Vonandi fannstu það sem þú varst að leita að

Haraldur Bender undirbýr þessa dagana útskriftarmynd sína en hann lýkur námi úr deildinni Handrit og leikstjórn í desember. Útskrifarmyndin verður frumsýnd næstkomandi föstudag í Bió Paradís.

Myndin mín fjallar í grunninn um ástina en er umvafin hryllingi, eins og ástin getur oft á tíðum orðið.

Hugmyndin kom frá meðbróður mínum Haraldi Thorlacius og hef ég mótað hana síðasta eitt og hálfa árið.

Haraldur segir vinnuna að baki mynd sinni mikla.

Að búa til bíó frá upphafi til enda er heljarlinnar verk, frá því að hugmyndin fæðist yfir í marga langa daga að skrifa, endurskrifa og skrifa svo allt upp á nýtt. Þá situr þú eftir með handrit sem er beinagrind af því sem koma skal.

Eftir að handritsgerð lauk hófst undirbúningur með leiðbeinendum og segist Haraldur hafa farið tvisvar í gegnum lokaverkefnisnámskeiðið. Hann telur sig heppinn að hafa fengið að vinna með frábærum leiðbeinendum í Kvikmyndaskóla Íslands.

Hver leiðbeinandi hefur sína sérstöðu og allir höfðu áhrif á mig á sinn hátt en það sem stakk mig mest var að undirbúningur var rauður þráður í gegnum allt ferlið. Ég fór að ráðum þeirra og lagði mig allan fram í framleiðslu ásamt því að undirbúa tökur vel.

Haraldur leggur áherslu á hve mikilvæg vandvirkni sé, hún skili betri heildarmynd þegar komið er á leiðarenda.

Kvikmyndaskólinn hefur í raun kennt mér allt sem ég kann þegar það kemur að kvikmyndagerð. Ég hafði alltaf mína eigin sýn á hvernig bíó ég myndi vilja gera en það var Kvikmyndaskólinn og hans umgjörð sem kenndi mér að koma minni sýn á framfæri og stend ég í mikilli þakkarskuld við alla þá sem gáfu sér tíma í kenna og að útskýra fyrir mér.

“Undirbúningur er rauður þráður í gegnum allt ferlið” segir Haraldur Bender um gerð útskriftarmyndar sinnar

Leikritið var samið af nemendum á 3.önn í Handrit/Leikstjórn og leikarar voru nemar úr 2.önn í Leiklist, en verkinu var leikstýrt af Rúnari Guðbrandssyni. Óhætt er að segja að vel hafi tekist til og hér má njóta mynda sem teknar voru á sýningu.

Leikritið “Afmælisdagur” var sýnt um daginn

Haraldur Hrafn Thorlacius er fyrrverandi nemandi KVÍ og framleiðandi að “Hversdagsreglur” sem eru nú í sýningu í Stöð 2. Við fengum að forvitnast eilítið um Harald.

Frábær árangur hjá útskriftarmyndinni

Þrír útskriftarnemar frá síðastliðnu vori hafa þegið boð RIFF um að útskriftarverkefni þeirra frá Kvikmyndaskóla Íslands verði sýndar á hátíðinni sem hefst 24.október næstkomandi.
Myndirnar heita “Bergmál” eftir Atla Þór Einarsson, “Rof” eftir Sigmar Inga Sigurgeirsson og “Hæ Pabbi – þótt við þekkjumst ekki neitt” eftir Hauk Karlsson.

Atli Þór útskrifaðist af leikstjórnar- og framleiðsludeild og Sigmar Ingi af leiklistarbraut og leikur hann einnig aðalhlutverk myndar sinnar. Haukur Karlsson er hinsvegar útskrifaður úr deild tvö, Skapandi tækni.
Skólinn óskar þeim félögum til hamingju með frábæran árangur.

Uppfært: Eftir að fréttin birtist hefur komið í ljós að mynd Barða Guðmundssonar, Kattarmaðurinn með Arnar Jónsson og Soffíu Jakobsdóttur í aðalhlutverkum var einnig valin til sýninga á stuttmyndahluta RIFF. Við óskum Barða að sjálfsögðu einnig til hamingju en hann útskrifaðist einnig síðasta vor úr Handrita og leikstjórnardeild.

Fjórar útskriftarmyndir úr Kvikmyndaskóla Íslands á RIFF

Mynd  Lovísu Láru Halldórsdóttir  hefur verið valin til sýningar á Winter Film Awards, FEAR horror competition . Við fengum við kvikmyndagerðarkonuna ungu sem útskrifaðist úr deildinni Handrit/Leikstjórn í Kvikmyndaskóla íslands árið 2014, til að segja okkur lítillega frá verkinu og hátíðinni sem stendur yfir dagana 18.-27. Febrúar.

Hátíðin er mjög spennandi, „up and coming“  enda vann hún nýlega Best of Manhattan award .  Hrellir var ein af 10 hrollvekjum sem voru valdar til sýningar fyrir FEAR horror competition.

Lovísa Lara segir mynd sína vera hrollvekju og leikur Ágústa Evu Erlendsdóttur aðalhlutverkið.

Hrellir, eða Creep eins og hún kallast  fjallar um konu sem vaknar einn morguninn og uppgötvar sér til skelfingar snapchat skilaboð sent til hennar af henni sofandi. Eftir það byrjar hún að taka eftir undalegum hlutum á heimili sínu og finna fyrir óþægilegri nærveru. Í raun er myndin  um heimilisofbeldi og máttleysið sem því fylgir.  Kvikmyndin Hrellir  var partur af skærumynda-prógrammi Klapp kvikmyndagerðar.

Nokkur verkefni voru valin og var þátttakendum í hátíðinni  útveguð tæki  til þess að gera stuttmyndina og veittur stuðningur.

 Mig langaði mikið til þess að gera hrollvekju, þar sem að ég varð fyrst ástfanginn af kvikmyndagerð horfandi á lélegar hryllingsmyndir með systkinum mínum.

Við óskum Lovísu Láru góðs gengis í New York í næsta mánuði og fylgjumst með framahaldinu.

Fjórar myndir voru tilnefndar til verðlaunanna af þeim tíu sem sýndar voru á hátíðinni og var Hrellir ein þeirra. The Bridge Partner eftir Gabriel Olson hlaut verðlaunin en við óskum Lovísu Láru til hamingju með frábæran árangur.

Hrellir eftir Lovísu Láru sýndur á Winter film awards í New York

Kvikmyndaskólinn reynir að fylgjast vel með afrekum og árangri nemenda sinna. Af nógu er að taka því varla finnst það tökulið í bíómyndum, sjónvarpsseríum, auglýsingum eða í erlendum kvikmyndaverkefnum hér á landi, að þar á meðal séu ekki einhverjir útskrifaðir frá Kvikmyndaskóla Íslands. Hér er upptalning á nokkrum þeirra viðurkenninga sem nemendur núverandi og útskrifaðir hafa öðlast síðustu mánuði :

– Útskriftarmyndin 3 Menn eftir Emil Alfreð Emilsson var í 14.sæti í keppni CILECT (150 bestu kvikmyndaskólar í heiminum) og efst Norðurlandaskólanna. (Tveimur sætum ofar en hinn virti danski kvikmyndaskóli t.d.)

– Anna Karín Lárusdóttir vann stuttmyndakeppnina Stockfish með 3.annar mynd sína úr Kvikmyndaskólanum XY

– Netflix keypti sýningarréttinn á Valhalla Murders. Leikstjóri þáttanna og hugmyndasmiður er Þórður  Pálsson, útskrifaður nemandi Kvikmyndaskólans.

– Útskrifaðir nemendur gegna ýmsum stöðum í Hvítur Hvítur Dagur þar á meðal í tæknibrellum, leikmunadeild, hljóðdeild, kvikmyndatökudeild, sáu um tökustaði og framleiðsludeild

– 3 nemendur fengu hlutverk í nýjustu mynd Rúnars Rúnarssonar  Bergmál í gegnum áfanga á lokaönn sinni í skólanum. Vigfús Þormar útskrifaður af leiklist sér um leikaraval. 

– Myndin Umskipti leikstýrt m.a af Sesselíu Ólafsdóttur útskrifaðri frá KVÍ. var valinn á Nordisk Panorama 2019. Margir útskrifaðir nemendur komu að ýmsum stöðum í myndinni.

– Útskriftarmynd Miu Ingunnar BlöndalFyrirgefðu, úr Leiklist KVÍ, hefur ferðast á yfir 20 hátíðir og unnið til verðlauna á mörgum þeirra.

– Bíómyndin Eden sem var frumsýnd í maí, er skrifuð og leikstýrt af Snævari Sölva útskrifuðum nemanda. Kvikmyndataka og klipping var í höndum Loga Ingimarsonar og framleidd af Guðbjörgu Sigurðardóttur bæði útskrifuð frá skólanum.

– Auður B. Snorradóttir útskrifuð úr Leiklist KVÍ, var tilnefnd til Grímuverðlauna 2019 fyrir dans- sviðhreyfingar ársins.

– Heimildarmyndin Raise the bar eftir fyrrum nemanda Jonna Ragnarsson og myndin The Farmer and the Factory eftir Barða Guðmundsson voru valdar í Nordisk Panorama Impact Workshop. Þetta eru 2 af 5 myndum sem voru valdar frá Íslandi.

–Jói Björnsson útskrifaður nemandi framleiddi þættina Flórída Fanginn.

– 2 heimildarmyndir sem unnar voru í skólanum tóku þátt í Skjaldborgarhátíðinni: Öll nótt úti – Framleiðandi Haraldur Hrafn Thorlacius og Skotspónn Hugans eftir Þórð Tryggvason 

Ólöf Birna Torfadóttir, útskrifuð úr Handrit/Leikstjórn KVÍ, tekur upp sína fyrstu mynd í fullri lengd í sumar Hvernig á að vera Klassa Drusla. Með henni var úrvalslið útskrifaðra nemenda.  

Vala Ómarsdóttir útskrifuð úr Handrit/Leikstjórn hefur farið með mynd sína Ég á kvikmyndahátíðir víðsvegar um heiminn.

– Mynd Erlends Sveinssonar sem útskrifaður er af Leikstjórn Framleiðslu, Kanarí var valinn „staff pick of the month” á vimeo.

Kvikmyndaskólinn er mjög stoltur af öllum þeim sem hér eru nefndir og óskar þeim velfarnaðar. Áréttað er að hér er einungis um sýnishorn að ræða og allir aðrir sem ekki eru nefndir fá einnig hvatningakveðjur.

Þeir sem vilja kynna sér nánar þátttöku KVÍ menntaðra í íslenkum kvikmyndaiðnaði er bent á skýrsluna Blómstrandi kvikmyndaiðnaður  sem kom út síðastliðið haust. Hún fjallaði um þátttöku útskrifaðra í íslenskri bíómyndaframleiðslu.

Kvikmyndaskólinn setur mark sitt á íslenska kvikmyndagerð

Hér má líta glæsilegan útskriftar bækling Kvikmyndaskólans þetta árið, endilega komið og njótið með okkur fjölbreyttrar dagskráar 

Knútur Haukstein Ólafsson, útskrifaður nemandi frá deild Leiklistar Kvikmyndaskólans, hlaut ásamt snjöllum hópi verðlaun fyrir bestu klippingu á tónlistar myndbandi  á kvikmyndahátíðinni “WideScreen Film & Music Video Festival” í Miami, Flórída í Bandaríkjunum, fyrir tónlistarmyndbandið “Hope” . Hugmyndin á bakvið myndbandið á rætur sínar að rekja til náms hans og fengum við að forvitnast eilítið um það

Hugmyndin á bak við tónlistarmyndbandið við lagið “Hope” eftir hljómsveitina “Major Pink” kom fram þegar ég var á 2. önn á leiklistardeild Kvikmyndaskólans. Á þessu tímabili var ég að glíma við mikinn einmanaleika, þunglyndi og sjálfsvígshugsanir sem á endanum leiddu til gerð myndbandsins. Eins furðulegt og það kann að hljóma var kvikmyndin “Taxi Driver” (1976) eftir Martin Scorsese einn helsti innblásturinn fyrir myndbandið. Setning Travis Bickle “I’m God’s lonely man” ómaði stanslaust í hausnum á mér en það kom til mín að snúa línunni við og breyta henni í “I’m God’s lonely woman” en myndbandið fjallar einmitt um einmanna nunnu sem hefur engan til að leita til í aðdraganda heimsendis. Síðar kemur í ljós hver sú ástæða er. Myndbandið fjallar í rauninni um frelsi undan sjálfsköpuðum sársauka. Sem sjálfsmeðvitað dýr er mannskepnan að mörgu leyti geðveik en þessi geðveiki á sér rætur að rekja til alls konar hugsana sem oftar en ekki birtast í formi þjáningar. Myndbandið fjallar um að losa sig við hausinn, rífa af sér hlekkina og fleygja sársaukanum, sem í þessu tilviki birtist í formi nunnubúningsÞess má til gamans geta að myndbandið okkar, sem er ekki með meira en þrjú þúsund áhorf á YouTube og kostaði minna en 15.000 kr. í framkvæmd, sigraði tónlistarmyndband sem hefur tæplega tvö og hálf milljón áhorf á YouTube þegar þetta er skrifað og kostaði alveg pottþétt mun meira en okkar myndband.

Frækinn hópur stendur á bakvið myndbandið;

Íslenskt myndband hlýtur alþjóðleg verðlaun

Vinsældir vefsins Stuck in Iceland hafa aukist jafnt og þétt og áhugafólk um allt það sem Ísland hefur að bjóða fylgjast þar grannt með.

Nemandi Kvikyndaskóla Íslands vakti athygli vefsins nýlega fyrir myndir og myndbönd af íslenskri náttúru og nú hefur mbl.is bæst í hóp áhugasamra um frábæra vinnu Garðars Ólafssonar á þessu sígilda myndefni. Áhugi Garðars á ljósmyndun kviknaði fyrir um sex árum og leiddi hann í skólann og það má með sanni segja að hann sé á réttri hillu.

http://stuckiniceland.com/south/drone-video-icelandic-natural-wonders/

http://www.mbl.is/frettir/innlent/2015/06/09/eldgosid_i_eyjafjallajokli_magnad/

Myndir nemanda í KVÍ af íslenskri náttúru vekja athygli netmiðla

Bjarki Kristjánsson útskrifaðist úr leiklistardeild Kvikmyndaskóla Íslands haustið 2012. Í nokkur ár starfaði hann hér á landi en þegar breski háskólinn Falmouth University samþykkti  hann beint inn á annað  ár í leiklistardeild sína  var teningnum kastað og Bjarki á leið til Bretlands í framhaldsnám.

Bjarki segir árin í Kvikmyndaskólanum hafa  verið einhver bestu ár lífs síns.

Það var klárlega ein besta skyndiákvörðun sem ég hef tekið að sækja um í skólann. Ég fékk ábendingu um að það væru auka inntökupróf fyrir leiklistardeild KVÍ eftir 2 daga og ég lét bara vaða. Skemmst er frá því að segja að ég komst inn í stórmerkilegan leiklistarbekk þar sem að við byrjuðum 10 en útskrifuðumst aðeins tvö, en við urðum fyrir mikilli ‘blóðtöku’ þegar skólaárinu seinkaði vegna deilna við menntamálaráðuneytið sem þó blessunarlega leystist.

Í dag eru allar deilur við ráðuneytið leystar og starf skólans skólans tryggt til framtíðar. Og erfiðleikarnir hafa þrátt fyrir allt ekki gert annað en styrkja nemendurna við skólann ef marka má árangur Bjarka.

Venjulega er leiklistarbekkur 10-12 manns svo ég og Saga Guðjónsdóttir sem útskrifaðist með mér vorum algjör tilraunadýr hvað þetta varðaði. Skólinn gerði gjörsamlega allt sem hann gat til að styðja okkur svo við myndum ekki verða af neinu sem venjulegur bekkur  fær en einnig svo við fengjum nú ekki  upp í kok hvort af  öðru. En ég verð að segja að þær áhyggjur voru algerlega gripnar úr lausu lofti . Ég hefði engan vegin getað óskað mér betri bekkjarsystur til að fara með mér í gegnum þetta allt saman en hana Sögu.

Bjarki segir að Kvikmyndaskólinn hafi algjörlega nostrað við þau og séð til þess að þau fengju  jafnlangar kennslustundir og aðrir þrátt fyrir að vera í hálfgerðri einkakennslu í ‘leik og rödd’, ‘leik og söng’ og leiklistarsögu.   Hóptímana fengu þau ýmist með önninni fyrir ofan eða neðan sig.

Í stuttu máli myndi ég segja að ég hafi aldrei áður upplifað eftirvæntingu við það eitt að komast aftur í skólann eftir helgi eða lengri frí fyrr en ég byrjaði í KVÍ. Svo góður var andinn innan veggja skólans og sambandið við alla starfsmenn frá Rektor, deildarforsetum, kennurum til Nikulásar lukkudýrs.Námið var ótrúlega persónulegt og í raun hannað eftir mínum þörfum sem er stórkostlegur kostur því það gaf mér möguleikann á að vaxa og dafna sem listamaður í stað þess að vera þvingaður í að gera hitt eða þetta sem ég hafði ekki áhuga á að gera á þeim tímapunkti.

Bjarki viðurkennir að hann hafi fyrst áttað sig á þessu fyllilega eftir að hann hóf nám sitt úti.

Þegar ég var kominn út til Bretlands í háskólanám í leiklist sá ég hversu góður þessi grunnur var sem ég hafði  aflað mér í Kvikmyndaskólanum. Ég var virkilega vel staddur hvað varðaði leiktækni, raddbeitingu og í raun á öllum sviðum og finnst mér það sanna vel gildi námsins sem ég fékk frá KVÍ

Eins og áður sagði hélt Bjarki ekki út til náms strax að loknu námi í Kvikmyndaskólanum.

Það var svo margt spennandi að gerast hérna heima beint eftir útskrift. Ég starfaði við þáttagerð hjá RÚV, var svo ráðinn sem kennari í Leiklist og stuttmyndagerð við Breiðholtsskóla og fékk allskonar hlutverk í stuttmyndum og auglýsingum.

Samþykkið frá háskólanum í Falmouth varð þó sá veruleiki sem beið Bjarka en meðan á því námi stóð fékk hann einnig tækifæri hér heima til að láta ljós sitt skína.

En einn partur af náminu í Falmouth  var þriggja mánaða starfsnám sem ég tók hjá Stúdíó Sýrlandi við talsetningar á teiknimyndum. Þar sem ég talaði inná Disney- þættina Phineas and Ferb, kvikmyndastiklur fyrir Angry Birds bíó myndina og Kung Fu Panda 3. Ég fór líka með hlutverk í bíómyndinni PAN og Alvin and the chipmunks: the road chip svo eitthvað sé nefnt. Auk þess að vera að talsetja var ég líka fenginn til að vera meðkennari á námskeiðum Sýrlands við talsetningar á teiknimyndum.

Og nú í vor útskrifaðist Bjarki með ‘BA (hons) Acting’ gráðu en útskriftarverkefni hans frá Falmouth  University var að fara með hlutverk í leikritinu Draumur á Jónsmessunótt eftir Shakespeare þar sem eg for með hlutverk Spóla. Leikritið var í leikstjórn Aiden Condron og var leikritið sýnt fyrir fullu húsi á AMATA Festivalinu við Falmouth

Mér þykir einnig mjög vænt um útskriftarmyndina mína úr KVÍ, Nocturne. Þetta var svona tilraun með að snúa við umhyggju áhorfendans í miðri mynd með því að réttlæta voðaverkin sem voru í gangi frá upphafi myndar. Hinsvegar féll ég svolítið í þá gryfju að vera meira að framleiða myndina mína en að einbeita mér alfarið af leiknum sem ég hefði frekar átt að gera. Ég  er til að mynda stoltari (leiklega séð) af frammistöðu minni í Þrír Vinir og Reiðhjól eftir Ellert Scheving og fleiri skemmtilegum hlutverkum sem ég hef tekið að mér.

Svo virðist samt sem verkefni og nám Bjarka hafi virkilega slegið í gegn hjá kennurum og prófdómurum í Falmouth University því þegar hann kláraði nám sitt nú í  lok maí 2016 hlaut hann meðaleinkunina 1st grade.

Bjarki segir að framundan hjá sér séu skemmtilegir tímar.

Ég er leiðsögumaður á Árbæjarsafni og tek smá törn þar í sumar áður en ég hendi mér aftur út í leiklistina. Ég er í viðræðum um að taka að mér frekari kennslu á talsetningu teiknimynda auk þess sem ég er að fara með hlutverk í stuttmynd eftir belgíska kvikmyndaframleiðindur sem fundu mig í gegnum heimasíðuna mína www.bjarkikristjansson.com .

Svo segir Bjarki planið vera að líta í kringum sig og virða fyrir sér þá möguleika sem standa til boða á næstunni.

En ef mér líst ekki nægilega vel á þau tækifæri þá bý ég einfaldlega til mín eigin verkefni því ég hef margar skemmtilegar hugmyndir um það hvað mig langar að gera.

Ein besta ákvörðun lífsins að fara í KVÍ – Bjarki Kristjáns nýútskrifaður frá Falmouth University

Nýir kvikmyndagerðarmenn útskrifaðir á laugardag

Nemendur á fyrstu önn Leikstjórnar og Framleiðslu luku kúrs með fagstjóra Leikstjórnar, Hilmari Oddsyni (Tár úr Steini) í myndrænni frásögn þar sem þau leikstýrðu æfingarverkefni og hófu svo námskeið í auglýsingum með Baldvin Albertssyni og handritsgerð með Kolbrúnu Björnsdóttur. Nemendur á 2.önn luku námskeiði í handritsgerð með Hrafnkeli Stefánssyni og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl. Leiðbeinendur með þeim eru ogNemendur á 4.önn tóku handritsnámskeið í leiðsögn Huldars Breiðfjörðs (Pabbahelgar, Undir Trénu) og unnu að undirbúningi útskriftarmyndar sinnar.

Nemendur á 1.önn sátu námskeið í hljóðvinnslu með fagstjóra hljóðs Kjartan Kjartanssyni (101 Reykjavík). Nemendur á 2.önn luku klippinámskeiði með fagstjóra klippingar, Davíð Alexander Corno (Kona fer í stríð) og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate), Nemendur á 4.önn handritsnámskeið í leiðsögn Huldars Breiðfjörðs (Pabbahelgar, Undir Trénu) og unnu að undirbúningi útskriftarmyndar sinnar. Nemendur á 3.önn luku tökum á heimildarmynd undir leiðsögn Björns Ófeigsson (Latibær) og hófu námskeið í klippi með Davíð Alexander Corno (Kona fer í stríð).  Nemendur á 4.önn sátu kúrs í framleiðslu með Arnar Benjamín (A Reykjavik Porno) og kvikmyndatöku með Bjarna Felix Bjarnarssyni (Borgríki) þar sem þeir undirbjuggu tökur fyrir útskriftarmyndina sína. 

Nemendur á 2.önn luku  við endurskriftir að pilot sjónvarpsþætti  undir leiðsögn Daggar Mósesdóttur (Me & Bobby Fischer) og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate). Nemendur á 4.önn tóku handritsnámskeið undir leiðsögn Huldars Breiðfjörðs (Pabbahelgar, Undir Trénu) ásamt því að vinna að endurskriftum að handriti í fullri lengd, undir leiðsögn Hrafnkels Stefánssonar (Borgríki) sem þeir hafa veirð að vinna síðan á fyrstu önn.

Nemendur á 1.önn sátu námskeið í Leiktækni með Rúnar Guðbrandssyni (Svartur á Leik), námskeið í Raddtækni með Þórey Sigþórsdóttur (Agnes) og Leik og Hreyfingu með Guðmundi Elíasi Knudsen. Nemendur á 2.önn luku kúrs í Leiktækni með Rúnar Guðbrandssyni (Svartur á Leik) og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate) Nemendur 3.annar sátu kúrs í Leiktækni undir leiðsögn Hannes Óla Ágústssonar (Málmhaus) og leiklistarsögu með Rúnari Guðbrandssyni. Nemendur á 4.önn sátu námskeið í gerð dansmyndbands undir leiðsögn Kolbrún Önnu Björnsdóttur(Svartir Englar) og Rut Hermansdóttur,  námskeið í gerð showreel og æfingar fyrir áheyrnarprufur og námskeið með Árna Beinteinssyni í Talsetningu. Allar deildir enduðu svo vikuna í Kvikmyndasögu í Bíó Paradís.

Meðal þess sem haldið var upp á þessa vikuna; Bolludagur og Mottumars þar á meðal, var haldin hátíðleg Árshátíð Kínema, nemendafélags Kvikmyndaskólans, og hér má njóta mynda frá viðburðinum

Ný námskeið hefjast og nemendur gera sér glaðan árshátíðar dag

Útskriftarbæklingurinn er kominn út og spennan að aukast fyrir sýningum Kvikmyndaskólans sem hefjast á morgun í Bíó Paradís kl. 13. Yfir 100 verkefni voru framleidd á önninni og verður þetta því mikil uppskera næstu tvo daga en útskriftarverkin verða sýnd á föstudagskvöldinu kl. 20.00.

Útskriftarbæklingurinn er kominn út – spenna í loftinu

Anna Sæunn hefur haft mikið á sinni könnu og bæði framleitt eigin verk og komið að mörgum öðrum verkefnum frá því að hún útskrifaðist frá Leiklist í Kvikmyndaskólanum. Og með spennandi verk á plönunum, var tilvalið að fá að heyra í henni

Anna Sæunn Ólafsdóttir, útskrifuð frá Leiklist

Nú um áramótin undirrituðu Jón Atli Benediktsson rektor Háskóla Íslands, Ástráður Eysteinsson fráfarandi forseti Hugvísindasviðs og Guðmundur Hálfdánarson nýr forseti Hugvísindasviðs viljayfirlýsingu þess efnis að að Hugvísindasvið starfi með Kvikmyndaskólanum að uppbyggingu náms á háskólastigi að uppfylltum ákveðnum skilyrðum.

Ætlunin er að tveggja ára námsbrautir Kvikmyndaskólans og kvikmyndafræði innan Íslensku- og menningardeildar H.Í. verði metnar til BA-gráðu. Stefnt er að því að ljúka samningum um námið nú á vorönn, en í tengslum við samninginn mun  Kvikmyndaskólinn undirgangast úttekt óháðra aðila.

Námið eykur mjög möguleika kvikmyndagerðarmanna til menntunar og er því óhætt að segja að vilji skólanna tveggja til samstarfs sé stórtíðindi fyrir kvikmyndagerð á Íslandi. Mikill uppgangur greinarinnar hér á landi undanfarin ár hefur sýnt að þörfin fyrir háskólamenntað starfsfólk er gríðarlega aðkallandi og augljóst er að hlúa þarf að þeirri menntun hér á landi.

Vænta má að nemendur geti strax á nýju ári hafið nám sem að loknu matsferli verði metið til háskóleininga í hinu nýja námi í kvikmyndagerð, hafi þeir á annað borð þegar lokið stúdentsprófi eða sambærilegu prófi. Þetta skipulag mun skerpa alla menntunarferla fyrir þá sem vilja nema kvikmyndagerð eða leiklist. Ungmenni sem vilja mennta sig í faginu geta byrjað á því að sækja kvikmyndabrautir framhaldsskólanna, t.d. í Borgarholtsskóla, Fjölbrautarskólanum í Garðabæ og víðar, síðan farið í grunnnámið í samstarfi KVÍ og HÍ, og að lokinni BA gráðu farið beint í meistaranám.

Fyrr í desember gerði Kvikmyndaskóli Íslands þjónustusamning við menntamálaráðuneyti til næstu þriggja ára og sætir þessi viðbót við það samningaferli miklum tíðindum fyrir kvikmyndamenntun á Íslandi.

Háskólanám í kvikmyndagerð, BA gráða

Gunn­ar Örn Arn­órs­son var við nám hjá Kvikmyndaskólanum á deild Handrita og Leikstjórnar og útskrifaðist vorið 2018. Um þessar mundir er hann að skrifa kvikmyndahandrit með Ottó Geir Borg að mynd sem Andreas Prochaska, sem þekktastur er fyrir að hafa gert þættina “Das Boot” (2018), hefur í hyggju að taka upp hér á landi, nefnd “Dead End”. Við heyrðum í Gunnari nýverið og fengum að heyra af ferli hans.

Fyrsta minningin sem þú hefur um áhrif kvikmynda á þig?

Ég átti erfitt með svefn sem krakki og það var oftast útaf kvikmyndum, ef myndin var gleðileg þá spann ég fantasíur út frá því þar sem ég var í hringiðu ævintýrsins og ef hún var skelfileg þá var ég undir sæng grenjandi útaf martröðum. Ég fór að temja mér það að skipta um “draumaspólur” (VHS var ríkjandi á þessum tíma) þegar nóttin varð óbærileg og virkaði það yfirleitt.
Annars er fyrsta haldbæra kvikmynda-minning mín þegar ég sat í stofusófanum í handarkrika afa míns og horfði á dystópísku satíruna “Brazil” eftir Terry Gilliam.  Var hræddur og spenntur á sama tíma og yfir skelfilegustu partana setti gamli maðurinn alltaf hendina sína fyrir augun mín. Ég gat samt séð á milli fingra hans, sem ég og gerði, þó mig langaði það ekki.  Ég varð að vita hvernig færi þó það hræddi mig.   


Hvaðan kom hugmyndin að handritinu að “Dead End”? 

Hugmyndin er komin frá eðalmenninu, lyklaborðsfjandanum og læriföður mínum, Ottó Geir Borg.  Hann var búinn að henda í 2 bls. “synopsis” þegar hann fékk mig til liðs við sig til að þróa þetta áfram.  Við unnum með Urði, Verðandi og Skuld sem bakbein, með áherslu á djöfla fortíðar og uppgjör við þá svo að framtíð geti orðið til batnaðar.  Við fylgjum mæðgum á flótta undan föður stelpunnar sem leita skjóls í litlu þorpi á vestfjörðum við hjara veraldar hjá sjókonunni Urði, sem kallar ekki allt ömmu sína.  Móðureðlið er keyrandi afl í gegnum söguna.


Í sameiningu hjuggum við út úr sögumarmaranum 12 þúsund orða “treatment”.  Í framhaldi sendum við það út til Ingvars Þórðarsonar og Andreas Prochaska og vildu þeir fara með þetta lengra. Í framhaldi höfum við verið að hamra út handritið og erum við á lokametrunum þar.  

Það er ekki hægt að biðja um betri fagmenn í verkefnið en þá Ingvar Þórðar og Júlíus Kemp, sem eru framleiðendurnir (Kisi), og með Andreas í leikstjórnarsætinu.  Það eru allir mjög samstilltir og við munum vinna statt og stöðugt í því að gera þessa mynd eins góða og hægt er.


Einhver munur á að skrifa einn eða með samhöfundi?

Það fer auðvitað eftir því með hverjum er skrifað því það passa jú auðvitað ekki allir saman.  En að skrifa með Ottó hefur verið auðvelt. Nánast vandræðalega. Við erum með mismunandi stíl en smellum vel saman.  Það er alltaf endurgjöf á milli og það er jú það sem við þurfum þegar við skrifum, skilja egóið eftir heima og fá allt það sem er að handritinu beint í andlitið.  
Ottó kenndi mér við skólann og var vanur að gefa mér sannleikann óblandaðan.  En hann er sanngjarn og góður kennari, einn sá besti, en enn betri samstarfsmaður og það er minn heiður að fá að vinna með honum.  


Hvaða tón eru þið að leitast við að ná í handritinu?

Við erum að skrifa vestra með hasar og trylli.  En rauði þráðurinn er samt hið mannlega, sem tengir okkur öll. Ást.  Hvað við erum tilbúin að gera fyrir hana og hvernig við breytumst þegar við missum hana.  Venjulegt fólk sem er komið útí horn, landfræðilega og persónulega og þarf að takast á við skelfilegar aðstæður.


Hvernig reyndist skólinn þér og námið?

Þegar ég kom í skólann þá var ég bitlaus hnífur í skúffu bældra skálda.  Ég hafði aldrei þorað að taka af skarið og reyna að skerpa á hæfileikum mínum.  En skólinn reif mig út og með frábærum kennurum náði ég að öðlast færni og hugrekki til að notfæra mér hana.  Maður fær út úr náminu það sem maður leggur sig eftir. Með vinnusemi og þrautseigju hefst þetta, jarðvegurinn er til staðar en þú einn ræður hvað þú gerir við hann.  


Lærðu af kennurunum og samnemendunum.  Hjálpaðu til hvenær sem þú getur og biddu um hjálp um leið og þú þarft en án hræðslu við að mistakast, því frá þeim mistökum kemur yfirleitt mikil reynsla.  Það eru allir í þessu langhlaupi saman, þannig að hjálpist að.


Skólinn gaf mér ekki bara tól í verkfæratöskuna mína heldur nýja fjölskyldu, sem ég elska.  Ég veit ekki hvort ég hafi þakkað fyrir mig eftir að ég útskrifaðist vorið 2018, en ég geri það hér með.  Takk!

Ársæll Rafn Erlingsson útskrifaðist sem leikari úr Kvikmyndaskóla Íslands í síðustu viku og hann segir okkur frá sinni reynslu af náminu í skólanum.

Námskeiðin í skólanum sem við í leiklistinni fórum á voru gríðarlega góð. Það eru hæfir kennarar við skólann og umhverfið hvetjandi. Maður sér framfarir í sjálfum sér á hverjum degi, líkamlega og andlega og ég fann fyrir stuðningi allstaðar frá.

En námið er alls ekki fullkomið. Lengi má gott batna og mín upplifun síðustu önnina var að það eru góðir hlutir að gerast. Þetta er ungur skóli og þau eru alltaf að bæta sig.

Ársæll Rafn stefnir að því að nýta námið við ýmis  störf og verkefni í framtíðinni.

Ég ætla að nýta tengslanetið sem ég er búinn að byggja upp í að skapa. Maður hefur lært að vera ekki hræddur við nýjar áskoranir og ætla ég mér marga og góða hluti innan skamms. Mig langar og ég ætla mér að gera svo mikið, leika, leikstýra, syngja, vera með uppistönd, skipuleggja viðburði og svo mætti lengi telja. Framtíðin er björt.

Og framundan hjá Ársæli er eitt og annað spennandi.

Ég er að undirbúa mig fyrir hlutverk í sumar, skrifa nýtt uppistand og svo langar mig að halda áfram að gefa 130% í allt sem ég tek mér fyrir hendur. Mig langar að klára stúdentspróf í náinni framtíð og svo mögulega læra meira í leiklist, leikstjórn eða einhversskonar sviðslistum, mig langar svo margt!

Minn helsti styrkleiki myndi ég segja að væri hvað ég er ákveðinn. Það tekur því ekki að fara af stað með eitthvað verkefni ef þú ætlar ekki að gefa allt í það. Svo er ég góður í mannlegum samskiptum, á gott með að koma fram, frjór í hugsun, uppátækjasamur og mér finnst ég vera góður leikari líka.

Ársæll segir að það komi sér vel áfram í lífinu að langa að standa sig vel í öllu sem maður tekur sér fyrir hendur og gera það eins vel og manni er auðið.

Ég var of lengi ósáttur við sjálfan mig og það sem ég var að gera í lífinu en námið beindi mér á rétta braut. Ég ætla að halda áfram á þeirri braut því hún gerir mig glaðan. Það er það sem ég brenn fyrir, að vera hamingjusamur og gera aðra hamingjusama í kringum mig.

Í KVÍ sér maður framfarir í sjálfum sér á hverjum degi

Niðurstöður leitar