Vonandi fannstu það sem þú varst að leita að

DANSKA NÝBYLGJAN – Málþing og kvikmyndasýningar

Norræna Húsið – 26.október – kl 14-18

Stofnun Vigdísar Finnbogadóttur og Norræna Húsið efna til málþings um nýsköpun í danska kvikmyndageiranum í tilefni af 100 ára afmæli fullveldis Íslands.

Það vakti athygli þegar kvikmyndin “Vetrarbræður” eftir Hlyn Pálmason sópaði að sér öllum helstu verðlaunum í Danmörku fyrr á þessu ári: Níu Robert verðlaun og tvenn Bodil verðlaun. Kvikmyndin er styrkt af New Danish Screen (undirdeild Dönksu Kvikmyndamiðstöðvarinnar) sem hefur það hlutverk að þróa ungt hæfileikafólk og stuðla að nýsköpun í kvikmyndageiranum. Hjá New Danish Screen fær kvikmyndagerðarfólk tækifæri til að framleiða “low-budget” kvikmyndir, þar sem fjárhagslegar takmarkanir eru ekki aðþrengjandi skilyrði, heldur aðferð til að hámarka sköpun og frelsi. Árangurinn hefur verið stórbrotinn og sjaldan hefur listræn gróska verið jafn mikil í danskri kvikmyndagerð og um þessar mundir. Hver kvikmyndin á fætur annarri hefur farið sigurför um heiminn og nýlega var “Den Skyldige” (The Guilty”) valin sem framlag Danmerkur til Óskarsverðlaunanna.

Á málþinginu gefst áhugasömum kostur á að kynnast þessu brautryðjendastarfi. Mette Damgaard-Sørensen, forstöðumaður New Danish Screen, mun halda erindi um hugmyndafræði og aðferðir sjóðsins og einnig munu leikstjórar og framleiðendur kvikmyndanna “Cutterhead” og “Neon Heart” fara ofan í saumana á þróun og framkvæmd verka sinna. Umsjónarmaður málþingsins er Dagur Kári, leikstjóri og handritshöfundur.

Samhliða málþinginu mun Bíó Paradís sýna umræddar kvikmyndir.

Dagskrá í Norræna Húsinu, föstudaginn 26.10.2018

14:00-15:00 – Mette Damgaard-Sørensen, framkvæmdastjóri New Danish Screen

15:15-16:30 – “Cutterhead” – Rasmus Kloster Bro, leikstjóri

16:45-18:00 – “Neon Heart” – Laurits Flensted, leikstjóri og Julie Walenciak, framleiðandi

DANSKA NÝBYLGJAN – Málþing og kvikmyndasýningar í Norræna húsinu á föstudaginn

Hóflegur fjöldi áhorfenda hefur fyllt bekkina í Tjarnarbíói síðustu daga þar sem RIFF hefur verið með sýningar á áhugaverðum kvikmyndir frá opnunardegi á fimmtudag.

Í kvöld horfir hinsvegar öðruvísi við því bíóið er fullt. Það er stuttmyndahluti hátíðarinnar sem trekkir að áhorfendur en alls tengjast sex af átta myndum sem sýndar verða í kvöld Kvikmyndaskóla Íslands.

Við erum að sjálfsögðu okkar fulltrúa á staðnum sem færir okkur fréttir af gangi mála.

Fullt hús í Tjarnarbíói á stuttmyndahluta RIFF – Kvikmyndaskólinn stórtækur í kvöld

Franska Kvikmyndahátíðin í Reykjavík hefst 26.janúar og er til 4.febrúar

Við vorum svo heppin að fá Kanadíska-Inúíta leikarann Natar Ungalaaq í heimsókn til okkar í dag, 25.janúar í hádeginu í Siggasal

Öllum nemendum var boðið að koma fá að hittta leikarann 

Mynd hans “Iqaluit” verður sýnd laugardaginn 27.janúar klukkan 21 og er frír aðgangur að þessum viðburði

Okkur hlotnaðist sá heiður að fá að sjá sýnishorn úr myndinni og talaði hann svo við nemendur okkar, þar af spjallaði hann mikið um sínar heimaslóðir, Iglooik, Nunavut, sem er lítil eyja í norður Kanada í mjög einangruðu samfélagi

Natar Ungalaaq hefur unnið til verðlauna sem besti leikarinn á bæði kanadískum og bandarískum kvikmyndahátíðum fyrr á sínum ferli. Hann er einnig sjálfur kvikmyndagerðar maður, tók að sér sitt fyrsta leikstjórnar verkefni í nýlega útkominni mynd sinni “Searchers”

Við þökkum Natar Ungalaaq innilega fyrir heimsóknina og hlökkum til að sjá mynd hans á laugardaginn

Mbl fjallaði í gær um flutning Kolbrúnar Vökudóttur á framlagi Íslendinga til söngkeppni evrópska sjónvarpsstöðva í ár, Unbroken, fyrir heyrnarskerta.

Hliðstæður flutningur gestgjafanna, Svía þótti ekki heppnast sem skyldi en nú hefur Kolbrún sem útskrifaðist úr leiklistardeild Kvikmyndaskóla Íslands í vor gert sína útgáfu sem þykir mun betri. Kolbrún á heiðurinn bæði þýðingunni og flutningnum í myndbandinu.

Nýútskrifuð leikkona úr KVÍ með sína túlkun á Unbroken fyrir heyrnarlausa

Hugmynd að stuttmynd kviknaði fyrir þremur árum en lenti ofan í skúffu þar sem hún var augljóslega kostnaðarsöm í framleiðslu. En fyrir ári síðan byrjaði þessi hugmynd Elsu G. Björnsdóttur,  aftur að skjóta upp í huga henna og nú, ári síðar er verkefnið komið langt í framleiðsluferli. Elsa  útskrifaðist úr leiklistardeild Kvikmyndaskóla Íslands  árið 2010.

Meira og betra draft tók svo á sig mynd eftir spjall við tökumann síðustu myndar minnar,  Arturas Kuklis. Þegar við kláruðum stuttmyndina í Janúar 2015 ræddum við möguleikann á að hann tæki þátt í að vinna aðra mynd með mér og þá aðeins stærri stuttmynd. Þar sem fyrra verkefnið tókst svona vel og guttinn hans kom svo vel út í þeirri mynd þá viðraði ég líka þá hugmynd við hann að Kevin myndi leika í næstu mynd s.s. Kára (unga).   En mínar helstu pælingar á þeim tíma voru þó fyrst og fremst hvernig ég gæti fjármagnað verkefnið svo ég byrja þarna aðeins fyrir 1 og hálfu ári síðan að safna pening með sýningarsölu á Sögunni Endalausu…..

Sagan Endalausa fór svo á alþjóðlega kvikmyndahátíð í Frakklandi í fyrrasumar og með myndina þar í keppni byrjaði Elsa að ræða við hugsanlegan leikara um að taka að sér hlutverk Kára sem fullorðins einstaklings.

Bo Hardell sem er danskur sýndi því strax mikinn áhuga að taka þetta hlutverk að sér svo handritið kom þá í raun alveg upp úr skúffunni þarna og byrjar að taka á sig betri mynd í huganum. Þarna var ég orðin nokkuð save með döff leikara og þá er erfiðast að finna…. það morar allt í heyrandi leikurum og enginn vandi að skipta um leikara og/eða ef einn getur ekki þá er yfirleitt hægt að spyrja bara þann næsta um að hoppa inn, en þannig er það ekki með döff leikara og þá sérstaklega ekki menntaða leikara eða leikara á ákveðnum aldri því við erum svo fá.

Sagan endalausa hlaut aðalverðlaunin á áðurnefndri listhátíð fyrir döff kvikmyndir, Clin d´Oeil  í Reims í Frakklandi.

Með því komu óvænt peningaverðlaun. Þá byrjaði boltinn bara að rúlla frekar hratt… í framhaldi er sú stuttmynd sýnd hér og þar og smá budget kemur inn sem ég eyrnamerki bara fyrir næsta verkefni. Á meðan kláraði ég að skrifa fyrsta draftið að Kára almennilega.

Síðasta haust hafði Elsa svo samband við Steinunni Ólínu og spurði hana hvort hún væri til í að taka að sér hlutverk móðurinnar í sögunni.

Hún tók vel í það og vildi fá að sjá handritið…. síðan þegar hún var “on board” þá einhvernveginn var aldrei möguleiki í mínum huga að bakka út eða hætta við að gera þessa mynd. Ég fór bara á full swing í framleiðslunni verandi í fullu námi líka við HÍ síðasta vetur.

Tökurnar á fóru svo fram á Eskifirði í byrjun ágúst en Elsa segir verkefnið sem átti að kosta nokkrar krónur hafa farið nokkuð framúr áætlun.

Ég hreinlega veit ekki hvar ég væri núna án þess að eiga góða að og er gríðarlega þakklát fjölskyldu minni en auk þess kostnaðar sem fór í framleiðslu og tökur þá vantar mig enn 1,5 milljónir til að klára alla eftirvinnslu, þá sérstaklega til að geta ráðið einhvern í að hljóðvinna myndina og til að klára rest af framleiðslunni.

Ég er búin að henda trailer út í kosmóið, að vísu með lélegu hljóði, því þegar öllu er á botnin hvolft þá mun auðveldara með smá sýnishorni að safna pening. Ég trúi því að þegar fólk sér trailerinn vilji það frekar styrkja myndina heldur en ef það sér ekki neitt.

Elsa er að klára BA nám við í táknmálsfræði á næstunni og hefur haft í mörg horn að líta.

Timinn til að sinna kvikmyndagerðinni hefur ekki verið mikill. Ég vinn sem stendur hjá RÚV í táknmálsfréttunum ásamt því að skrifa framleiða og leikstýra, aðallega eigin verkum. Svo var ég í um daginn í aukahlutverki í Týndu stelpunum sem Lovísa Lára leikstýrir og er núna með tvö verk á prjónunum fyrir bíó og sjónvarp sem mig langar að gera. Allt þetta ásamt því að klára Kára og koma honum á kvikmyndahátíðir.

Skúffuhugmyndin verður veruleiki – Kári er ný mynd Elsu G. Björnsdóttur

Er ekki komin tími á upprifjun og endurmenntun?

Framlag Kvikmyndaskólans í Cilect stuttmyndakeppnina náði 14 sæti af 120!

Fjórir leikarar útskrifast í desember úr Leiklistardeild KVÍ og í gær sungu þeir metnaðarfulla dagskrá á útskriftartónleikum á Café Rósenberg.

Kvikmyndaskólinn leggur áherslu á faglegt söngnám leiklistarnemka og sagði deildarforseti leikilistardeildar, Hlín Agnarsdóttir gær eftir tónleikana í gær að þeir félagar, Bolli Már Bjarnason, Knútur Hauksteinn Ólafsson, Ragnar Gabríel Ragnarsson og Svanur Pálsson hefðu komið séð og sigrað.

Þeir áttu hug og hjörtu tónleikagesta, sungu og miðluðu af einlægni, hlýju, húmor og gleði. Hér má sjá þá syngja Konur ilma en dagskrárin var fjölbreytt að vanda og hver og einn þeirra naut sín í sólónúmerum.

Komu, sáu og sigruðu á útskriftartónleikum á Rósenberg

Vivian Ólafsdóttir leikkona, útskrifuð frá Leiklist í Kvikmyndaskólanum

Í tilefni af 25 ára afmælisári Kvikmyndaskóla Íslands munum við á næstunni sýna 25 valin verk útskrifaðra nemenda síðustu ára. Nú sýnum við stuttmyndina “No homo” frá vorönn 2012.

Stuttmyndin “No homo”, var útskriftarverkefni Guðna Líndal Benediktssonar sem útskrifaðist úr Handrit-og Leikstjórn KVÍ vorið 2012.

Í samtali við Guðna Líndal leikstjóra og handritshöfund segir hann;

Menntunin mín í Kvikmyndaskóla Íslands var góður grunnur fyrir framhaldsnám í handritaskrifum sem ég tók mér fyrir hendur í Skotlandi. Tengslanetið sem skapaðist í skólanum er ómetanlegt og hefur verið lykilþáttur í áframhaldandi kvikmyndatengdu starfi mínu. Undanfarið bý ég í Edinborg, vinn dagvinnu í flóttaherbergi, milli þess sem ég skrifa bækur og handrit. Nýverið skaut ég stuttmynd sem verður tilbúin í október, en stefnan er tekin á að dreifa henni sem víðast

No Homo from Icelandic Film School on Vimeo.

3ja myndin af 25 sem við sýnum, “No homo”

Snædís Snorradóttir er kamelljón með meiru

Við tókum viðtöl við útskriftarnemendur um verk þeirra og deilum þeim með ánægju með ykkur

Hér er rætt við Sjafnar Björgvinsson á Leiklistar deild um mynd hans “Kafteinn Kambur og Tryggvi blaðamaður”, en leiðbeinandi hans við verkið var Þórður Pálsson

Viðtal við Sjafnar um “Kafteinn Kambur og Tryggvi blaðamaður”

Sigríður Björk Sigurðardóttir útskrifast úr Skapandi Tækni nú í desember og vinnur þessa dagana að útskriftarmynd sinni.

Myndin mín fjallar um eldri konu sem rifjar upp gamla tíma. Sumarið sem hún mun aldrei gleyma en handritið af myndinni vann ég út frá eigin ljóði og draumi sem mig dreymdi. Ég man þó ekki hver draumurinn var núna en man að hugmyndin kom út frá þessum ákveðna draumi eftir að ég var búin að ákveða að vinna út frá einmitt þessu  ljóði. Ljóðið skrifaði ég fyrir tæpum tveimur árum.

Sigríður Bjök segir að undirbúningur og vinnsla myndarinnar hafi verið mjög krefjandi.

Undirbúningsferlið var nokkuð strembið þar sem ég ákvað að skjóta sumarmynd í október. Ég skaut sem sagt útimynd inni. Einnig var ég að vinna út frá periodu, ekki beint hreina og tæra periodu en tók periodu element sem ég fíla. Af þeirri ástæðu skipti allt look máli: búningar, hár, props og leikmynd. Ég var með mest osom crew og tökurnar voru ótrúlega skemmtilegar. Leiðbeinendurnir voru líka allir alveg frábærir.

Námið segir Sigríður Björk hafa nýst sér vel að öllu leyti.

Ég vissi nánast ekkert um bíó þegar ég hóf nám í leiklist við skólann, en það nám kláraði ég og kom svo aftur hingað í Skapandi Tækni þaðan sem ég útskrifast nú. Ég hefði náttúrulega aldrei gert neitt í líkingu við þetta ef maður hefði ekki verið búin að fara í gegnum þetta nám. Auðvitað eru alltaf viss svið sem maður hefði gjarnan viljað læra meira í eða maður hefði getað hugsað sér að velja eitthvað sérsvið, en á sama tíma gaman að kunna grunninn í flestu.

Strembið að skjóta sumarmynd í október – Sigríður Björk útskrifast í annað sinn úr KVÍ

Skemmtilega kom upp um daginn að Elfar Þór Guðbjartsson var fenginn til að taka upp og leikstýra senu fyrir tilvonandi mynd Greg Sestero, “Miracle Valley”, í Kvikmyndaskólanum. Björgvin Frans Gíslason lék í senunni og naut Elfar aðstoðar nemenda, þar á meðal voru Þorsteinn Sturla Gunnarsson, Karólína Bæhrenz Lárusdóttir, Snorri Sigurbjörn Jónsson, Óttar Andri Óttarsson, Hálfdán Hörður Pálsson og Kristófer Smári Leifsson .

Það var nú pínu fyndið hvernig þetta gerist. Ég var bara heima í rólegheitum þegar Rakel vinkona mín sendir allt í einu á mig skilaboð um hvort við getum spjallað smá.
Hún hringir og segir mér að vini hennar, Greg Sestero, vanti aðstoð við að skjóta atriði hér á Íslandi fyrir nýju myndina sem hann er að gera. Áður en ég vissi var ég farinn að spjalla við hann daglega um verkefnið. Ástæðan fyrir því að hann þurfti að fá verkefnið skotið hér var vegna þess að Björgvin komst ekki út til að skjóta það. Greg, eins og allir sem komast í kynni við Björgvin, elskar hann og hann varð að hafa hann í myndinni þannig ég var fenginn til þess að redda þessu ásamt flottustu nemendum landsins !
Þannig það má segja að ég hafi í raun dottið aftur á bak í þetta verkefni.

Það er aldrei lognmolla í kringum fólk Kvikmyndaskólans

Greg Sestero tekur upp senu í Svarta Stúdíói Kvikmyndaskólans

Ingvar E. Sigurðsson og Benedikt Erlingsson heimsóttu Kvikmyndaskóla Íslands og sátu fyrir svörum hjá nemendum  á  2. önn í vikunni.

Leikarana tvo þarf ekki að kynna en Benedikt leikstýrði kvikmyndinni Hross í oss með frábærum árangri þar sem Ingvar var í lykilhlutverki. Leikararnir voru einmitt gestir í  leikstjórnaráfanga LST 205  þar sem lögð er áhersla á vinnu leikstjórans með leikaranum.  Þá vinna leikstjórnarnemar með leikaranemum og atvinnuleikurum. Í áfanganum  heimsækja  reyndir leikstjórar og leikarar deildina sem  unnið hafa mikið saman og ræða sitt samstarf .  Nemunum gefst einnig kostur að leggja spurningar fyrir gestina í formi „Q and A“ eftir. Í síðustu viku voru gestir deildarinnar Ragnar Bragason og Nína Dögg Filippusdóttir en kennari í þessum áfanga er Þorsteinn Gunnar Bjarnason.

Ingvar E. Sigurðs og Benedikt Erlings sátu fyrir svörum hjá nemendum

Sveinn Lárus Hjartarson gerði miklar breytingar á lífi sínu þegar hann sótti um að komast í nám hjá Kvikmyndaskólanum

Ég hafði verið að vinna á Smurstöðinni Klöpp og félagi minn hafði sótt um í læknisfræði í Slóvakíu. Það einhvernveginn varð að smá sparki í rassinn á mér að fara að gera einhvað sem mig hafði alltaf dreymt um, sem var að fara í kvikmyndabransann. Ég sótti um í leiklist eftir að hafa hugsað mig vandlega um hvort ég myndi fara í Handrit og Leikstjórn eða Leiklist. Á endanum valdi ég leiklist og ég sé ekki eftir þvi í dag

Meðal áfanga í Kvikmyndaskólanum er “Fagið og framtíðin”. Námskeiðinu er ætlað að undirbúa nemendur fyrir leiklistarstörf eftir að námi lýkur. Farið er í gegnum ýmis praktísk atriði varðandi uppbyggingu ferilsins, svo sem gerð ferilskrár, framhalds- og endurmenntun, og hvaða tækifæri eru í boði. Nemendur fá þjálfun í  undirbúningi og þátttöku í áheyrnarprufum og aðstoð og leiðbeiningar við að vinna að stuttri kynningarmynd um sjálfa sig (show-real).

Sveinn tók áfangann með góðum árangri

Við fórum bekkurinn í prufu til hennar Andreu Brabin hjá Eskimo og mér gekk rosalega vel. Ég var svo boðaður aftur í prufu í ágúst, fór þá í tvær prufur svo fór ég í eina í viðbót í lok september. Síðan í október þá var ég kominn með hlutverkið. Ég leik Kidda í þáttunum “Valhalla murders” sem eru framleiddir af True North. Mjög áhugaverður karakter sem verður klárlega skemmtilegt að leika.

Eftir tökur á “Valhalla murders” mun ég að öllum líkindum koma aftur í skólann á Handrita áfanga en ég hef einmitt verið að skrifa rosalega mikið sjálfur upp á síðkastið. Svo er það bara að koma sér á framfæri hér heima. Ég hef einnig verið að skoða skóla erlendis til að halda áfram þessu námi og rækta sjálfan mig sem leikara

Tækifærin banka upp á í náminu líka

Bolli Már Bjarnason útskrifaðist frá Leiklist í Kvikmyndaskólanum í desember 2015 og var að byrja nýja þáttaröð á Rúv, “HEE-TV”. Við fengum aðeins að forvitnast

Manstu hvenær kvikmyndir heilluðu þig fyrst ?

Í hreinskilni sagt þá nei, er enginn kvikmyndanörd eða með dálæti á þessu klassíska sem fólk talaði mest um þegar ég var í skólanum. Ég horfði mikið á “Detroit Rock City”, “Ali G” og “Íslenska drauminn” þegar ég var yngri.

Hvers vegna fórst þú í kvikmyndagerð og valdir Leiklist?

Langaði að læra leiklist, fór mjög blint inn í þetta allt saman. Fannst þetta töff og heillandi. Ég var ekki með neinn grunn, bara tilfinningu fyrir því að þetta væri flott fyrir mig. Var á alvöru krossgötum og sá tækifæri þarna.

Námið gekk lala, ég sé alltaf eftir því að hafa ekki gefið meira. Mjög þakklátur fyrir mörg tímabil innan skólans. Ég hef nýtt mér námið alveg ótrúlega vel á endanum.

Hver voru fyrstu skrefin eftir útskrift?

Vinna hjá Morgunblaðinu í einhverri handavinnu ásamt því að reyna að fá verkefni í leiklist. Fór svo að vinna í gamla grunnskólanum mínum, Laugalækjarskóla. Það var gott og svolítið fallegt allt saman, algjört topp fólk að vinna þar sem hafði líka þurft að hafa fyrir mér þegar ég var þar sem nemandi. Ég var létt stressaður að hitta alla gömlu kennarana. Meðfram því var ég að koma mér í hin og þessi verkefni.Svo fór ég að vinna hjá Pipar/TBWA og það breytti öllu. Ég hef lært og þroskast mikið þar. Búinn að vera þar síðustu þrjú ár. Þar fæ ég tækifæri í svo mörgu og læri helling af öllu frábæra fólkinu hérna sem eru náttúrulega bara góðir vinir mínir í dag.

Hvaðan kom hugmyndin að nýja þættinum sem var að fara af stað á RÚV ?

Þetta bara datt í hausinn á mér í vinnunni, örugglega allskonar ástæður fyrir því að nákvæmlega þessi hugmynd kom, ég greini það síðar. Ég heyrði strax í Dóra Gylfa, leikara sem ég þekki í gegnum Knattspyrnufélagið Þrótt, og bað hann um að gera “pilot” með mér. Hann var klár enda alvöru meistari. Hlakka til að sá þáttur birtist, vel hrár en ofboðslega skemmtilegur.

Ótrúleg ósannindi sett fram á sannfærandi hátt. Spuni og leikgleði. Allt fær að flakka og allt er mögulegt. Ég er með umræðuefni sem við fyllum svo inn í og reynum að gera sem besta sögu úr. En svo á köflum er þetta líka alvöru viðtal og fólk ekkert að bulla, þangað til að ég leiði viðmælandann í bullið.

Það er auðvelt, enda allt topp fólk sem ég fékk til mín, fólk sem ég vissi að myndi gera þetta vel. En þetta er samt flókið, þættirnir eru allir ein taka. Við setjumst bara niður og byrjum að rúlla, ein taka og ein útkoma. Þetta er ótrúlega skemmtilegt, en auðvitað stressandi líka.

Það er bara Pipar / HEE-TV / lífið. Er með fullt af fleiri hugmyndum, nú fer ég bara að bögga ykkur með þeim.

Hér má njóta fyrsta þáttarins, njótið vel !

Kvikmyndaskóli Íslands heldur úti virkum síðum á samfélagsmiðlum sem vel þess virði er að fylgjast með, hvernig væri að kíkja á?

Fyrir utan það að vera með hér beinar útsendingar og fylgjast með heimi íslenskra kvikmynda og sjónvarps, þá deilum við einnig viðburðum innan skólans. Hér er einnig hægt að nálgast síðuna á ensku

Fyrir utan það að fá alþjóðlegar fréttir hér, þá bjóðum við upp á einstakt innlit í dagleg störf skólans, nemendur okkar og verkefni þeirra

Hér birtum við ekki eingöngu fréttir um kvikmyndir og sjónvarp alls staðar að úr heiminum, heldur fylgjumst við líka með því nýjasta í tækni og birtum upplýsingar sem geta aðstoðað þig í að skapa þína eigin kvikmynda arfleið

Niðurstöður leitar