Vonandi fannstu það sem þú varst að leita að

Útskrift var haldin um helgina hjá Kvikmyndaskólanum, þar sem útskrifuðust nemendur úr öllum deildum. Allar útskriftarmyndir voru sýndar í Bíó Paradís og verðlauna afhending haldin.

Þeir sem verðlaun hlutu að þessu sinni voru ;

Fyrir besta leikstjórn og  hlaut “Bjarkann” fyrir bestu mynd allra deilda

Mahesh Raghavan fyrir mynd sína “Þessi eina nótt”

Ingibjörg Sara Sævarsdóttir fyrri mynd sína “Tveir fiskar”

Rúnar Vilberg Hjaltason fyrir mynd sína “Náttuglan”

Útskrifaðir úr hverri deild fyrir sig eru ;

Við óskum öllum okkar nemendum innilega til hamingju og hlökkum til að fylgjast með verkum þeirra í framtíðinni !

Útskrift Kvikmyndaskólans vetur 2018 og verðlauna afhending

Skólasetning hjá Kvikmyndaskólanum var í gær, þar sem boðnir voru velkomnir nemendur okkar.

Setningunni var skipt í tvenna hluta, eldri og nýjir nemendur, og alls hefja 44 nýjir nemendur nám hjá okkur þetta haustið og við að sjálfsögðu erum spennt að fylgjast með framgöngu þeirra.

Vegna núverandi ástands í heiminum, var að sjálfsögðu mikil áhersla lögð á að fylgja sóttvarnar reglum og tóku nemendur okkar vel í það.

Skólastarf er þegar hafið í nýju húsnæði okkar og er óhætt að segja að bæði starfsfólk og nemendur eru himinlifandi yfir breyttum og bættum aðstæðum sem munu nýtast einkar vel.

Magnús Thoroddsen Ívarsson útskrifaðist úr Kvikmyndaskóla Íslands vorið 2014 og hefur verið iðinn við kolann síðan.  Nýlega var frumsýnd önnur kvikmyndin í fullri lengd sem hann er framleiðandi af, en fyrri myndin var Webcam sem sem var frumsýnd vorið 2015.

Snjór og Salóme varð til þannig að Toni leikstjóri  (Sigurður Anton Friðþjófsson) skrifaði handrit í c.a. 5 mánuði út frá hugmynd sem hann hafði verið með síðan frá Webcam. Frá þeim tímapunkti varð myndin frekar fljótt til.

Magnús segir að það sé erfitt að koma orðum að því hvernig hinn frumlegi titill myndarinnar varð til, fólk verði einfaldlega að fá skýringuna með því að fara á myndina.

Efnið er nokkuð margslungið. Ung kona í klemmu? Hvað á maður að gera þegar allt fer í vaskinn? Öll plön sem maður hefur haft geta breyst, og þarna kemur það fyrir hana á svipstundu. Vinnan, kærastinn, húsnæðið.  Salóme þarf bara að redda sér.

Magnús segir að vinnan að Snjó og Salóme hafi þó verið aðeins lengur að komast í gang en þegar hópurinn gerði Webcam og þrátt fyrir að þau hefðu þá búið að reynslunnni sem fyrri myndin gaf þeim hafi nýja myndin alls ekki verið létt í framleiðslu.

Við reynum að halda því “cool” í sambandi við væntingar en gera samt allt sem við getum til að koma myndinni á framfæri . Vonandi gengur það upp. Það eina sem við getum í rauninni gert er að reyna að gera góða mynd, og það er það sem við gerðum.  Þessi mynd var meira umfang og er “Stærri” en hinar. Dreifingaaðlinn Sena var sáttur með okkur.

Eins og áður segir var það sama kjarnateymið sem stóð að gerð Snjór og Salóme.

Aron Bragi Baldursson, tökumaður, Sigurður Anton leikjstóri og framleiðandi, og ég framleiðandi og aðstoðaleikjstóri. Telma Huld Jóhannesdóttir leikkona kom líka inn sem framleiðandi. Inn kom hljóðmaður, Magnús Hrafn Hafliðason og Haukur Karlsson sá um grip. Einnig var mikil hjálp frá Kvikmyndaskólanum þar sem Birta Rán Björgvinsdóttir, Tjörvi Lederer og Ísak Þór Ragnarson komu inn sem P.A./interns þegar mest var að gera.

Einnig léku tveir útskrifaðir leikarar úr Kvikmyndaskólanum aðahlutverk í myndinni, Anna Hafþórsdóttir og Guðmundur Snorri Sigurðarsson en hvað er svo framundan hjá hópnum, verður strax ráðist í að undirbúa næstu mynd.

Það komu upp, á ákveðnum tíma miklar pælingar um næsta verkefni en það fór á hold þar sem Snjór og Salóme er ennþá algjörlega að fylla fangið okkrar allra. Væri mjög til í að geta sagt eitthvað en eins og er væri það bara einhver vitleysa, eina sem ég veit er að við elskum þetta öll og viljum halda áfram að búa til gæða efni og bæta okkur.

Og þegar spurt er hvað fólk eigi að taka sér fyrir hendur yfir páskahátíðina er svar Magnúsar einfalt?

Skella sér í bíó og að sjá Snjór og Salóme!

“Allir í bíó á Snjó og Salóme!” – Magnús Thoroddsen Ívarsson um nýjustu afurðina

Arnar Hauksson útskrifaðist frá Leiklist vorið 2018 og hér má njóta hans “showreel”

Við óskum honum innilega til hamingju og fylgjumst spennt með honum í framtíðinni

Arnar Hauksson, útskrifaður frá Leiklist

Samtökin „Börnin okkar“ voru stofnuð til að standa fyrir tímabundnu átaksverkefni þar sem áhersla er lögð á fræðslu um afleiðingar óréttmætra umgengnishindrana (umgengnistálmana) með það að markmiði að að koma á vitundarvakningu í samfélaginu.
Fyrir jól stóðu samtökin fyrir gerð myndbands undir heitinu Jólapakkinn og fengu þau nokkra af nemendum Kvikmyndaskóla Íslands til að vinna það með sér.

Já það er rétt, við vorum nokkrir nemendur sem komu að gerð þessa mynbands.
Magnús Ómarson sem var á Tæknideild í skólanum sá um að framleiða þetta, taka upp hljóð og hljóðvinna.
Segir Ingimar Elíasson sem leikstýrði en hann var einni meðframleiðandi.

Hallgrímur Jóhann Hallgrímsson var ljósamaður en hann var líka á tæknideild í skólanum.
Dukagjin Idrizi klippti og litaleiðrétti einnig úr tæknideildinni en tökumaður verkefnisins var Vilius Petrikas en hann ásamt leikmyndahönnuði og meðframleiðandanum Berglindi Bjartmarsdóttur eru ekki nemendur úr KVÍ.

Eins og fyrr segir var myndbandið gert fyrir samtök sem voru stofnuð nokkrum dögum fyrir jól og heita „Börnin Okkar“.
Þau höfðu samband við okkur 18. des og báðu okkur um að koma með hugmynd að stuttu myndbandi og að gera það fyrir jól. Þetta var pro bono verkefni, með ekkert budget og þurftum við að vinna hratt og hnitmiðað. Hugmyndin kom nánast strax og hófst framleiðsla um leið og var unnið að því að fá lánaðar græjur en ég fékk sjálfur dóttur mína til að leika. Myndbandið var skotið 22. desember og var tilbúið og gefið út daginn eftir.

Sami hópur bætti um betur um áramótin og sendi þá frá sér annað myndband undir heitinu Áramótaheit og bættust fleiri þátttakendur úr skólanum þá við.

Þetta var mjög skemmtilegt verkefni, fyrir góðan málstað og samtökin voru mjög ánægð með það sem við gerðum. Reynslan sem við fengum í kvikmyndaskólanum hjálpaði okkur mikið þar sem við höfðum stuttan tíma og ekkert budget en það er skólinn í hnotskurn.

Samtökin Börnin okkar leita til nemenda Kvikmyndaskólans við gerð myndbanda

Nokkrir útskrifaðir nemendur Kvikmyndaskóla Íslands starfa hjá fyrirtækinu Tjarnargötunni en þeir leiddu nýlega saman gerð nýrrar Hámarks-auglýsingar.

Við sögðum nýlega frá störfum Freys Árnasonar, útskrifuðum nemanda úr Handritum/leikstjórn hjá Kvikmyndaskóla Íslands við tónlistarmyndbönd en nú er komið nýtt efni frá honum, áður nefnd auglýsing þar sem hann vinnur með Tómasi Inga Doddasyni, einnig útskrifuðum nemanda KVÍ, úr leiklistardeild.

„Tjarnargatan er svona lifandi framleiðslufyrirtæki. Við tökum oft verkefni og útfærum og í öðrum tilvikum eins og þessu byrjum við bara með tómt blað og tökum verkefnin frá A-Ö„ segir Freyr í samtali við vef KVÍ en þess má geta að Freyr og Tómas Ingi höfðu auglýsinguna gagnvirka og gefa áhorfandanum skemmtilega valmöguleika við áhorfið.

Hámarks auglýsingarnar í gegnum tíðina hafa alltaf verið mjög skemmtilegar og eftirminnilegar svo við fórum að grínast með það hvað það væri fyndið að sjá einhverjar allt aðrar týpur en þá Arnar og Ívar í þessum aðstæðum.

Tæplega 10.000 hafa horft á auglýsingarnar á YouTube og svo virðist sem hugmynd þeirra hafi náð að lyfta brúnum margra. Hér er hægt að skoða hverja þeir félagar fengu til að liðs við sig í verkefninu og sjón er sannarlega sögu ríkari.

Hámarksauglýsingar KVÍ útskrifaðra nemenda vekja kátínu

Norræna stuttmyndahátíðin Nordisk panorama stendur nú yfir í Malmö í Svíþjóð en þar á Kvikmyndaskóli Íslands nokkra kennara sem fulltrúa í ár.
Raunar lýkur hátíðinni á morgun í keppni hátíðarinnar er að finna myndina Þú og ég eftir Ásu Hjörleifsdóttur en með henna fór einnig til að fylgja eftir myndinni Birgitta Björnsdóttir en hún mun taka þátt í Nordic Short Film Meet Up.
Á hátíðinni verða einnig til sýninga myndirnar Kjötborg eftir Helgu Rakel Rafnsdóttur
og Skröltormar eftir Hafstein Gunnar Sigurðsson.
Þess má að lokum geta að leikstjórinn Ísold Uggadóttir er enn einn gestur hátíðarinnar sem tengist Kvikmyndaskólanum en hún tekur þátt í My Dinner With – viðburðinum. Ísold hefur verið kennari við skólann á síðustu árum.

Kennarar Kvikmyndskólans á Nordisk Panorama

Skjaldborg, hátíð íslenskra heimildarmynda

„Hér er engin íslensk sveitasæla, heldur erum við stödd í stórborginni Reykjavík. Nóg er af fiskum í sjónum og ef einhver stendur sig ekki er honum samstundis hent aftur út í. Og það er margt við myndina sem öskrar einmitt á núið.“ Svo kemst gagnrýnandi DV að orði um kvikmyndina Webcam í síðustu viku og gefur verkinu um leið þrjár og hálfa störnu.

Webcam var frumsýnd um miðjan mánuð og hefur vakið verðskuldaða athygli en framleiðandi kvikmyndarinnar, Magnús Thoroddsen Ívarsson útskrifaðist úr Kvikmyndaskóla Íslands fyrir ári síðan.

 „Við Toni höfum verið að gera video með Aroni Braga kvikmyndatökumanni í mörg ár. Þegar við svo réðumst saman í þetta kom í minn hlut að vera  yfir-framleiðandi, aðstoðarleikstjóri og stýra hlutverkavali.“

 Toni er Sigurður Anton Friðþjófsson handritshöfundur Webcam en eftir að hann kynnti Magnús hugmyndavinnu ákváðu þeir saman að ráðast í gerð myndarinnar.

„Uppsprettu Webcam má leita í margra ára samstarfi okkar þriggja sem erum bak við myndavélina og Telmu Huld Jóhannesdóttur. Anna Hafþórsdóttir kom síðar inn í verkefnið. Það er þó gaman að segja frá því að hún fór ekki í prufu fyrir þessa mynd enda hafði hún sannfært okkur í prufu fyrir stuttmynd í kvikmyndaskólanum á sínum tíma.“

Magnús hefur fengist við gerð myndbanda síðan hann fékk sína fyrstu myndbandstökuvél fermingargjöf. Það er óhætt að segja að reynsla hans sé þegar mikil á sviði kvikmyndagerðar enda brá hann sér í öll hugsanleg gervi listgreinarinnar við framleiðslu Webcam:  ljósamanns, hljóðmanns eða förðunarmeistara – jafnvel vatnsdrengs. Magnús sinnti þar að auki ýmsu í eftirvinnslunni eins og aðstoð við klippingar, gerð aukaefnis eða vinnu við samfélagsmiðla.

„Eftir að ég fattaði að kvikmyndun væri meira en bara eitthvað geðveikt til að gera langaði mig verða bestur í því, og nám í KVÍ var eini góði möguleikinn til þess hér á landi.“

Magnús er eins og áður kom fram útskrifaður nemandi úr Kvikmyndaskóla Íslands og hefur margt jákvætt að segja um námið.

„Ég hafði á þeim tíma sem ég velti fyrir mér kvikmyndanámi heyrt að skólinn væri að verða virkilega góður og þegar ég frétti að tólf nemum væri hleypt inn í hverja braut þá gerði ég mér grein fyrir að ég myndi hitta fullt af fólki með sömu ástríðu og ég hef.“

Magnús telur dugnað og skipulag skipta miklu í undurbúningi verkefna og segir námið hafa haft gríðarlega þýðingu fyrir sig.

 „Þessir tugir verkefna sem maður var látinn gera kenndi manni að taka ábyrgð, sýna dugnað og að sinna félagslega partinum við kvikmyndagerð.  Sýndi manni vel hvað skipulag skiptir miklu. Þetta nám þjálfar mann verulega í þessu fagi, ekki bara í að svara því hvaða snúra er til hvers, heldur er um nám að ræða sem kennir manni hvernig maður á að gera þetta.“

Í þau tvö ár sem liðin eru frá útskrift Magnúsar segist hann hafa verið í miklu sambandi við skólafélaga sína úr KVÍ.

 „Ég er í miklu sambandi við nánast alla í bekknum mínum og við hjálpumst mikið að, t.d. við gerð Webcam. Þorlákur Bjarki var hljóðmaður í 6 daga hjá okkur, Lovísa Lára framleiddi í 3 daga og sá um aðstoðarleikstjórn í 4 daga og svo færði hún okkur tvo unga nema úr skólanum sem aðstoðuðu. Við myndina starfaði mjög lítið crew, oft á tímum vorum við bara þrír bakvið myndavélina.  Það má því sannarlega segja að þau sem komu þarna inn hafi spilað nokkuð stór hlutverk.“

Magnús er með nokkur verkefni í vinnslu, þar á meðal er hann að klára að endurskrifa eitt handrit.

„Toni er einnig byrjaður á nýju handriti. En allt gengur frekar hægt útaf þessari bévítans Webcam.“ segir Magnús hlæjandi.

„En við erum auðvitað í skýjunum yfir góðum viðtökum fólks við Webcam, við fórum úr því að sýna verkin okkar á Youtube yfir í almenna dreifingu hjá Senu“ en Magnús bætir við að vonandi verði hægt að byrja tökur á nýju efni í haust.

„En annars er ég að fara að taka upp rapptónleika hjá GKR vini mínum í kvöld í Gamla bíó og er mjög spenntur fyrir því.“

Í skýjunum yfir viðtökum Webcam – viðtal við Magnús Thoroddsen Ívarsson

Grínstuttmyndin Drakúla eftir Knút Haukstein Ólafsson og félaga hans í Flying Bus Productions, Arnór Elís Kristjánsson og Heimi Snæ Sveinsson hefur fengið boð um að taka þátt í International Vampire Film and Arts Festival í Transylvaníu í lok maímánaðar.

Ég útskrifaðist úr leiklistardeild Kvikmyndaskóla Íslands í desember á síðasta ári og hef aðallega verið að vinna síðan þá en ég reyni líka alltaf finna leiðir til að skapa eitthvað og vinna að einhverju sem tengist kvikmyndagerð.

Segir Knútur Haukstein en hann er einn af leikurum og leikstjórum myndarinnar auk þess að vera handritshöfundur.

Ég lék nýlega aukahlutverk í útskriftarmynd Sindra Valþórssonar á Handrit/Leikstjórn sem verður frumsýnd núna í maí og síðan erum við félagarnir í Flying Bus Productions að klára nýjan grínskets um Laugafisk og HB Granda hérna á Akranesi. Þannig að maður reynir líka að halda áfram að búa til sín eigin verkefni.

Þeir félagar sem stóðu að gerð myndarinnar Drakúla  mynda saman hóp sem þeir kalla, eins og áður segir Flying Bus Productions.

Við höfum verið að gera myndbönd síðan við kynntumst árið 2010. Sumarið 2014 kom ég með tillögu um að nýta sumarfríið okkar í að gera kómíska stuttmynd eða paródíu af kvikmyndinni “Dracula” (1931) eftir leikstjórann Tod Browning. Við horfðum saman á myndina og stúderuðum hana og síðan fór ég beint í að skrifa handrit. Myndin var skotin á fjórum tökudögum. Ferlið gekk óvenjulega vel og hratt fyrir sig og við skiptumst á að taka upp og leikstýra hvorum öðrum.

En hvernig kom þátttakan í hátíðinni í Transylvaníu til?

Ég er satt best að segja mjög hissa á því að myndin okkar hafi komist á þessa hátíð. Líkurnar voru ekki með okkur en myndin var gerð fyrir nánast engan pening og sá litli peningur sem fór í gerð myndarinnar kom frá okkur sjálfum. Við vorum þrír leikstjórar í fjögurra manna tökuliði, allir að leika hlutverk og tveir af okkur með tvö. Ég var sjálfur rétt ný byrjaður í Kvikmyndaskólanum á þessu tímabili þannig að ég var of feiminn til að nýta mér nokkur tengsl við skólann. Ég hafði þó bókstaflega engu að tapa þegar ég ákvað nýlega að senda myndina okkar á nokkrar hátíðir og hingað erum við komnir til Transylvaníu.

Knútur Haukstein er sem stendur á milli verkefna en notar tíman til að kynna verk sem þegar eru komin út.

Ég er í því ferli að reyna að koma myndunum mínum á hátíðir og það verður spennandi að sjá hvernig það fer. Þá er ég í viðræðum við ákveðna aðila um að gera tónlistarmyndband og það er aldrei að vita hvað kemur út úr því. En ég vil nýta tækifærið og hvetja nemendur í Kvikmyndaskólanum og annað samstarfsfólk til að reyna að koma verkunum sínum á framfæri. Það getur oft verið erfitt og niðurdrepandi að reyna að búa til eitthvað úr engu en þetta “eitthvað” gæti ef til vill orðið að meiru ef maður hefur trú á því.

Knútur Haukstein, leikari úr KVÍ skrifar handrit, leikstýrir og leikur í mynd á leið á hátíð í Transylvaníu

Knútur Haukstein er fjölhæfur einstaklingur sem útskrifaðist Leiklistadeild Kvikmyndaskólans. Í gær kom út myndband með hljómsveitinni Major Pink, en þar sá Knútur um leikstjórn og myndatöku og skrifaði handritið ásamt söngvara hljómsveitarinnar, Gunnari Inga Valgeirssyni. Við náðum tali af Knúti og fengum að forvitnast eilítið.

Það sem heillar mig mest við kvikmyndagerð er að þetta er listform sem getur sameinað svo margar listgreinar. Kvikmyndir eru sögur, tónlist, ljósmyndir, ljóð, myndasögur og málverk sameinað undir einn flokk sem nefnist „Kvikmyndir“. Möguleikarnir eru endalausir en þeir eiga það allir sameiginlegt að hægt er að segja sögu með hreyfandi myndum.

Tónlistin heillar greinilega líka og hefur Knúti tekist að sameina þessar ástríður vel.

Knútur Haukstein Ólafsson segir okkur frá verkum sínum og fjölbreytni í starfi eftir útskrift úr Kvikmyndaskólanum

Kvikmyndaskóli býður til sérstakrar hátíðardagskrár á Facebook og öðrum samskiptamiðlum til áramóta en þá verða sýndar tíu sérvaldar myndir nemenda.

Fyrsta myndin sem birtist í dag kl. 18 er Anima eftir Björgvin Sigurðsson en hugmyndin er að hafa viðburðinn árlegan héðan í frá.  Að auki Anima eru það eftirfarandi níu myndir sem hafa orðið fyrir valinu:

Ólöf Birna Torfadóttir – Síðasta sumar – vor 2016 – Handrit/Leikstjórn

Óli Jón Gunnarsson – Gunna – vor 2012 – Leiklist

Björgvin Sigurðarson – Anima – vor 2012 – Skapandi Tækni

Logi Ingimarsson – Limbo – vor 2014 – Skapandi Tækni

Þórður K. Páls – Harður heimur – haust 2011 – Leikstjórn/Framleiðsla

Bryndís Haraldsóttir – Upstage – vor 2016 – Leiklist

Lovísa Lára Halldórsdóttir , Margrét Ósk Buhl Björnsdóttir, Nanna Höjgaard Grettisdóttir – Smástirni – vor 2014 Leikstjórn/Framleiðsla , Skapanditækni , Handrit/Leikstjorn

Rebekka Atladóttir – Ibiza – vor 2013 – Leiklist

Jón Már – Stanislaf – haust 2010 – Skapandi tækni

Kristín Lea, Anna Hafþórs – Takk fyrir mig – vor 2011 – Leiklist

Ný mynd í hátíðardagskránni mun svo birtast daglega til áramóta. Allar myndirnar eru útskriftarmyndir en stutt spjall kvikmyndagerðarfólksins um verkin birtist í upphafi sýningar hverrar myndar. Kvikmyndaskóli Íslands vonar að þið njótið þessa framtaks og óskar öllum gleðilegrar hátíðar.

Hátíðardagskrá Kvikmyndaskólans til áramóta

Haustið 2014 útskrifaðist Grétar Maggi Tarnús Jr. úr Kvikmyndaskóla Íslands, Leikstjórn framleiðslu.

Útskriftarmynd Grétars Magga, Sjúkdómarinn (Dr. Judge Sicko) var valin á Stockfish film festilval 2016 (Sprettfiskinn) ásamt nokkrum öðrum stuttmyndum og á næstunni verður myndin sýnd vestanhafs.

Í framhaldi af Stockfish 2016 fer Sjúkdómarinn á næstunni í sýningar í Boston, Chicago, New York, Seattle og Toronto. Ég fer til New York að fylgjast með hátíðinni, til að athuga hvort þeir sýni myndina rétt og svona en ekki aftur á bak hahaha…

Hátíðin sem Sjúkdómarinn verður sýnd á  kallast Taste of Iceland en í fyrra var það myndin Hross í oss sem var framlag Íslands.

Þegar ég skrifaði handritið þá ímyndaði ég mér að Bjarni Benediktsson (sem var þá fjármálaráðherra) væri alkóhólisti og myndi missa allt í lífinu vegna drykkjuskapar, en tæki sig svo á og færi í meðferð. Hann fengi þó ekki gömlu vinnuna sína aftur heldur vinnu sem öryggisvörður í Glæsibæ og væri alltaf í stöðugri afneitun um fortíð sína. Þar lendir hann í aðstæðum sem gera honum lífið leitt. Þetta er grínmynd með boðskap. Aðalhlutverk leika Halldór Gylfason, Júlíana Sara Gunnarsdóttir og Júlía Hannam.

Grétar Maggi hefur verið í ýmsum verkefnum frá útskrift og er með eitt og annað í gangi þessa dagana.

Eftir að ég útskrifaðist frá Kvikmyndaskóla Íslands gerði ég heimildarmynd um föður minn og kúluhúsið sem hann byggði og bjó í í mörg ár en þurfti svo að rífa húsið og selja lóðina. Myndin heitir “Meistari Tarnús og Hús” og var hún sýnd á kvikmyndahátíðinni Skjaldborg 2015 og Sunnlenskum kvikmyndadögum.Í dag er ég að vinna að heimildarmynd ásamt Hafsteini Gunnari Hafsteinssyni en það er leyniverkefni eins og er.  Svo var ég í hugmyndavinnu og undirbúningi í sjónvarpsþáttargerð en það er í biðstöðu vegna fjársskorts, málið er bara að halda áfram. Ég er að skrifa  dáldið og svo detta inn stundum lítil verkefni.

Þar að auki er Grétar Maggi tónlistarmaður og starfar sem slíkur undir nafninu Tarnús Jr.

Ég hef gefið út tvær plötur. Ég samdi lag í fyrra World War III og gerði tónlistarmyndband við það. Það fjallar um ástandið í  Sýrlandi, allar hörmungarnar þar. Myndbandið er frekar blóðugt en sýnir svo sannarlega ástandið þar.

Útskriftarmynd Grétars Magga Tarnús Jr. sýnd vestanhafs

Stuttu fyrir páska  hittust nemendur til samlesturs tveggja verka sem samin hafa verið af nemendum á 3. og 4. önn deildarinnar Handrit/leikstjórn.

Ritun leikritanna var hluti af  vinnu í  áfanga sem nefnist SVI 104 og er undir leiðsögn Hlínar Agnarsdóttur. Nemendur á 2. önn leiklistar vinna þessa dagana að uppsetningu verkanna undir leikstjórn Rúnar Guðbrandsonar en ljósmyndari skólans fylgdist með samlestrinum en síðar fáum við að fylgjast með framvindu vinnu hópsins.

Samlestur leikrita sem samin eru af nemendum í Handrit/Leikstjórn

Í gærkvöldi frumsýndi hópur ungra leikkvenna Píkusögur eftir bandaríska höfundinn Eve Ensler í Gamla bíó.
Íslenska þýðingu verksins gerði Ingunn Ásdísardóttir en leikstjórinn Guðrún Helga Sváfnisdóttir er útskrifuð úr Leikstjórnar- og fremleiðsludeild Kvikmyndaskóla Íslands (2013). Fjórar af fimm leikkonum sýningarinnar eru útskrifaðar úr Leiklistardeild Kvikmyndaskóla Íslands en þær eru Jóhanna Lind Þrastardóttir (2011), Monika Ewa Orlowska (2013), Sigga Björk Sigurðardóttir (2013) og Vanessa Andrea Terrazas (2012).
Fimmta leikkonan er Guðrún Bjarnadóttir sem stundaði nám í leiklist í Bretlandi og hefur þó nokkra leiklistarreynslu. Frammistaða leikkvennanna sannaði ótvírætt gildi leiklistarnámsins við Kvikmyndaskóla Íslands.
Rektor skólans og deildarstjórar úr leiklistardeild KVÍ fylgdust því stolt og af athygli með árangri fyrrverandi nemenda sinna ásamt fullum sal af hrifnum áhorfendum. Nú er bara að vona að leikkonurnar bæti við fleiri sýningum. Sýningin er til styrktar Stígamótum.

Útskrifaðir nemar Kvikmyndaskólans slá í gegn í Píkusögum

Kvikmyndahátíðin Stockfish Film Festival & Industry Days verður haldin í fjórða sinn dagana 1. til 11. mars 2018 í Bíó Paradís.

Hátíðin er orðinn fastur liður í íslensku menningar flórunni og mun hátíðin ekkert gefa eftir þetta árið.

Film Location Summit 
MÁLÞING
Þriðjudaginn 6. mars (nánari tímasetning óstaðfest)
Í Bíó Paradís

Stockfish kvikmyndahátíðin er rétt handan við hornið

Niðurstöður leitar