Vonandi fannstu það sem þú varst að leita að

Úrslit hafa verið tilkynnt í ljósmyndakeppni nemenda Kvikmyndaskóla Íslands. Fyrstu verðlaun hlutu Örvar Hafþórsson nemandi í Leikstjórn/Framleiðslu og Ásdís Sif Þórarinsdóttir, nemandi í Handrit/Leikstjórn á 2. önn.

Verðlaunaafhendingin fór fram í dag en Ásdís Sif og Örvar hlutu að launum hvor um sig eina Sony Cybershot 30x Zeiss WHT vél en Nýherji styrkti keppnina með þessari höfðinglegu gjöf og kann Kvikmyndaskólinn fyrirtækinu bestu þakkir fyrir.  Fulltrúi NýherjaJón Camson Sigurðsson, söluráðgjafi hljóð og mynd, afhenti verðlaunin í húsnæði skólans í dag.

Þema kepninnar í ár var „Ég elska kvikmyndagerð“ nemendum skólans var heimilt að senda inn ótakmarkaðann fjölda mynda. Fimm manna dómnefnd sem valdi vinningsmyndina sem er hægt að sjá hér fyrir neðan.

Ásdís Sif Þórarinsdóttir og Örvar Hafþórsson sigruðu ljósmyndakeppni KVÍ

Hrafnkell Stefánsson er deildarstjóri Handrita- og leikstjórnardeildar Kvikmyndaskóla Íslands og segir okkur frá náminu þar í ávarpi sínu í lokahefti haustannar skólans.

Þetta eru hugtök sem við könnumst öll við. Án þeirra er manneskjan ófær um að segja sögur. Það mætti segja að þessi þau eru hluti af okkar DNA. Því kemur ekki á óvart að þessi hugtök eru grunnur verkfærakistu hvers höfundar.

Hver og einn höfundur á sína eigin verkfærakistu. Hún er uppfull af tólum og tækjum, sem hann notar sér við að móta, þróa og þroska hugmyndir svo úr verði heildstætt verk.

Hugmyndir koma til okkar úr öllum áttum. Þær koma úr draumum, umhverfinu og persónulegri reynslu. Að fá hugmynd er auðvelt, en þegar kemur að því að vinna úr henni þá kemur vel útbúin verkfærakista sannarlega að notum.

Í Handrita – og Leikstjórnardeild Kvikmyndaskóla Íslands viljum við hjálpa nemendum að útbúa sína eigin persónulegu verkfærakistu.

Í byrjun hverrar annar kemur saman hópur af ólíku fólki úr ólíkum áttum. Sumir mæta með reynslu af kvikmyndargerð í kistunni sinni. Aðrir hafa aldrei spreytt sig í listum áður, en hafa lífsreynslu í sinni kistu. En öll eiga þau það sameiginlegt – að þau stukku út í djúpu laugina, hættu að bara horfa og ákváðu að byrja að skapa.

Þessi ákvörðun er byrjunin á þeirra sögu, og er þau hefja nám erum þau komin á miðju. Nú fara hlutirnir að gerast. Undir leiðsögn helsta fagfólks úr kvikmyndabransanum bæta nemendur við sig verkfærum í kistuna sína. Verkfærum eins, vinnuferlum leikstjóra og handritshöfunda, reynslu í því að skrifa og leikstýra sínum eigin kvikmyndaverkum. Þekkingu á helstu undirstöðuatriðum kvikmyndagerðar, þ.á.m. framleiðslu og myndrænni frásögn, fá auk þess skilning á tækni og tækjanotkun.

Tveimur árum síðar kemur loks að endinum.

Náminu við Handrita- og leikstjórnardeild er lokið, verkfærakistan er troðin af öllu sem höfundur þarf á að halda. Í kistunni má nú finna, aga til að sitja löngum við handritskrif, þekkingu til að leiða verkefni sem listrænn stjórnandi, reynslu í að hafa fylgt hugmynd eftir frá byrjun til enda sem leikstjóri og tengslanet sem mun nýtast um ókominn ár.

Með hverjum endi er nýtt upphaf. Ný byrjun.

Hver sem hún verður, hafa nemendur nú fulla verkfærakistu og eru tilbúnir að takast á við þær spennandi áskoranir sem bíða í ört vaxandi kvikmyndiðnaði hér á landi, hvort sem það er við gerð sinna eigin verkefna, störf innan veggja hina fjölmörgu framleiðslufyrirtækja landsins eða áframhaldandi nám á erlendri grund.

Hrafnkell Stefánsson
Deildarforseti Handrita- og leikstjórnardeildar

Byrjun. Miðja. Endir. – Hrafnkell Stefánsson er deildarstjóri Handrita- og leikstjórnardeildar

Kvikmyndaskóli Íslands hefur valið myndirnar  Arnbjörn eftir Eyþór Jóvinsson og  Senn bryddir á Barða eftir Vigdísi Evu Steinþórsdóttur til að taka þátt í  árlegri skólakeppni Cilect, alþjóðasamtaka kvikmyndaskóla fyrir árið 2017.

Arinbjörn er útskriftarverkefni Eyþórs Jóvinsson sem útskrifaðist í desember síðastliðinn en hann hlaut fyrir myndina  Bjarkann sem eru verðlaunin fyrir bestu mynd á haustannar 2016.  Mynd Vigdísar Evu er heimildarmynd af þriðju önn. Til þessa hefur Kvikmyndaskóli Íslands aðeins sent stuttmyndir í keppni Cilect og er þetta er í fyrsta skipti sem skólinn sendir fulltrúa í heimildarmyndahluta Cilect kepnninnar. Keppnisflokkar samtakanna eru þrír: Skáldskapur (fiction), heimildarmynd (documentary) og teiknimyndir (animation).

Keppni Cilect samtakanna eru yfirgripsmikil því allir aðildarskólar greiða atkvæði um innsendar myndir og úrslit liggja fyrir með næsta hausti.

“Arnbjörn” og “Senn bryddir á Barða” í keppni Cilect, alþjóða samtaka kvikmyndaskóla

Nýverið fengu nemendur okkar í Leik og Hreyfingu, bæði á annari og þriðju önn, að njóta sýninga á Sirkus fimi, meðal annars eldgleypi, loftfimleika og trúða. Það er aldrei of lítið að gera í Kvikmyndaskólanum !

Það vantar ekkert upp á fjölbreytileikann í kvikmyndanáminu

Í tilefni af 25 ára afmælisári Kvikmyndaskóla Íslands munum við á næstunni sýna 25 valin verk útskrifaðra nemenda síðustu ára. Nú sýnum við stuttmyndina Anima frá vorönn 2012.

Stuttmyndin Anima, var útskriftarverkefni Björgvins Sigurðarsonar sem útskrifaðist úr Skapandi tækni vorönn 2012.

Í samtali við Björgvin Sigurðarson, sem var tökumaður myndarinnar, segir hann:

“Alveg síðan að ég byrjaði að taka ljósmyndir þá hef ég haft sterka löngun til að skoða lífið í kringum mig á annan hátt. Leitin af römmum hefur fylgt mér alveg síðan þá og þegar ég byrjaði í Kvikmyndaskóla Íslands þá var ég komin með hugmynd um hvað ég vildi gera, en ekki hugmynd um hvernig ég færi af því. Sem betur fer var þarna hópur af góðu fólki sem var alltaf til staðar til að hjálpa manni og kenndi mér allt sem ég þurfti að vita og helling sem ég vissi ekki að ég þyrfti að vita. Síðan þá hef ég skemmt mér við að taka tónlistarmyndbönd, visuala og stuttmyndir, en mest hef ég haft gaman af heimildarmynda gerð. Eftir að hafa klárað fyrstu heimildarmynd mína í fullri lengd á síðasta ári ásamt öðrum útskrifuðum nemanda, honum Halli Erni Árnasyni. þá erum við að vinna núna í þeirri seinni, en hún er endurgerð myndar sem ég gerði á sínum tíma í skólanum. Kvikmyndagerð finnst mér alveg einstaklega fallegt listform, en hún er einungis möguleg með góðri hópavinnu og það er það sem gerir hana svona frábæra fyrir mér.”

Opinn dagur var haldinn í Kvikmyndaskóla Íslands í gær. Deildarstjórar kynntu sínar deildir en einnig voru í boði sýningar á myndum nemenda og margt fleira.

Útskrifaðir nemendur skólans sögðu frá verkefnum sem þeir hafa tekið þátt í frá útskrift og einnig var hægt að fylgjast með því hvernig nemendur handritadeildar breyta hugmyndum sínum  í handrit sem síðar verður að kvikmynd. Fyrir  áhugasama um tæknideild skólans var hægt að skoða tækjaleiguna og sýnt hvernig unnið er með ljós, myndavélar og green screen.

Leiklist á annarri önn sýndi atriði úr leiksýningu sem nýlega var til sýningar en þar að auki var  fyrsta leikna 360° myndin sem gerð hefur verið á Íslandi sýnd,  útskriftarverkefni nemanda á Handrit/Leikstjórn.

Krakkahornið naut vinsælda með fjölbreyttri dagskrá fyrir upprennandi kvikmyndagerðamenn.

Fjölbreytt dagskrá á opnum degi í Kvikmyndaskólanum í gær – Myndir

Vildi læra allt fremur en einblína á eitt – Magnús Bjarnason um KVÍ og verðlaunamyndina Skuggsjá

Sjafnar Björgvinsson útskrifaðist af Leiklistardeild með mynd sína “Kafteinn Kambur og Tryggvi blaðamaður”. Við fengum Sjafnar til að deila með okkur reynslu sinni

Það sem fékk mig til að sækja um í Kvikmyndaskólanum var nokkurn veginn köllun til að nýta hæfileika mína í annars konar lærdóm. Ég hafði stundað nám í Háskóla Íslands í eitt ár og komst að því að akademískt og bóklegt nám var ekki mitt viðfangsefni. Námið var í grunninn mjög erfitt og því vantaði meiri hreyfingu á minn lærdóm. Ég sló til eftir stutta umhugsun og ákvað að sækja um í Kvikmyndaskólanum. Ég hreinlega varð að fá einhverja tilbreytingu í námið og hreyfing og annars konar aktívar greinar voru kjörnar fyrir mig. Sú deild sem varð fyrir valinu var hiklaust Leiklist því að þá grein þekkti ég best til. Ég hafði áður í grunnskóla og framhaldsskóla stundað leiklist og hún virtist alltaf eiga vel við mig, heldur en annars konar nám. Leiklist hefur líka í langa tíð verið mjög hjartnæmt áhugamál og hvers vegna ekki að dýpka skilning sinn á viðfangsefninu? Líka að ef maður hefur áhuga á sínu námsefni er mun auðveldara að læra það og þá verður líka vinnan mun skemmtilegri

Ef ég vil fjalla aðeins um lokaverkefnið mitt þá gerði ég í stuttu máli flókna stuttmynd. Hún er ekki einföld því söguþráður hennar er óvenjulegur fyrir stuttmynd að vera, því handritið hentar betur fyrir kvikmynd í fullri lengd. Söguþráðurinn er þannig að blaðamann vantar frétt til að skrifa um og fær því leiðsögn frá frænda sínum sem er hausaveiðari til að fá fréttagrein. Frændi hans dregur hann með sér í fjársjóðsleit til að hafa upp á verðmætum grip og þurfa þeir í sameiningu að kljást við glæpamenn, lífshættulegar aðstæður og annað sem á vegi þeirra verða. Myndin er því með verulega marga vinkla því hún sækir innblástur í mörg mismunandi þemu og kvikmynda element. Hún er hrærigrautur af kvikmyndum eins og 50´s Noir, Gangster, Punk og Industrial Sci-Fi. Þess vegna varð undirbúningur að vera góður til að framkvæma þetta. Handritið fór því oft í gegnum mörg dröft til að það myndi vera gerilegt fyrir stuttan tökutíma og allt crew og fólk var ráðið eins og fljótt varð. Það var upprunalega pælingin en allt frá skrif handrits virðist allt hafa gengið brösulega til að framkvæma. Erfiðlega gekk að fá fáanlega leikara og hinir og þessir hlutir virkuðu alltaf seint. Það virtist svo ganga vel á endanum þegar við þurftum að fara beint í tökur. Náttúrulega mun eitthvað fara úrskeiðis á tökustað en því var reddað eins snöggt og hægt var svo allt myndi ganga upp. Það voru mörg location sem þurfti að tækla en þetta gekk allt saman upp þrátt fyrir alla þá erfiðleika sem gengu á í gegnum þessa stuttmynd. Þrátt fyrir allt sem gekk yfir þá játa ég það að ég mun halda áfram að gera svona tegund af vinnu í framtíðinni

Eftir útskrift ætla ég að kanna frekari vinkla í þessum bransa og halda áfram að skapa eigin verk eins og myndbönd og önnur hljóðefni. Einnig að þjálfa frekar leiklistarhæfileika mína. Þetta er erfið vinna en eins og lokaverkefnið hefur sýnt munu alltaf verða erfiðleikar við að gera svona. Það er enginn bransi eins og skemmtanabransinn og það er svo ánægjulegt hvað hægt er að gera í honum, og margt eftirminnilegt sem ég man eftir að hafa verið í þessum skóla. Þau eru mörg „moment“ sem urðu í náminu eins og að setja upp sitt eigið leikrit fyrir fullum áhorfenda sal og semja eigin söngleik og syngja á sviði fyrir framan fólk. Ef ég vil segja frá einhverju ánægjulegu augnabliki þá er það þegar ég og krakkarnir í mínum leiklistarbekk vorum saman komin á seinasta kennsludegi og við áttum nokkra klukkkutíma eftir af deginum. Við settum á smá tónlist, og við fórum að dansa. Bara dansa. Bjuggum til okkar eigin söngleik bara á no-time, ég fann fyrir svo mikilli ánægju tilfinningu að vera staddur inn í venjulegri kennslustofu og bara dansa af svo mikilli ást fyrir listina. Verulega ljóðrænar lýsingar en það er leikhús fyrir mér. Þegar við losum okkur við hömlunar sem við höfum á okkur og sleppum okkur í sköpunarferlinu. Það er svo fallegt.
Kvikmyndaskólinn er orðinn mikilvægur og eftirminnilegur partur af lífi mínu og ég er mjög þakklátur að geta fengið tækifæri að fá að vera þáttakandi í honum á þessum árum sem ég var nemandi í honum

Við óskum Sjafnari innilega til lukku með útskriftina og fylgjumst spennt með áframhaldinu

Sjafnar Björgvinsson útskrifaðist frá Leiklistardeild núna um helgina

Í tilefni af 25 ára afmælisári Kvikmyndaskóla Íslands munum við á næstunni sýna 25 valin verk útskrifaðra nemenda síðustu ára. Nú sýnum við stuttmyndina Hvítir karlar frá vetrinum 2011/2012

Stuttmyndin Hvítir karlar, var útskriftarverkefni Vivian Ólafsdóttur sem útskrifaðist úr Leiklistardeild KVÍ veturinn 2011/2012

Í samtali við Vivian Ólafsdóttur leikara segir hún:

Nám í Kvikmyndaskóla Íslands var gjöf frá mér til mín. Ég fór í leiklist sem ég mæli með fyrir alla og fékk einnig góðan grunn í kvikmyndagerð sem ég hef getað nýtt mér vel og mun gera áfram í framtíðinni, en sá grunnur stækkaði atvinnumöguleika mína töluvert. Ég segi við alla sem spyrja mig út í námið í Kvikmyndaskólanum, að “tólin” sem ég fékk í hendurnar þar og lærði inná eru ekki aðeins tækni til að vera frábær leikari heldur líka tól til að lifa betri lífi. Fyrir utan það allt, þá kynntist ég eiginmanni mínum í skólanum og verð alltaf þakklát fyrir það, ásamt frábærum vinum og fólki sem hrærist og lifir fyrir því sama og ég – leiklist og kvikmyndagerð

Við þökkum Vivian kærlega fyrir og vonum að þið njótið myndarinnar

Rúnar Rúnarsson fer með “Bergmál” til Locarno

Fyrsta önn Leikstjórnar/Framleiðslu sat kúrs í tónlistarmyndbanda gerð undir leiðsögn Erlends Sveinssonar (Kanarí), hafa lokið tökum og munu ljúka við myndböndin sín um miðja næstu viku.  Þriðja önn sat námskeið í endurgerð senu með öðrum nemendum þriðju annar, þar sem þau munu læra “storyboard” og endurgera senu úr kvikmynd. Leiðbeinendur voru Ágústa Margrét Jóhannsdóttir (UseLess), “storyboard” meistarinn Sigurður Valur og leikstjórinn Viðar Víkingsson (Draugasaga).

Nemendur á fyrstu önn Skapandi Tækni sátu sinn fyrsta kúrs í kvikmyndatöku undir leiðsögn Stefáns Loftssonar (Brotið) og Tómasar Arnar Tómassonar (Arctic, Latibær).  Nemendur á annarri önn hófu kúrs í hljóðvinnslu með Kjartani Kjartanssyni (Sódóma Reykjavík). Þriðja önn sat námskeið í endurgerð senu með öðrum nemendum þriðju annar í skólanum.

Fyrsta önn Handrits/ Leikstjórnar luku kúrs í grunnreglum handritsgerðar undir leiðsögn fagstjórans Ottó Geirs Borg (Ég man þig, Astrópía) sem hóf svo með þeim kúrs í handritaskrifum fyrir sjónvarp. Þriðja önn sat námskeið í endurgerð senu með öðrum nemendum þriðju annar. Nemendur á fjórðu önn sátu námskeið í framleiðslu þar sem þau meðal annars undirbúa lokamyndina sína undir leiðsögn Hlínar Jóhannesdóttur (Svanurinn, Bokeh) og héldu svo áfram að undirbúa myndina í námskeiði í leikstjórn með Gunnari B. Guðmundssyni (Astrópía, Gauragangur).

Nemendur á fyrstu önn Leiklistar luku námskeiði í raddbeitingu með Þóreyju Sigþórsdóttur (Agnes, Kaldaljós) með glæsilegri kynningu, sátu kúrs í leiktækni með Rúnari Guðbrandssyni (Svartur á leik, XL) og hófu námskeið í raddbeitingu og söng með Þórunni Ernu Clausen (Lói). Nemendur á annari önn hófu kúrs í leiktækni og túlkun með Rúnari Guðbrandssyni (Svartur á leik, XL) ásamt framhaldskúrs í raddbeitingu undir leiðsögn Þóreyjar Sigþórsdóttur (Agnes, Kaldaljós). Nemendur á annari önn luku við stuttmyndir sem sýna þeirra persónulega stíl með frumsýningu. Leiðbeinendur þeirra voru Ágústa Margrét Jóhannsdóttir (UseLess) og Linda Stefánsdóttir (The Fifth Estate).  Nemendur á þriðju önn Leiklistar luku námskeið í leiklistarsögu með Rúnari Guðbrandssyni (Svartur á leik, XL) og hófu svo námskeið í endurgerð senu með öðrum nemendum þriðju annar.  

Kínema, nemendafélag Kvikmyndaskóla Íslands, bauð upp á Handrita vinnustofu og Karaoke kvöld á þriðjudeginum og Spilakvöld á fimmtudeginum. 

Vikunni lauk að vanda í kvikmyndasögu í Bíó Paradís.

Nemendur allra deilda endurgerðu atriði úr kvikmyndum þessa vikuna

Í tilefni af 25 ára afmælisári Kvikmyndaskóla Íslands munum við á næstunni sýna 25 valin verk útskrifaðra nemenda síðustu ára. Nú sýnum við stuttmyndina Takk fyrir mig frá vorönn 2011.

Stuttmyndin Takk fyrir mig, var sameiginlegt útskriftarverkefni þeirra Önnu Hafþórsdóttur og Kristínar Leu Sigríðardóttur sem útskrifuðust úr leiklistardeild KVÍ vorið 2011.

Í samtali við Önnu sem lék annað aðalhlutverkið í myndinni segir hún

Ég á einungis hlýjar minningar frá Kvikmyndaskólanum og eignaðist þar góða vini og tengingar inn í kvikmyndabransann.  Síðan ég útskrifaðist 2011 hef ég leikið aðalhlutverk í tveimur bíómyndum í fullri lengd (Webcam og Snjór og Salóme), lék aukahlutverk í Vonarstræti, aukahlutverk í mynd sem heitir Redux og kemur út á næsta ári. Ég lék Tótu í grínþáttunum Í ræktinni með Tinnu & Tótu, lék í fræðslumyndinni Fáðu Já sem Páll Óskar leikstýrði auk ýmissa stuttmynda og auglýsinga. Ég stunda nú mastersnám í ritlist við Háskóla Íslands

Kristín Lea Sigríðardóttir, leikari og leikþjálfi í “Lof mér að falla”

Nýlega greindi Klapptré frá því að níu íslensk kvikmyndaverkefni yrðu hluti af norsku Kvikmyndahátíðinni í Haugesund, sem fer fram 20.-26. ágúst.

Þrjú verkefni eru þar á meðal sem tengjast Kvikmyndaskóla Íslands sterkum böndum.

Fyrsta ber að nefna myndina Damned sem Þórður Pálsson, útskrifaður úr leikstýrði og skrifaði handrit að en einnig er þarna að finna myndina East by Elleven sem Hrafnkell Stefánsson deildarforseti Handrita/leikstjórnar vinnur að í samvinnu við Poppoli-teymið.

Þá ber að nefna að Pale Star, sem framleidd er af Birgittu Björnsdóttur sem kennir við Kvikmyndaskóla Íslands og Hlín Jóhannesdóttur fyrrum deildarstjóra við skólann, er á meðal verkefnanna í Haugasundi.

Verkefni tengd Kvikmyndaskóla Íslands til Haugesund

Duglegir nemendur sátu við tölvur í kvikmyndaskólanum þessa vikunni að klippa saman stuttmyndir sínar sem frumsýndar verða eftir tvær vikur. Önnur önn Skapandi Tækni sátu þó kúrs í myndbrellum hjá Sigurgeiri Arinbjörnssyni (Star Trek: Discovery, Everest) og  þriðja önnin fór í Sérhæfinga kúrs – þar sem nemendur velja sér tvö af sérsviðum brautarinnar til að dýpka þekkingu sína í.  


Nemendur á annarri önn Leiklistar voru á fullu að æfa fyrir frumsýningu á nýju leikverki í lok næstu viku og þriðja önn Leiklistar unnu áfram í söngleik sem þau frumsýna við lok annar undir stjórn Þórunnar Ernu Clausen (Lói) og sátu námskeið í dagskrárgerð undir leiðsögn Baldvins Albertssonar (Tjarnargatan). Fjórða önn Leiklistar unnu svo í klippingu á útskriftarmyndum sínum.

Kínema, nemendafélag Kvikmyndaskóla Íslands, bauð upp á handrita vinnustofu á þriðjudeginum að vanda ásamt Kareoke kvöldi .

Anton Smári Gunnarsson hóf nám sitt í Kvikmyndaskóla Íslands í janúar 2009 og útskrifaðist úr Skapandi tækni tveimur árum síðar um jól 2010.

Þegar ég hóf námið hafði ég aldrei snert tökuvél af neinu tagi. Ég fékk heil mikið út úr mínu námi við KVÍ þökk sé bæði kennurum sem ekki einungis voru fagfólk af hæstugráðu, heldur einnig hlúðu vel að nemendum sínum og urðu nær því að vera vinir nemenda en kennarar þegar leið á námið. Sama má segja um nemendurna sem mynduðu einstaka heild sem gerði þetta að tveimur bestu námsárum sem ég hef upplifað. Að mínu mati, ef áhuginn er til staðar, og ef að þú tileinkar þér námið, þá færðu fyllilega næga vitneskju í náminu og reynslu í Kvikmyndaskólanum til að stíga þín fyrstu skref í kvikmyndabransanum.

Það sannaði sig fyrir Antoni Smári í því einu hve vel honum gekk á vinnumarkaðinum jafnvel áður en hann útskrifaðist.

Ég tel mig hafa verið mjög heppinn með mina atvinnumöguleika eftir skólann. Ég byrjaði strax að vinna við verkefni með skóla og eftir útskrift vann ég slitlaust í 5 ár sem verktaki í ljósa-, grip- og kamerudeild þar til ég flutti erlendis í byrjun þessa árs. Einnig vann ég í heiltár á tækja leigunni Kukl stuttu eftir útskrift sem gaf mér heilan helling afþekkingu og samböndum.

Anton Smári hefur komið að stórum verkefnum sem aðstoðarmaður tökumanns en þar má nefna myndir á borð við Hrúta, Fúsa og afann að ógleymdri þáttaröðinni Ófærð.

Mín stefna hefur ávallt verið á starf kvikmyndatökumanns, og lukkulega hef ég fengið að vinna með fyrirmyndarfólki hvort heldur sem var við gerð sjónvarpsþátta, stuttmynda, auglýsinga eða tónlistarmyndbanda sem tökumaður.

Fjölbreytileikinn í starfinu hefur komið Antoni Smára mjög á óvart.

Hvert verkefni tekur þig á nýja staði og gefur þér nýjar og margvísilegar áskoranir. Í því tilliti finnst mér vinnan haldast fersk, skapandi og kemur sífellt á óvart.

Velgengnin heima á Íslandi hefur orðið tökumanninum unga hvatning til að leita fyrir sér annarsstaðar.

Nú sem stendur er ég búsettur í Englandi og vinn sem “Camera Technician” hjá fyrirtækinu ARRI Rental. Minn ásetningur er byggja upp sambönd og dýpka þekkingu mína á tækjum hjá ARRI og koma mér svo út á hinn stóra vinnumarkað London, vonandi sem tökumaður

Tvö bestu námsárin voru í Kvikmyndaskóla Íslands – Anton Smári úr Skapandi Tækni segir frá ferli sínum eftir námið

Niðurstöður leitar

Kínema, okkar frábæra nemendafélag

Ásdís Sif Þórarinsdóttir og Örvar Hafþórsson sigruðu ljósmyndakeppni KVÍ

Byrjun. Miðja. Endir. – Hrafnkell Stefánsson er deildarstjóri Handrita- og leikstjórnardeildar

“Arnbjörn” og “Senn bryddir á Barða” í keppni Cilect, alþjóða samtaka kvikmyndaskóla

Það vantar ekkert upp á fjölbreytileikann í kvikmyndanáminu

“Anima” eftir Björgvin Sigurðarson

Fjölbreytt dagskrá á opnum degi í Kvikmyndaskólanum í gær – Myndir

Vildi læra allt fremur en einblína á eitt – Magnús Bjarnason um KVÍ og verðlaunamyndina Skuggsjá

Sjafnar Björgvinsson útskrifaðist frá Leiklistardeild núna um helgina

Kvikmyndaskólinn í 25 ár

25 ár af íslenskum kvikmyndum

Rúnar Rúnarsson fer með “Bergmál” til Locarno

Nemendur allra deilda endurgerðu atriði úr kvikmyndum þessa vikuna

25 ár af kvikmyndum

Kristín Lea Sigríðardóttir, leikari og leikþjálfi í “Lof mér að falla”

Verkefni tengd Kvikmyndaskóla Íslands til Haugesund

Frumsýningar framundan

Tvö bestu námsárin voru í Kvikmyndaskóla Íslands – Anton Smári úr Skapandi Tækni segir frá ferli sínum eftir námið

Námið

Flýtileiðir