír til tólf mánuðir.

Þegar er búið að gera starfsþjálfunarsamning við fyrirtækin ogen einnig er samningur við á lokastigi. Þau störf sem eru í boði eru breytileg og í samræmi við verkefnin sem fyrirtækin fást við hverju sinni. Stöðurnar verða auglýstar í lok hverrar annar og er stefnt að því að senda úrvalsnemendur í þessa starfsþjálfun.

Samningurinn getur nýst vel sem kraftmikið afl inní kvikmyndafyrirtækin og sjónvarpsstöðvarnar en ekki síður sem brú inní bransann fyrir nýútskrifaða  nemendur KVÍ.

Sigrún Gylfadóttir, tengslafulltrúi nemenda leiðir verkefnið af hálfu KVÍ og munu nokkrar stöður verða í boði nú strax eftir áramót.

Brú inní bransann – nýr spennandi samstarfssamningur

Samstarfssamningur Kvikmyndaskóla Íslands við framleiðslufyrirtæki, Brú inní bransann, hefur þegar vakið athygli síðan tilkynnt var um hann á þriðjudag.

Ætla má að framtakið muni veita nemendum kjörið tækifæri til að fóta sig í íslenskri kvikmyndagerð. Eins og fram hefur komið er það nýr  kynningar- og framleiðslustjóri skólans,  Sigrún Gylfadóttir sem leiðir verkefnið og fengum við hana til að ræða við okkur um tilgang þess og markmið.

Tilgangurinn er að gera starfsþjálfunarsamninga við framleiðslufyrirtækin og sjónvarpsstöðvarnar. Við gefum útskrifuðum nemendum okkar þannig fyrsta tækifærið til að vinna við kvikmyndagerð með fagfólki og öðlast reynslu en án hennar ná þeir ekki að vaxa og dafna í greininni.

Samningurinn hefur verið í smíðum um skeið en það liggur beint við að spyrja Sigrúnu hvernig skólarnir og fyrirtækin hafi í hyggju að byggja umrædda brú?

Við framkvæmum þetta með því að vera í góðu samstafi við þessi kvikmyndafyrirtæki og sjónvarpsstöðvar og ekki síður með því að virkja  fólkið okkar til krefjandi starfa á sviði kvikmkyndagerðar, fyrirtækjunum og bransanum til heilla.

Sigrún bætir við að um sé að ræða 3-12 mánaða starfsþjálfunarsamninga en lengd þeirra er háð verkefnunum sem fyrirtækin eru með í vinnslu hverju sinni.

Hugsunin er að nemendur fái svo jafnvel störf í framhaldinu innan fyrirtækjanna ef þeir standa sig vel. Við munum fylgja þessu eftir af bestu getu og halda þessari brú gangandi eins og þörf er á.

Sigrún segir að um sé að ræða algjöra nýjung í samstarfi skólans við atvinnulífið en skólinn hefur áður lagt áherslu á mikilvægi þess að aðstoða nemendur á leiðinni út í fagið,  t.d. með vefsíðunni casting.is sem hefur verið starfrækt fyrir útskrifaða leikara skólans.

Við höfum verið að þróa þetta í nokkurn tíma og bindum miklar vonir við verkefnið í framtíðinni. Við höfum verið með styttri námskeið í starfsþjálfun á námstímanum  en þessi leið nú er viðbót. Hugmyndin er að styðja við nemendur sem eru að standa sig vel í náminu og búa til þessa brú inní bransann sem einskonar atvinnumiðlun.Við tökum slagorð okkar alvarlega, “við búum til stjörnur”, og þess vegna viljum við raunverulega styðja við bakið á útskrifuðum nemendum. Þeirra sigrar eru grundvöllur okkar sigra.

Við á kvikmyndaskoli.is munum að sjálfsögðu leyfa ykkur að fylgjast áfram með þróun verkefnisins og kappkosta að færa ykkur fréttir af þeim nemendum sem hafa náð árangri í starfi gegnum það.

Virkjum fólk til krefjandi starfa, bransanum til heilla – Sigrún Gylfadóttir um Brú inní bransann

Þrír útskrifaðir leikarar úr Kvikmyndaskóla Íslands tóku þátt í verkefninu sem allt snýst um yfir áramót, sjálfu Skaupinu.

Ekki eru allir leikarar svo lánsamir að komast að í Skaupinu og lék okkur forvitni að vita hvað tveimur af leikurunum fannst um þessa reynslu.Við höfðum samband við Önnu Hafþórsdóttur og Hafstein Vilhelmsson en Bylgja Babýlons sem við ræddum nýlega við var einnig skaupsleikari í ár.

Það var auðvitað mikill heiður að fá að vera með í Skaupinu. Það var mjög góð stemmning á setti og góður andi. Það voru allir greinilega að skemmta sér konunglega og það var tekið mjög vel á móti mér. Allir svakalega almennilegir og vinalegir.

Segir Anna Hafþórsdóttir sem gegndi nokkrum hlutverkum. Anna lék starfsmann KFC sem birtist í kjúklingafráhvörfum Steinda. Einnig lék keppanda í ungfrú ísland og dansara.

Anna þarf ekki að leita á náðir kjúklingastaðarins með vinnu því hún er með nokkur verkefni framundan.

Ég er að fara í hugmynda og handritavinnu með skemmtilegum hópi fólks og svo er leikhúsverk einning á dagskrá. Fyrir utan það er ég í 100% vinnu sem forritari.

Hafsteinn Vilhelmsson lék í einn af gestum í flugvélaatriði sem vakti mikla kátinu margra áhorfenda en hann segir reynsluna að vinnslu Skaupsins hafa verið mikilvæga.

Mér finnst öll reynsla mjög mikilvæg og að fá að taka þátt í þessu verkefni var einstaklega skemmtilegt. Þarna fékk ég tækifæri á að vinna með fólki sem hefur gríðalega reynslu af því sem það er að gera og öðrum sem hafa litla sem enga reynslu að státa sig af. Það mætti segja að ég væri einhverstaðar þar á milli.

Hafsteinn segir að senan sem hann kom fram í hafi kannski ekki krafist mikils undirbúnings.

En það var gott að hafa það sem ég hef lært í Kvikmyndaskólanum til að hjálpa mér í þeirri vinnu.

Mögulega bíður Hafsteins verkefni í byrjun árs.

Það á allt eftir að koma í ljós og mögulega einnig annað verkefni í haust. Annars er ég að vinna með börnum og unglingum í Breiðholtinu í kvikmyndagerð og leiklist sem er klikkað gaman.

Leikarar úr leiklistardeild Kvikmyndaskólans í Skaupinu

Sketsaþátturinn Punkturinn er þessar vikurnar til sýninga á Stöð 3. Þátturinn hefur vakið athygli en röðin á sér talsverða sögu.

Punkturinn var stofnaður af Tomma Rizzo meðan hann var yfir myndbandsnefnd Menntaskólans í Kópavogi. Hópurinn hefur stækkað á  árunum sem liðin eru frá stofnun, breyst og þróast mikið.

Upprunalega var þetta einkahúmor fyrir nemendur en breyttist fljótt í sketsaþætti. Nokkrir úr hópnum hafa stundað nám og útskrifast úr Kvikmyndaskóla Íslands en þar má helst nefna þær Þórunni Guðlaugs og Tönju Björk sem leika aðalhlutverk í þáttunum. Einnig voru tæknimenn eins og Árni Gylfason, Hallgrímur Jóhann Hallgrímsson og Elín Birna Gylfadóttir sem hafa unnið að þættinum. Frábært lið.

segir Sindri Gretars sem leikstýrir þáttunum en hann vinnur að gerð þáttanna ásamt Þór Þorsteinssyni. Sagan á bakvið Punktinn er raunar öll aðgengileg á Facebook-síðu þáttarins, fyrir þá sem hafa áhuga.

Ég kom ekki í hópinn fyrr en 2008 og tók hægt og hægt við af öllum helstu stöðum framleiðslunnar. Frá 2008-2010 sá ég bókstaflega um allt tæknilegt sjálfur. Framleiðslan var þó ekki alltaf í gangi, til dæmis var 2009 algert frí ár fyrir Punktinn. Svo byrjaði þetta alltaf aftur með ákveðinn “reboot” fíling. Viljinn okkar í kjarnahópnum var ávallt að koma þessu eins langt og við getum og ég held að þessi sería endurspegli það.
Sindri segir það hafa verið lykilatriðið við þróun vinnunnar að búa að góðu fólki en þannig hafi framkvæmdastjórinn og aðalframleiðandinn Egill Viðarsson í hópinn árið 2012.

Án hans hefði serían einfaldlega aldrei orðið að veruleika. Þökk sé honum náðum við að kreista óeðlilega miklum framleiðslugæðum út úr litlu fjármagni. Þór Þorsteinsson aðstoðarleikstjóri og yfirmaður eftirvinnslunnar á sömu orð skilið og þeirra þáttaka hefur reynst ómetanleg. Svo eru aðrir eins og Viktor Aleksander Bogdanski sem hefur verið aðaltökumaðurinn í hópnum síðan 2010 og margir aðrir sem hafa sett sinn svip á efnið og útlit þáttanna.

Samvinnu kjarnahópsins í hugmyndavinnunni segir Sindri vera lykilatriði.

Við hendum hugmyndum á milli okkar á fundum og þróum þær saman. Við erum mjög dómhörð á efni hvors annars og ef eitthvað er ekki fyndið þá er því hent í ruslið. Að minnsta kosti helmingurinn af hugmyndum mínum er hent út strax svo það er enginn heilagur í þessu ferli. Ég held þó að fyrirmyndir okkar séu almargar og ég á erfitt með að svara fyrir alla í hópnum. Þegar að húmor kemur þá er ég mikið fyrir South Park, 90’s Simpsons, Futurama, Rick & Morty og svo framvegis. Ég horfi ekki mikið til Íslands í sketsa eða grínmálum, Fóstbræður voru bestu sketsaþættirnir að mínu mati. Eina regla sem ég held í er að gelda ekki húmorinn í þágu þess að sýna pólitíska rétthugsun eða til að vera barnavæn.

Eins og áður segir er stór hluti teymisins úr Kvikmyndaskóla Íslands. Viðkoman í skólanum var ekki á sama tíma hjá þeim öllum en tengslin við skólann eru mikilvæg.

Það sem kvikmyndaskólar færa oft eru tengslanet, maður kynnist mörgum og þaðan fær maður fleiri sambönd og ef þú sannar þig í bransanum og stendur þig vel þá geturðu gert ýmislegt með þannig sambönd. Alveg eins og í hefðbundnu starfi – þú kynnist fólki og það metur þig eftir hæfni og persónutöfrum. Það sem skóli getur gert einnig er að opna vissar dyr, hvort sem að nýjum hugmyndum, hugmyndafræðum og jafnvel tæknilegum hlutum en það er auðvitað uppi manni sjálfum komið að nýta það.

Lykilmennirnir og aðal aðstandendur Punktsins, Sindri , Egill og Þór hafa sannarlega hug á að halda honum áfram.

En framhaldið fer eftir því hvernig þessi sería gengur. Hvort af því verður eða ekki er enn óljóst en að lokinni að seríunni  mun það án efa skýrast fljótt.

Sindri hefur nokkur ár unnið sem lausamaður í bransanum hér og þar.

Það vildi þannig til að þegar við fengum samning um að gera seríu hjá 365 þá var ég nýlega kominn í fullt starf hjá Silent Company. Ég tók þá erfiðu ákvörðun að hætta starfinu til að helga tíma mínum í seríuna. Annars tek ég að mér verkefni í myndatökum og stundum klippingu einnig. Þetta er í fyrsta skipti sem ég hef eytt svona miklum tíma, orðið heilt ár núna í eitt verkefni og þar sem ég er lykilhluti af framleiðslunni á öllum deildum þá hefur verið erfitt fyrir mig að taka pásu en ég ætla mér svo sannarlega að gera það eftir að serían er alveg búin.

Samvinna kjarnahópsins lykilatriði – Sindri Gretars ræðir um Punktinn

Kvikmynd Magnúsar Thoroddsen Ívarssonar, Webcam  sem kom út síðasta sumar  fékk lofsamlega dóma og vakti verðskuldaða athygli.

Magnús hefur nú lokið tökum á nýrri kvikmynd og fengum við hann til að setja frá þessu nýja verkefni sínu útskrifaðist úr Kvikmyndaskóla Íslands fyrir tæpum tveimur árum.

„Snjór og Salóme“ fjallar um unga konu, Salóme, sem hefur átt í on/off sambandi við besta vin sinn og langverandi leigufélaga Hrafn. Allt breytist þegar Hrafn barnar aðra dömu, Ríkey og hún flytur inn. Um er að ræða rómantíska gamanmynd.

Segir Magnús brosandi og bæti við að margir félaga hans úr Webcam komi að gerð myndarinnar „Snjór og Salome“.

Það er sami kjarni en það bættist vel utan á hann líka. Ég og Telma Huld Jóhannesdóttir framleiddum saman þar sem það voru fleiri leikarar og meira af öllu eiginlega. Nú var hljóðmaður, Magnús Hrafn Hafliðason og um förðun sá Arna Sirrý Benediksdótti allan tímann ásamt  Jelena Schally sem sá um leikmyndagerð og ljósamanni, Hauki Karlsyni. Við fórum því úr þriggja manna crewi í 6-8 manna kjarna crew. Kvikmyndaskólinn spilaði líka stórt hlutverk þar sem þrír nemendur, Tjörvi Lederer, Birta Rán Björgvinsdóttir og Ísak Þór Ragnarsson komu sem aðstoðarmenn þegar mest reyndi á. Þau og Katrín Bjarkardóttir tengiliður okkar hjá skólanum eiga mikið credit skilið.

Ætlunin er að frumsýna  „Snjó og Salóme“ í Október.

Hún verður sýnd í Senubíóunum en Toni (Sigurður Anton Friðjónsson) vinnur nú hörðum höndum að klippinu sjálfur.

Magnús er jafnframt kominn af stað í annað verkefni

Það er að hefjast framleiðsla á nýrri mynd. Þangað til sú framleiðsla er farin almennilega á stað er lítið hægt að segja um hana en það er stefnt á aðrar upptökur í sumar og þangað til er bara shoutout á alla í kvikmyndaskólanum!

Magnús Thoroddsen Ívarsson með nýja mynd – “Starfsfólk KVÍ á mikið kredit skilið”

Á Þorláksmessu staðfesti Bjarni Benediktsson fjármálaráðherra þriggja ára þjónustusamning milli menntamálaráðuneytisins og Kvikmyndaskóla Íslands en áður hafði Illugi Gunnarsson menntamálaráðherra undirritað samninginn.

Gildir samkomulag skólans til ársloka 2018 og mun það gjörbreyta stöðu skólans. Skammtímasamningar hafa frá árinu 2010 staðið öllu uppbyggingastarfi skólans mjög fyrir þrifum og hafa hindrað markvisst framtíðarskipulag. Samningurinn nú er sambærilegur við þá sem aðrir skólar starfa eftir.

Það er mikill léttir að þessari óvissu sé nú eytt og að nú getum við farið að einbeita okkur að skólastarfinu. Það er mikilvægt í þeirri spennandi uppbyggingu sem framundan er í íslenskum kvikmyndaiðnaði.

segir Hilmar Oddsson, rektor Kvikmyndaskóla Íslands, en samningurinn tryggir skólanum um 80 milljóna króna árlega fjárveitingu. Skólanum er jafnframt gert að styrkja eiginfjárhagsstöðu sína um 20 milljónir með hlutafjáraukningu. Segir Böðvar Bjarki Pétursson stjórnarformaður og fulltrúi eigenda skólans að þegar hafi verið gengið frá fjármögnun hennar.
Samningurinn við menntamálaráðuneyti boðar mikil tíðindi fyrir Kvikmyndaskólann sem hefur starfaði í 23 ár og tryggir enn stöðu hans og kvikmyndagerðar á Íslandi. Ætla má að hér verði stigið gæfuspor í átt að eflingu greinarinnar.

Þjónustusamningur menntamálaráðuneytis og Kvikmyndaskóla Íslands til þriggja ára tryggður

Nulla sagittis convallis arcu. Sed sed nunc. Curabitur consequat. Quisque metus enim, venenatis fermentum, mollis in, porta et, nibh. Duis vulputate elit in elit. Mauris dictum libero id justo. Fusce in est. Sed nec diam. Pellentesque habitant morbi tristique senectus et netus et malesuada fames ac turpis egestas. Quisque semper nibh eget nibh. Sed tempor. Fusce erat.

Við höfum uppfært námskrána en nýjasta útgáfan gildir frá 2015 – 2016. Námskráin er endurskoðuð á hverju ári, fyrst og fremst með tilliti til þess hvernig styrkja og auka megi gæði í námi og skólahaldi. Allir núverandi sem og tilvonandi nemendur ættu að kynna sér þetta skjal vel því þetta er nákvæmasti leiðarvísirinn fyrir uppbyggingu námsins og kjarninn sem gerir skólann að því sem hann er.

Þú getur sótt námskrána sem PDF skjal hér eða skoðað hana í vafranum hér. Útgáfa KVÍ og prentgögn fara inn á sér síðu sem nefnist útgáfa og gögn en þar leynast útskriftarbæklingar, námskrár og fleira gagnlegt prentefni.

Fyrsta önn Leikstjórnar/Framleiðslu luku kúrs í tónlistarmyndböndum undir leiðsögn Erlends Sveinssonar (Kanarí), klipptu saman tónlistarmyndbönd sem þau tóku í vikunni áður og hófu svo námskeið í framleiðslu með Hlín Jóhannesdóttur (Bokeh, Svanurinn) og leikstjórn þar sem er unnið með leikaravinnu undir leiðsögn Þorsteins Bachmans (Lof mér að falla, Vonarstræti) ásamt fyrstu önn nemenda í Handrit/Leikstjórn. Þriðja önn lauk námskeiði í endurgerð senu með öðrum nemendum þriðju annar, þar sem þau frumsýndu senur sem þau endurgerðu úr þekktum kvikmyndaverkum.  Leiðbeinendur voru Ágústa Margrét Jóhannsdóttir (UseLess) “storyboard” meistarinn Sigurður Valur og leikstjórinn Viðar Víkingsson (Draugasaga).

Nemendur á fyrstu önn Skapandi Tækni sátu sinn fyrsta kúrs í klippingu undir leiðsögn Davíðs Alexanders Corno (Undir Halastjörnu, Kona fer í stríð) ásamt því að hefja kúrs í myndbreytingu undir leiðsögn Sigurgeirs Arinbjarnarsonar (Everest, Star Trek Discovery). Nemendur á annarri önn sátu kúrs í hljóðvinnslu með Kjartani Kjartanssyni (Sódóma Reykjavík) og hófu námskeið í myndbreytingu þar sem þau vinna með eftir vinnslu undir leiðsögn Sigurgeirs Arinbjarnarsonar (Everest, Star Trek Discovery). Þriðja önn  lauk námskeiði í endurgerð senu með öðrum nemendum þriðju annar.  

Fyrsta önn nemenda í Handrit/Leikstjórn luku kúrs í skrifum fyrir sjónvarpsþætti undir leiðsögn fagstjórans Ottó Geirs Borg (Ég man þig, Astrópía) og hófu fyrsta námskeið í handritum í fullri lengd undir leiðsögn Hrafnkels Stefánssonar (Kurteist Fólk, Borgríki) þar sem þau hefja vinnu að handriti sem þau munu vinna áfram næstu annir. Þriðja önn  lauk námskeið í endurgerð senu með öðrum nemendum þriðju annar. Nemendur á fjórðu önn sátu námskeið í leikstjórn með Gunnari B. Guðmundssyni ( Astrópía, Gauragangur) þar sem nemendur undirbjuggu útskriftar mynd sína. 

Nemendur á fyrstu önn Leiklistar sátu námskeið í raddbeitingu og söng með Þórunni Ernu Clausen (Lói), leik og hreyfingu þar sem unnið með líkamann í tjáningu með Guðmundi Elíasi Knudsen, og kynntu svo það sem þau hafa verið að vinna í leiktúlkun með Rúnari Guðbrandssyni (Svartur á leik, XL). Nemendur á annarri önn sátu námskeið í raddbeitingu hjá Þóreyju Sigþórsdóttur (Agnes, Kaldaljós) og unnu í leiktækni með Rúnari Guðbrandssyni (Svartur á leik, XL). Þriðja önn  lauk námskeið í endurgerð senu með öðrum nemendum þriðju annar. 

Kínema, nemendafélag Kvikmyndaskóla Íslands, bauð upp á Handrita vinnustofu og Karaoke kvöld á þriðjudeginum og Spilakvöld á fimmtudeginum að vanda, og endaði vikuna á Halloween skemmtun á föstudagskvöldinu.  

Vikunni lauk að vanda í kvikmyndasögu í Bíó Paradís.

Raddþjálfun og endurgerð frægra atriða úr þekktum myndum meðal verkefna vikunnar

Nemendur fyrrverandi sem núverandi voru áberandi á heimildamyndahátíðinni Skjaldborg nú um helgina.

Af myndum útskrifaðra nemenda ber að nefna  Stökktu en sem útskrifaðist sem leikari vorið 2012 úr skólanum er höfundur hennar.

Örvar Hafþórsson útskrifaðist í maí úr Leikstjórn/framleiðsla átti myndina Ég fer bráðum að koma. Nemendur sem enn stunda nám í Kvikmyndaskóla Íslands og áttu myndir á hátiðinni voru Mahesh Raghavan með mynd sína Siggi’s Gallery, Guðjón Ragnarsson með Raise the Bar, Inga Óskarsdóttir með Blóð, sviti og Derby, Elfar Þór Guðbjartsson með og að síðustu Juan Albarran með A Portrait of Reykjavik. Öll stunda þau nám í Handritum/leikstjórn.

Kvikmyndaskóli Íslands óskar þeim öllum til hamingju með þátttökuna í hátíðinni í ár.

Nemendur Kvikmyndaskóla Íslands áberandi á Skjaldborgarhátíðinni

Í tilefni af 25 ára afmælisári Kvikmyndaskóla Íslands munum við á næstunni sýna 25 valin verk útskrifaðra nemenda síðustu ára. Nú sýnum við stuttmyndina “Stanislaw” frá haustönn 2010

Stuttmyndin Stanislaw, var útskriftarverkefni Jóns Márs Gunnarssonar sem útskrifaðist úr Skapandi tækni á haustönn 2010

Ég útskrifaðist úr kvikmyndaskólanum árið 2010. Ég hafði áður klárað nám í margmiðlunarskólanum þar sem ég sérhæfði mig í 3D animation en mér fannst eins og það vantaði eitthvað smá í vopnabúrið auk þess að ég fann að mér fannst samsetningar (comp) höfða mikið til mín. Þessvegna tók ég þá ákvörðun að fara í kvikmyndaskólann þar sem ég gerði flest öll verkefni í KVÍ að myndbrelluverkefnum, þó þau ættu ekkert endilega að vera það. Þannig fékk ég góðann stað til að æfa það sem ég hafði stefnt að og fólk til að vera mér til handa. Ég náði mjög fljótt mun betri tökum á listforminu og tækninni auk þess að kynnast fullt af hæfileikafólki sem hjálpaði mér að þróast.
Ég fékk strax töluvert af verkefnum og svo fullt starf hjá Pegasus og svo RGB þar sem ég er ennþá starfandi. Ég var svo heppin að vera hent beint í djúpu laugina og fékk traust til að tækla stór verkefni alveg frá upphafi

Fyrsta önninn fer vel af stað, eftir að hafa setið grunnkúrs í kvikmyndagerð hófu nemendur tökur á fyrsta verkefninu sínu í skólanum, þar sem hver nemandi gerir einnar mínútu mynd. 

Þriðja önn í Leikstjórn/Framleiðslu sat tíma í framleiðslu með Hlín Jóhannesdóttur (Svanurinn, Bokeh) ásamt því að ljúka áfanga í tilraunakenndri kvikmyndagerð með frumsýningu á tilraunamyndum undir leiðsögn Lee Lorenzo Lynch. 

Nemendur í Skapandi Tækni á annarri önn hafa setið kúrs í kvikmyndatöku með Tómasi Erni Tómassyni (Arctic, Latibær) og luku vikunni í að taka stutta mynd sem þau fara með í námskeið í klippingu vikuna á eftir. Nemendur á þriðju önn Skapandi Tækni luku námskeiði í handritsgerð með Hrafnkeli Stefánssyni (Kurteist Fólk, Borgríki) ásamt því að læra hljóðsetningu með Kjartani Kjartanssyni (Svartur á Leik, Sódóma Reykjavík) 

Nemendur á þriðju önn Handrit/Leikstjórn sátu námskeið þar sem þau unnu með leikurum í að skrifa leikrit með Rúnari Guðbrandssyni (Svartur á Leik, XL) og nemendur á 4.önn sátu við skriftir á handritum í fullri lengd með Hrafnkeli Stefánssyni (Kurteist Fólk, Borgríki)ásamt því að vinna að handriti að útskriftarverkefni sínu með handritshöfundnum Huldari Breiðfjörð ( Undir Trénu, París Norðursins) 

Nemendur í Leiklist á annarri önn luku námskeiði með Rúnari Guðbrandssyni (Svartur á Leik, XL) þar sem þau unnu með nemendum handritadeildar í að semja leikrit sem þau munu setja á svið í lok annar, sátu námskeið í söng með Þórunni Ernu Clausen (Réttur, Lói) og hófu námskeið í spuna og gríni með Mána Arnarssyni (Improv Iceland)Nemendur á þriðju önn luku námskeiði í vinnu leikara með leikstjóra undir leiðsögn Þorsteins Gunnars Bjarnarsonar (Jóhannes, casting: Hrútar) og hófu námskeið í leiktækni og túlkun með Þorsteini Bachmann (Lof mér að falla, Ófærð)Nemendur 2&3 annar luku svo einnig námskeiði í leik og hreyfingu þar sem þau lærðu sirkus listir undir leiðsöng Nick Candy og Kára Svan (Sirkus Íslands)

Svo lauk vikunni í Bíó Paradís að venju þar sem allur skólinn fór saman í Kvikmyndasögu. 

Óhætt er að segja að nóg sé að gera í náminu og komandi önn lítur spennendi út

Knútur Haukstein Ólafsson útskrifaðist frá Kvikmyndaskólanum með mynd sína “Inferno” árið 2015.

Síðan þá hefur hann hlotið mikla velgengni á mörgum kvikmyndahátíðum og var að bæta við sigurlistann með því að vinna “Best experimental” mynd ársins á Onrios kvikmyndahátíðinni.

Onrios kvikmyndahátíðin er mánaðarleg hátíð sem virkar þannig að þau verk sem vinna verðlaun í hverjum mánuði eiga möguleika á að vera tilnefnd til aðal verðlaunanna eða “Best of Year”, sem eru haldin í Aosta á Ítalíu. Mynd Knúts vann fyrir bestu tilraunakenndu stuttmyndina í febrúar á þessu ári, hlaut svo þann heiður að vera tilnefnd til aðalverðlaunanna fyrir bestu tilraunakenndu stuttmyndina ásamt fjórum öðrum verkum og endaði síðan á því að vinna aðal verðlaunin á hátíðinni. Þess má til gamans geta að þekktir kvikmyndagerðarmenn eins og Paul Sorvino (úr Goodfellas) og David Attenborough hafa unnið mánaðarleg verðlaun á þessari hátíð.

Hér má sjá viðtal við Knút á hátíðinni

Við fengum góðfúslegt leyfi til að leyfa ykkur að njóta myndarinnar ;


Leikstjóri: Kristín Ísabella Karlsdóttir
Aðalhlutverk: Knútur Haukstein Ólafsson og Lára Magnúsdóttir
Handrit: Knútur Haukstein Ólafsson og Kristín Ísabella Karlsdóttir

Við óskum Knúti og hans teymi innilega til hamingju með þennan frábæra árangur og fylgjumst spennt með framtíðinni


“Inferno” tekur fyrstu verðlaun á Oniros kvikmyndahátíðinni

Franska Kvikmyndahátíðin stendur yfir til 4. febrúar

Ung kanadísk kvikmyndakona, Gabrielle Demers, heimsótti skólann á þriðjudaginn til að eiga með okkur hádegis spjall í Siggasal. Demers er ein þriggja tilnefndra til Sólveigar Anspach verðlaunanna, en sigurvegari verður tilkynntur þann 1.febrúar í athöfn í Háskólabíói

Eitt af því sem eftirtektarvert er við mynd Gabrielle er það að allt starfslið við myndina var kvennfólk. Mynd hennar “Paupiére Mauve – Iris” hefur unnið til verðlauna á kvikmyndahátíð í Bandaríkjunum. Við sýndum stuttmynd hennar áður en laggst var í skemmtilegar umræður eftir á og óhætt er að segja að við nutum dagsins

Við fengum dásamlega heimsókn frá Gabrielle Demers

Lesendur kannast ugglaust margir við þættina Málið sem sýndir voru á Skjá einum en í honum var tekist á við mörg samfélagsleg málefni og mein. Þættirnir nutu mikilla vinsælda en alls urðu raðirnar fjórar. Daníel Bjarnason, útskrifaður úr Handrit/framleiðsla er einn af lykilmönnunum á bakvið þættina ásamt Sölva Tryggvasyni en þær hafa nú allar verið gerðar aðgengilegar á Vimeo.

Daníel kom fyrst að gerð þáttanna, m.a. sem leikstjóri, eftir dagskrárstjóraskipti á Skjá einum en í raun má segja að þátturinn hafi sprottið úr eldri þáttagerð Sölva, þá undir heitinu Spjallið.

Nýr dagskrárstjóri á Skjá einum leitaði til mín og spurði hvort ég vildi ekki taka við þættinum. Ég sá mikla möguleika hvert fara mætti með þáttinn og hafði auk þess unnið mikið heimildarefni áður. Þar með hófst samstarf okkar Sölva, og gekk það mjög vel. Ég lagði alltaf mikla áherslu á lúkkið á þáttunum og að hann myndi ekki “feel-a” eins og allt annað sem maður sá í sjónvarpi af heimildarefni.

Daníel fannst heimildar- og fréttaskýringaefni vera ábótavant hér á landi en bætir við að þau í Málinu hafi notið góðs af því að fá ríkulegan tíma til að vinna efnið almennilega.

Til að byrja með fékk ég aðeins ákveðna upphæð til að covera laun fyrir sjálfan mig en með tímanum vældi ég út meiri pening. Ég gat rökstutt með ýmsum ástæðum að mig vantaði meira budget. Þarna voru til dæmis drónar fyrst að koma til sögunnar og vorum við með þeim fyrstu til að nýta okkur drónatökur í íslensku sjónvarpi.

Reynsla komst á áhorf Málsins og þátturinn vakti stöðugt meiri athygli. Þannig batnaði samningsstaða Daníels við það að þátturinn hans var ítrekað í hópi þeirra 10 dagskrárgerða sem mest var horft á.

En samt var ég alltaf kominn framúr sjálfum mér og vildi frekar leggja meiri pening í framleiðsluna heldur en að hækka launin og í 3ju seríu breytti ég format-inu og hóf að segja stakar sögur með leiknu efni. Batasaga var fyrsti þátturinn af þeirri gerð en hann sagði frá konu frá Vestmannaeyjum sem barðist við alkohólisma og son hennar sem eyddi barnæskunni í að vera tekinn ítrekað frá mömmu sinni. Svo tókum við sögu Jóa og Guggu sem hentaði líka vel fyrir leikið efni eins og fleira annað sem gerðum.

Þegar vinnslan hófst við gerð fjórðu seríu urðu aftur dagskrárstjóraskipti á Skjánum. Þó Daníel og honum hafi samist vel var hugur hins nýja yfirmanns annarsstaðar varðandi íslenskt efni og þar með lauk framleiðslu á þáttunum Málið.

En við gengum stoltir frá þáttunum okkar sem fengu þrjár Eddutilnefningar og sátu á topplista skjás eins.

Segir Daníel. En hver er ástæða þess að nú eru þessir þættir aðgengilegir?

Ástæðan er í rauninni bara sú að þetta er orðið gamalt efni og Skjárinn er löngu hættur að sýna það. Við pældum í að gefa þetta út á Dvd, en kostnaðurinn var of hár og ljóst að það borgaði sig engan veginn. Svo hefði ég þurft að skipta út miklu af tónlistinni, en það er kosturinn við að vinna í sjónvarpi, stefgjöldin eru coveruð.

Daníel segir að málefnin sem urðu fyrir valinu í þáttagerðinni hafi verið þung, alvarleg og mjög tilfinningarík, ef svo má að orði komast.

Þátturinn tók fljótt þá stefnu, enda vorum við að vinna fyrir áskriftarsjónvarp sem þurfti að selja áskriftir og það er einhvernveginn auðveldast að selja drama.

Barnaníðsþættirnir voru það efni sem hafði djúpstæðust áhrif á Daníel. Upprunalega var því málefni ætlaður einn þáttur en þeir urðu heilir þrír.

Ég og Sölvi eyddum báðir þremur mánuðum í að þykjast vera 9-12 ára stelpur á einkamálum. Vinnan við gerð þáttanna opnaði virkilega augu manns við hversu mikill viðbjóður er til. Þegar við gerðum þátt um nauðgunarlyf þá fengum við að heyra mikið af sögum sem maður hreinlega trúði ekki. Sama má segja um vændisþáttinn og spilafíknarþáttinn.

Til að sinna framleiðslunni fyrir Skjá einn stofnaði Daníel framleiðslufyrirtækið Majestic Productions ásamt Erlendi Sveinssyni. Í nafni þess fyrirtækis hafa þeir framleitt Málið og aðrar seríur fyrir Skjáinn.

Á milli fyrstu og annarar seríu af Málinu gerðum við þætti sem hétu Óupplýst, leikna seríu um drauga og andatrú á Íslandi en þessa dagana hef ég aðallega verið að gera auglýsingar ásamt öðrum margvíslegum verkefnum. Þá gerði ég heimildarmynd fyrir Rúv um handboltamennina Guðjón, Björgvin og Aron sem hét Hringfararnir.

Fleiri seríur sem eru á teikniborðinu og er Daníel í sambandi við Skjáinn um framleiðslu þeirra. Auk þess er hann með handrit í fullri lengd í smíðum ásamt nokkrum öðrum heimildarverkefnum.

Fjöldi útskrifaðra nemenda úr Kvikmyndaskóla Íslands voru virkir þáttakendur í verkefninu Málinu.

Erlendur Sveinsson sem stofnaði Majestic Productions með mér og framleiddi og skaut mikið af þáttunum. Snædís Snorradóttir kom inn í 3ju seríu og framleiddi. Dagur de’medici skaut nokkra þætti ásamt Anton Smára Gunnarssyni. Í crewinu voru margir úr skólanum, svo sem Logi Ingimarsson, Ari Birgir Ágústsson, Jónína Guðbjörg, Eyjólfur Jónsson, Haraldur Ari og margir fleiri. Mjög margir leikarar úr skólanum tóku að sér hlutverk en þar má meðal annars nefna Lönu Írisi Dungal, Vivian Ólafsdóttur, Kristínu Leu, Önnu Hafþórs, Bylgju Babylons, Monika Ewa, Tryggva Frey, Jóhönnu Heiðdal og Ottó Gunnars.

Gengum stoltir frá þáttunum með þrjár Eddutilnefningar – Daníel Bjarnason um þættina Málið

Við sögðum nýlega frá boði Þórðar Pálssonar á Palm Springs ShortFest en mynd hans Brothers, hefur nú hlotið  Special Mention í flokknum Best Live Action Short over 15 minutes. Það er reyndar fleira um að vera hjá Þórði þessa dagana en hann er önnum kafinn við undirbúning á kynningu verkefna fyrir Nordic Talents 2015.

Ari Kristinsson hjá Kvikmyndamiðstöðinni hafði samband við mig og spurði hvort þau mættu senda lokamyndina mína frá The National Film and Television School í Nordic Talents 2015, því þau væru að leita að Íslendingum til að sækja um.

Skilyrði til þátttöku er raunar að umsækjandi sé í MA námi í einhverjum af þessum stærstu kvikmyndaskólum í Skandinavíu en að sögn Þórðar fá Íslendingar undanþágu og því dugir honum að vera við nám í The National Film and Television School. Tvö hundruð þátttakendur fá að sækja um en aðeins fjörtíu og fimm komst í annað val og er svo fimmtán þátttakendum boðið að kynna.

Ég komst inn með 2 verkefni en þannig ég er með 2 verkefni af þessum 15 og er sá eini sem fæ að kynna fleiri en eitt. Ég mun kynna 6 þátta mini-seriu og kvikmynd í fullri lengd.

Þórður segir að lokum að hann standi einn að kynningu verkefnanna á meðan margir gera þetta í samvinnu við annan aðila.

Þetta er auðvitað mjög mikill heiður að hafa verið valinn og satt best að segja er ég bara mjög hissa á því að hafa komist inn og hvað þá með tvö verkefni. Þar sem samkeppnin er mjög hörð um þessi 15 sæti.

Þórður segir að þarna muni hann hitta marga og kynna fyrir framan þekkt og valdamikið fólk úr skandinavíska kvikmyndaiðnaðinum.

Þetta mun því hjálpa mér mikið með þau áform sem ég hef fyrir sjálfan mig.  Ég er nú þegar byrjaður að hitta og ræða við fólk um að koma þessum verkefnum í framleiðslu.

Þórður Pálsson fær Special mention í Palm Springs Shortfest

Táknmálsmyndband við lagið „I promised you then“ úr söngvakeppni sjónvarpsins hefur síðustu daga vakið verðskuldaða athygli en núverandi nemendur Kvikmyndaskólans, þau Sólveig Kanthi Engilbertsdóttir og Leszek Daszkowski tóku þátt í verkefninu ásamt Kolbrúnu Vökudóttur sem útskrifaðist úr leiklistardeild hans vorið 2015 tóku þátt í gerð myndbandsins.

Sólveig Kanthi Engilbertsdóttir sem er nemandi í leikstjórn/framleiðslu á 2. önn var meðframleiðandi og aðstoðarleikstjóri verkefnisins en Leszek Daszkowski á 2. önn var tökumaður. Kolbrún Völkudóttir þýddi lagið yfir á táknmál og saman klipptu Leszek og Kolbrún myndbandið.

Við Þórunn Erna erum búnar að vera vinkonur í nokkur ár og hef ég fengið að fylgjast með henni leika, syngja og leikstýra í gegnum árin þar sem ég hef lengi haft áhuga á leikstjórn, kvikmyndum og leikhúsi. Ég hitti Ernu Hrönn og Hjört fyrst í janúar þegar þau voru að taka upp myndböndin við lagið, „Hugur minn er“ eða „I Promised You Then“ eins og það heitir á ensku. Síðan þá hef ég fengið að fylgjast með nokkrum æfingum og aðstoðað við það sem ég get. Algjörlega ómetanleg reynsla og dýrmætt tækifæri.

Segir Sólveig sem stundar nám í framleiðslu og leikstjórn í Kvikmyndaskólanum eins og áður segir.

Ég hafði lengi haft auga á námi við skólann, en fór fyrst í Háskóla Íslands þar sem ég lærði faggreinakennslu grunnskóla og ætlaði mér að vera leiklistarkennari. Ég fór í skiptinám eina önn til Bandaríkjanna og tók þar meðal annars áfanga í handritagerð og leiklist og eftir það var ekki aftur snúið. Ári eftir útskrift frá HÍ hóf ég nám hér. Það er ákvörðun sem ég sé ekki eftir.

Sólveig segir kennarna í skólanum vera  fagmenn fram í fingurgóma og hún segist vita að hún sé á réttum stað til að komast inn í fagið en hvert hefur hún hugsað sér að stefna að námi loknu?

Eftir útskrift er að sjálfsögðu draumurinn að vinna við þetta, þetta er svo ótrúlega skemmtilegt og það er virkilega gefandi að sjá hugmynd verða að veruleika.

Nemendur Kvikmyndaskólans unnu að gerð táknmálsmyndbands

Niðurstöður leitar

Brú inní bransann – nýr spennandi samstarfssamningur

Virkjum fólk til krefjandi starfa, bransanum til heilla – Sigrún Gylfadóttir um Brú inní bransann

Leikarar úr leiklistardeild Kvikmyndaskólans í Skaupinu

Samvinna kjarnahópsins lykilatriði – Sindri Gretars ræðir um Punktinn

Magnús Thoroddsen Ívarsson með nýja mynd – “Starfsfólk KVÍ á mikið kredit skilið”

Þjónustusamningur menntamálaráðuneytis og Kvikmyndaskóla Íslands til þriggja ára tryggður

A Post With a Left-Aligned Image

Ný námskrá

Raddþjálfun og endurgerð frægra atriða úr þekktum myndum meðal verkefna vikunnar

Nemendur Kvikmyndaskóla Íslands áberandi á Skjaldborgarhátíðinni

25 ár af kvikmyndagerð

Nóg að gera síðastliðna viku !

“Inferno” tekur fyrstu verðlaun á Oniros kvikmyndahátíðinni

Við fengum dásamlega heimsókn frá Gabrielle Demers

Eddan 2020, nemendur meðal tilnefndra

Gengum stoltir frá þáttunum með þrjár Eddutilnefningar – Daníel Bjarnason um þættina Málið

Þórður Pálsson fær Special mention í Palm Springs Shortfest

Nemendur Kvikmyndaskólans unnu að gerð táknmálsmyndbands

Námið

Flýtileiðir