Vonandi fannstu það sem þú varst að leita að

Þó nemendur Kvikmyndaskóla Íslands stundi enn nám sitt við skólann  fá þeir oft tækifæri til að koma að spennandi verkefnum utan hans. Music Reach myndbönd höfðu samband við einn af kennurum Kvikmyndaskólans  fyrir nokkru í leit að fólki til að taka upp Airwaves 2015 og varð það kveikjan að skemmtilegu samstarfi.

Ég kom þeim í samband við hóp af nemendum skólans og þau stukku á tækifærið. Þetta voru þau Stefán Mekkinósson, Vigdís Eva Steinþórdóttir, Arnar Freyr Tómasson, Valgerður Árnadóttir (Öll á 1. önn deild 2) og Bjarni Friðsteinsson á 3.önn deild 2.

segir Stefán Loftsson kennari við Kvikmyndaskóla Íslands og bætir við að RÚV hafi sent upptökur nemendanna beint.

Þetta var einnig sent beint á netinu í gegnum Oz appið og þar gat fólk út í heimi horft á tónleikana. Krakkarnir stóðu sig frábærlega og ég veit að þau eiga eftir að fá fleiri svona verkefni í framtíðinni eftir þessa glæsilegu frammistöðu.

Upptökur nemendanna finnið þið hér. 

Nemendur Kvikmyndaskólans unnu að upptökum fyrir Airwaves

Kvikmyndaskóli Íslands opnaði nýlega nýja Twitter-síðu undir heitinu IFS – news. Síðunni er ætlað að vera fréttaveita þar sem komið verður við víða í veröldinni.

Eysteinn Guðni Guðnasson hefur verið fenginn til að ritstýra síðunni og við fengum hann til að segja okkur aðeins frá hugmyndinni bakvið þetta nýja framtak skólans.

Áhugi Kvikmyndaskólans liggur í því að fylgjast með því hvað er að gerast í hinum stóra heimi kvikmyndagerðar í dag. Þá er ég ekki bara að tala um Hollywood og Evrópu, heldur allan heiminn. Okkar markmið er að hafa puttann á púlsinum á því sem er að gerast víða í heiminum og deila því heitasta með þeim sem eru að fylgja okkur á Twitter.

Eysteinn Guðni segir að ekki sé aðeins ætlunin að birta fréttir úr starfi skólans heldur er síðunni ætlað að svara spurningum fólks um það sem er efst á baugi í kvikmyndaheiminum – til dæmis hvaða nýja stjarna er að skjóta upp kollinum í Kóreu eða hvaða mynd er að vinna verðlaun í Brasilíu?

Fylgst verður með öllum heimshornum. Auðvitað koma flestar fréttirnar frá Bandaríkjunum og Indlandi, þar sem flestar myndir eru framleiddar, en það koma líka reglulega fréttir frá minni löndum.

Eysteinn Guðni er 31 árs prestsonur úr Vestur-Húnavatnssýslu og útskrifaðist hann sjálfur úr Kvikmyndaskólanum árið 2005.

Er stoltur að hafa verið í fyrsta árganginum sem útskrifaðist úr tveggja ára námi. Síðan þá hef ég unnið við varðveislu á myndbandsefni hjá Gagnvirkni en síðar vann ég í eitt ár hjá Icelandic Cinema Online. Ásamt nýja starfi mínu hjá Kvikmyndaskólanum er ég líka umsjónamaður unglingahópa fyrir bahá’í samfélagið. Í frítímanum mínum hef ég lengi verið stjórnandi á Kvikmyndir.is og þá sérstaklega haldið utan um íslenskar kvikmyndir.

Þeir sem fylgst hafa með upphafsdögum IFS news hafa ugglaust tekið eftir að Eysteinn leitar fanga víða í efnisöfluninni.

Jú, þetta eru ansi margar síður sem maður er að fylgjast með. Svo les maður í gegnum fullt af fréttum og velur úr það sem er áhugaverðast. En maður gerir þetta af ástríðu og hefur bara gaman af.

Að liggja yfir fréttaefni um kvikmyndir hlýtur að vera einskonar draumastarf fyrir ungan kvikmyndaáhugamann og kvikmyndagerðarmann, eða hvað?

Draumastarfið liggur í því að gera það sem manni finnst skemmtilegt. Það ættu auðvitað allir að leggja sig fram við að gera áhugamálið sitt að atvinnu, hvort sem það er ástríða fyrir umhverfinu, að vinna með börnum eða tónlist. Það vill bara svo til að áhugamál mín eru meðal annars kvikmyndir og internetið. Það sem gerir þetta hinsvegar að draumastarfi er að fá að deila áhugaverðum fréttum með fólki. Mér finnst fátt skemmtilegra en þegar ég sé að fólk er að uppgvötva eitthvað nýtt af því að ég deildi því. Þessvegna vil ég endilega að sem flestir „fylgi“ Twitter síðunni svo að við getum náð til sem flestra.

Fylgst með öllum heimshornum og deilt á Twitter – Eysteinn Guðni segir frá IFS news

Hrafnkell Stefánsson er, auk þess að gegna stöðu deildarforseta Handrita/Leikstjórnar , störfum hlaðinn við verkefni utan Kvikmyndaskóla Íslands.  Hann vann að gerð handrita Borgríkismyndanna og nú hefur hann hafið vinnu að nýrri mynd. Hefur verkefnið hlotið heitið East by Eleven.

Verkið sem er í vinnslu er spennuvísindaskáldsaga, Science Fiction Thriller, úr nærliggjandi framtíð. Í þessum heimi er kerfi stjórnað af samtökum sem nefnast UNCC, en þetta kerfi getur endurbyggt minningar í raunveruleikanum og það gerir rannsóknarmönnum kleift að stíga inn í þær.

Hrafnkell segir að um sé að ræða  samvinnuverkefni  Poppoli teymisins; Olafs de Fleur, leikstjóra, Kristínar Andreu Þórðardóttur, framleiðanda og hans sjálfs ásamt fleirum úr Poppoli hópnum.

Ég hef átt mjög gott samstarf með Óla leikstjóra, og Kristínu, framleiðanda Poppoli.  Við erum ásamt fleirum teymi eða á margan hátt eins og lítil fjölskylda.  Ég hef starfað með þeim að helstu verkefnum Poppoli undanfarin ár. Þar á meðal eru myndirnar Kurteist Fólk (2011), Borgríki (2011) og Blóð Hraustra Manna (2014) ásamt fjölda annara verkefna. Sem hluti af Poppoli teyminu, mun ég starfa með þeim áfram um komandi ár.

Vinnan að fjármögnun East by Eleven hefur farið vel af stað því Nordic Genre Boost hefur þegar veitt verkefninu veglegan styrk. En það eru fleiri verkefni framundan hjá Hrafnkeli.

Það er ýmislegt í vinnslu og á mörgun stigum eins og gengur og gerist í ferli handritshöfundar. Maður er ávallt með verkefni á teikniborðinu á hinum ýmsu stigum þó fæst þeirra komist af fyrstu stigum vinnslu.  En það eru alltaf þessi eitt til tvö sem fara lengra og best er að hafa mörg járn í eldinum.  East by Eleven er hinsvegar eina verkefnið sem enn er hægt að ræða  opinberlega.

Næsta verkefni Hrafnkels Stefánssonar, deildarforseta Handrita/Leikstjórnar, komið á flug

Nemendur á fyrstu önn Leikstjórnar og Framleiðslu luku kúrs í handritsgerð með Kolbrúnu Björnsdóttur og fóru tökur á auglýsingum í samnefndu námskeiði undir leiðsögn Baldvins Albertssonar.
Nemendur á 2.önn sátu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl og eyddu vikunni í tökum. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate).  Nemendur á 4.önn voru við undirbúning á útskriftarverkefni sínu á meðan aðrir hófu tökur. 

Nemendur á 1.önn luku námskeið í hljóðvinnslu með fagstjóra hljóðs, Kjartani Kjartanssyni (101 Reykjavík) og hófu námskeið í kvikmyndatöku undir leiðsögn Björns Ófeigssonar (Latibær).
Nemendur á 2.önn sátu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl og eyddu vikunni í tökum. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate).
Nemendur á 3.önn sátu námskeið í klippingu með Davíð Alexander Corno (Kona fer í stríð) og Evu Lind Höskulsdóttur (Frost, Hæ Gosi), þar sem þau klippa hver sína heimildarmynd sem þau skutu í áfanga fyrr á önninni. Nemendur á 4.önn voru við undirbúning á útskriftarverkefni sínu á meðan aðrir hófu tökur.    

Nemendur á 2.önn sátu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl og eyddu vikunni í tökum. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate).
Nemendur á 4.önn hófu SAM viku – þar sem þeim gefst tækifæri að vinna með öðrum nemendum að verkefnum sínum. 

Nemendur á 1.önn sátu námskeið í leiktækni með Rúnari Guðbrandssyni (Svartur á Leik),  leik og hreyfingu með Guðmundi Elíasi Knudsen og luku námskeið í námskeiði í raddtækni með Þóreyju Sigþórsdóttur (Agnes) með fyrstu kynningunni sinni. Nemendur á 2.önn sátu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl og eyddu vikunni í tökum. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate).
Nemendur 3.annar sátu kúrs í leiktækni undir leiðsögn Hannes Óla Ágústssonar (Málmhaus) og leiklistarsögu með Rúnari Guðbrandssyni. 
Nemendur á 4.önn luku námskeiði í gerð dansmyndbands undir leiðsögn Kolbrúnar Önnu Björnsdóttur (Svartir Englar) og Rut Hermannsdóttur og námskeiði í gerð “showreels” og æfingum í að fara í áheyrnarprufur. 


 Skólavikan endaði svo að venju með öllum ne,endum í kvikmyndasögu í Bíó Paradís.

Útskriftarverk í fullum gangi og dansað í gegnum vikuna

Sigurvegarar í Facebook-leik Kvikmyndaskóla Íslands ,,Hvar áttu heima í kvikmyndagerð’’ hafa verið tilkynntir en þeir voru Engelhart Svendsen og Halldóra Hlíf Hjaltadóttir.
Þátttaka í leiknum fór fram úr öllum vonum en 2.200 höfðu áhuga á að vita hvar hæfileikar þeirra gætu helst nýst.

Við sendum Engelhart og Halldóru Hlíf hamingjuóskir en þau hljóta hvor um sig tvo miða á nýjustu mynd Quentin Tarantino, The Hateful Eight. Miðar á sýninguna verða afhentir á skrifstofu skólans í næstu viku.

Sigurvegarar í Facebook-leiknum “Hvar áttu heima í kvikmyndagerð” tilkynntir

Hlín Jóhannesdóttir, deildarforseti – Leikstjórn/Framleiðsla í Kvikmyndaskóla Íslands er á leið til Toronto á næstu dögum en þar hefst Toronto International Film Festival, TIFF, á morgun.
Við fengum Hlín til að segja okkur aðeins frá tildrögum ferðarinnar.

Mér var boðin þátttaka á framleiðsluvinnustofu (producers lab) hjá European Film Promotion sem þjónar því hlutverki að kynna og markaðsetja evrópska kvikmyndagerð á alþjóðavettvangi. Ég komst þarna inn ásamt 9 öðrum evrópskum framleiðendum og 10 kanadískum en markmiðið er að finna flöt á samstarfi í kvikmyndagerð milli Evrópu og Kanada. Þarna mun ég kynna kvikmyndaverkefni sem Vintage Pictures er að vinna með Ásu Helgu Hjörleifsdóttur sem heitir Only Castles Burning og vonandi finna væntanlega meðframleiðendur og samstarfsaðila.

Hlín hefur áður komið við sögu hjá TIFF
Árið 2013 kom ég þangað með myndina This is Sanlitun eftir Róbert Inga Douglas og það var frábær upplifun, hátíðin er umfangsmikil en vel skipulögð og flott í alla staði.

Samhliða kennslustörfunum er nóg að gera hjá Hlín.

Helst ber að nefna kvikmyndina Svaninn sem Ása Helga hefur einnig skrifað og mun leikstýra, en hún fer í tökur næsta sumar og Vintage Pictures framleiðir. Þá eru tvær kvikmyndir í fullri lengd í eftirvinnslu hjá fyrirtækinu og svo á starfið í Kvikmyndaskólanum einnig hug minn og hjarta.

Hlín Jóhannesdóttir á leið til Toronto

Kvikmyndin Albatross sem frumsýnd var fyrr í sumar hefur vakið mikla athygli og hlotið jákvæð viðbrögð gagnrýnenda. Snævar Sölvi Sölvason er útskrifaður nemandi úr Handrita- og leikstjórnardeild Kvikmyndaskóla Íslands en óhætt er að segja að hann sé maðurinn á bak við Albatross.

„Ég þurfti að komast í umhverfi þar sem ég gæti eytt tíma með skapandi fólki með brjálaðan áhuga á kvikmyndum.“ segir Snævar en hann segist þegar hafa verið með nokkrar hugmyndir af bíómyndum í skúffunni þegar námið hófst.

„En í ljósi þess að maður gerir ekki neitt einn í þessari listgrein lá beinast við að sækja sér tengslanet í kvikmyndanámi og varð KVÍ fyrir valinu þar sem ég hafði heyrt góða hluti.“
Snævar segir að það sem hafi gagnast sér mest var stöðug  gagnrýni á hugmyndir og þau handrit sem hann var að vinna í hverju sinni, bæði frá kennurum og samnemendum.

„Smátt og smátt náði maður betur tökum á forminu og það sparar manni óneitanlega tíma og gerir mann almennt að betri kvikmyndagerðarmanni.“

Í huganum segist Snævar löngu hafa verið orðinn kvikmyndagerðarmaður áður en námið hófst.

„En á meðan maður er ekki búinn að gera neitt þá er maður það ekki. Í stað þess að fá mér enn eitt skiptið sumarvinnu síðasta sumar ákvað ég því að gera frekar bíómynd. Ég vissi að ef ég ætlaði að gera myndina vel, þyrfti ég að einskorða mig við einfalda umgjörð enda peningar af skornum skammti fyrir unga og reynslulitla kvikmyndagerðamenn.“

Heimabær hins unga og stórhuga kvikmyndagerðarmanns, Bolungarvík, varð því strax fyrir valinu sem sögusvið.

„Þar vissi ég að ég gæti fengið „location“, mat og gistingu fyrir slikk. Mér var líka kunnugt að auðveldara er að láta ódýra mynd „lúkka“ vel ef hún gerist utandyra og sérstaklega ef náttúran er falleg. Fyrr en varði var ég byrjaður að skrifa sögu um golfvallarstarfsmenn í Bolungarvík sem þrá að elta drauma sína.“

Snævar er ekki í nokkrum vafa að útskriftarnemendur úr KVÍ standi saman og segir að sambandið milli nemenda að námi loknu sé gott.

„Minn árgangur er allavega mjög samheldinn og leitum við til hvors annars óspart. Það á eftir að sjást margt meira frá árgangnum sem hóf nám haustið 2012.“

Næsta verkefni Snævars er þegar komið í vinnslu.

„Sagan fékk styrk hjá Kvikmyndasjóð Íslands og er ég að leggja lokahönd á handritið. Svo byrjar boltinn að rúlla almennilega eftir það.“

Nemendur í leikstjórn og framleiðslu og í skapandi tækni við Kvikmyndaskóla Íslands eru nú byrjaðir í tökum á þremur “pilot” verkefnum sem að þessu sinni eru unnin í samstarfi með RÚV en um er að ræða tilraunasamstarf fyrir Krakkarúv.

Handritadeild skólans skrifaði þrjú handrit að stuttum fjölskylduvænum sjónvarpsþáttum og hvert handrit sem ætlað er sem eftirlíking að upphafi  þáttaraðar og þjóni verkefnið því að endurspegla gerð “pilot-þáttar”. Nemendur eiga veg og vanda að handritsgerð, framleiðslu, leikstjórn og tæknivinnu undir leiðsögn fagfólks. Þannig féll það í hlut Hrafnkells Stefánssonar að aðstoðaða við handritsgerð, Róbert Douglas, Vera Sölvadóttir og Þorsteinn Gunnar Bjarnason leiðbeina leikstjórum, Birgitta Björnsdóttir og Arnar Benjamín Kristjánsson eru framleiðslukennararnir og Ásta Ríkharðsdóttir (leikmynd), Jonathan Devaney (kvikmyndataka) og Gunnar Árnason (hljóðupptökur) eru tækninemum til halds og trausts.

Á Facebooksíðu má finna myndalbúm með fleiri myndum frá tökunum undir “Pilot 2016”.

Vinna að „Pilot“ verkefnum nemenda hafin

Í vikunni voru tilkynntar tilnefningar til Eddunnar og vakti það mikla athygli að venju.

Það gladdi starfsfólk Kvikmyndaskólans að sjá þann fjölda verkefna sem nemendur skólans hafa átt þátt í að skapa meðal útnefndra og sendir skólinn þeim sínar innilegustu hamingjuóskir sem og öðru útnefndu kvikmyndargerðarfólki til Eddunnar í ár.

Við höfum reynt eftir fremsta megni að taka saman þennan föngulega hóp en listinn er áræðanlega langt frá því að vera tæmandi.

Fjöldi útskrifaðra nemenda í verkefnum tilnefndum til Eddunnar

Birgitta Björnsdóttir á Cannes Film Festival

Nemendur Kvikmyndaskóla Íslands nutu góð af heimsókn David Marconi til Íslands síðasta mánudag þegar hann heimsótti skólann.

Handritshöfundurinn David Marconi er mikill reynslubolti og er öllum hnútum kunnugur í kvikmyndagerð í Hollywood. Hann skrifaði m.a. handrit kvikmyndarinnar Enemy of the State en hann hélt á mánudagskvöld  Q&A fyrir nemendur skólans.

Marconi mun hafa komið til Íslands til að svala forvitni sinni um náttúru landsins en hann var mjög  áhugasamur um að fá að koma hitta nemendur og miðla reynslu sinni. Meðal annars ræddi hann um mynd sína Enemy of the State og á hvaða hátt sú mynd rímar ískyggilega við uppljóstranir Edward Snowden nú á tímum.

Á myndinni má snjá Hilmar Oddson, rektor KVÍ og Hrafnkel Stefánsson, deildarforseta Handrita/Leikstjórn ásamt handritshöfundinum nafntogaða.

Handritshöfundurinn þekkti, David Marconi heimsækir Kvikmyndaskóla Íslands

Frostbiter, Icelandic Horror Film Festival var haldin á Akranesi á dögunum og í flokki íslenskra stuttmynda hlaut Sesselía Ólafs fyrstu verðlaun fyrir mynd sína “Umskipti”. Myndin er framleidd af Önnu Sæunn Ólafsdóttur, sem útskrifuð er frá Kvikmyndaskólanum. Við náðum tali af Sesselíu og fegnum að forvitnast eilítið

“Umskipti” eftir Sesselíu Ólafs og Peter Callow

Þegar þrjár vinkonur fara í bústað á þrettándanum, gerast atburðir sem engan hefði órað fyrir þegar dularfullar verur úr íslenskum þjóðsögum blanda sér í leikinn, með afleiðingum sem eiga eftir að setja mark sitt á líf vinkvennanna.

Hvaða mynd fangaði þig fyrst í minningunni ?

Ég held að það hafi verið Fríða og dýrið, teiknimyndin. Ég sá hana í bíói þegar ég var 5 ára og ég var svo glöð að sjá brúneygða kvenhetju! En það sem hafði samt mest áhrif á mig var þegar dýrið dó, ég var óhuggandi. Þetta ár hafði ég misst uppáhaldsfrænda minn og ég held að þetta atriði hafi leyst úr læðingi allan þann sársauka. Umbreytingin í prins fór ekki vel í mig og ég vildi frá hlýja og góða dýrið aftur.

Það að kvikmyndir eru frábær miðill fyrir sögur! Ég hef alltaf elskað alls konar frásagnarlist, hvort sem miðillinn er bækur, ljóð, lög, málverk eða leiklist, því það er hægt að finna eitthvað forvitnilegt í þeirri sögu sem hvert verk segir. Kvikmyndir eru að mínu mati einn aðgengilegasti miðillinn fyrir frásagnarlist og oft hefur mér fundist vanta fjölbreytni í þær sögur sem verið er að segja. Bæði hvað viðfangsefni og sjónarhorn varðar. Mig langar kannski pínu að leggja mitt af mörkum til að bæta það.

Hvaðan kemur hugmyndin að myndinni þinni, “Umskipti” ?

Mig hefur alltaf langað til þess að sjá þjóðsagnaarfinn okkar notaðan meira í kvikmyndagerð og hef velt því fyrir mér hver sé besta nálgunin á það. Fyrir nokkrum árum fór ég í bústað með tveimur vinkonum og það rann upp fyrir mér að þessi fortíðarógn sem álfar eru á mjög vel heima í heimi hryllingsmynda, enda margar þjóðsögur hryllingssögur í grunninn.

Tökur gengu ótrúlega vel, enda hæfileikafólk hvert sem litið var. Það er alltaf frábært að vinna með Pete, meðleikstjóra mínum. Hann er svo jákvæður og einbeittur og elskar það sem hann gerir og það smitar út frá sér. Leikkonurnar; Ásta, Bergdís, Karen og Sandra voru líka allar stórkostlegar og það var frábært að sjá hvað þær smellpössuðu allar í sín hlutverk og líka saman sem hópur. Það var líka frábær stemning og samheldni hjá öllum á setti og það var ómetanlegt, sérstaklega þegar það var skítakuldi og dagurinn var langur. Það eina sem leit út fyrir að ætla að verða vandamál var að það fór að moksnjóa síðasta kvöldið og umhverfið gerbreyttist, en það kom ekki að sök þar sem við vorum búin að ná flestum útiskotunum. Reyndar varð það til þess að eitt álfaskotanna í myndinni varð enn dulúðugra en áformað var.

Hvað er það sem heillar við hrylling?

Það er góð spurning. Flestir taka tímabil þar sem þeir hámhorfa á hryllingsmyndir og ég man vel eftir því tímabili. Það er eitthvað við það hvernig hryllingur teygir ímyndunaraflið í allar áttir, spilar á djúpstæðar tilfinningar og ýtir á þau mörk sem maður hefur. Ég held að maður sé heillaður af því að kanna sín eigin viðbrögð og sinn eigin ótta við hluti eða aðstæður sem maður þarf vonandi aldrei að standa frammi fyrir. Minnir mann kannski líka á hvað maður er heppinn og hefur það gott.

Sesselía Ólafs, sigurvegari Frostbiter 2018

Nemendur á fyrstu önn skólans í öllum deildum (Leikstjórn/Framleiðsla, Skapandi Tækni, Handrit/Leikstjórn, Leiklist) fóru í SAM, eða svokallað samstarfsviku þar sem þau vinna fyrir aðra nemendur við tökur og undirbúning á sínum stuttmynd. 

Nemendur á þriðju önn Leikstjórnar/Framleiðslu luku leikstjórnarnámskeiði undir stjórn Gunnar B Gunnarsson (Gauragangur, Astropia)  -þar sem þau æfðu sig í nálgun leikstjóra á senum með áherslu á samspil leiks og myndavélar og hófu svo tökutímabilið sitt þar sem hvert og eitt tekur upp sína stuttmynd með Gunnari B. sér til aðstoðar.

Nemendur á annari önn Skapandi Tækni áttu einnig samstarfsviku, eða svokallaða SAM viku. Nemendur á þriðju önn luku við klippingu á heimildarmyndum sínum sem þau munu frumsýna í lok annar. Með þeim var fagstjóri klippingar, Davíð Alexander Corno (Undir Halastjórnu, Kona fer í stríð).

Þriðja önn Handrits/Leikstjórnar luku leikstjórnar námskeiði ásamt Leikstjórn/Framleiðslu og hófu töku tímabil þar sem hvert þeirra framleiðir sína eigin stuttmynd.

Nemendur á annari önn Leiklistar hófu vinnu á leikriti sem þau frumsýna í lok annarinnar, leikstýrt af Rúnari Guðbrandssyni (Svartur á leik, XL). Þriðja önn sat svo kúrs í Leik og Rödd með Þórunni Ernu Clausen (Lói) þar sem þau hófu vinnu að söngleik sem þau munu skrifa og setja á svið í lok annar, ásamt því að sitja kúrs í leik fyrir framan myndavél, þar sem þau undirbjuggu senur sem voru svo leikstýrðar af atvinnuleikstjórum.

Kínema, nemendafélag Kvikmyndaskóla Íslands, bauð upp á á þriðjudeginum að vanda ásamt Kareoke kvöldi og lauk svo vikunni með bjórkvöldi á föstudeginum.

Tökur á útskriftarmyndum luku í vikunni og tökur á þriðju annar stuttmyndum hófust

Óli Hjörtur er með heimildarmynd í vinnslu

Welcome to WordPress. This is your first post. Edit or delete it, then start blogging!

Í tilefni af 25 ára afmælisári Kvikmyndaskóla Íslands munum við á næstunni sýna 25 valin verk útskrifaðra nemenda síðustu ára. Nú sýnum við stuttmyndina Aurar frá vorönn 2012.

Stuttmyndin Aurar, var útskriftarverkefni Emils Arnar Morávek sem útskrifaðis frá Handrita og Leiktjórnardeild KVÍ vorið 2012.

Í samtali við Emil Örn, leikstjóra og handritshöfund, segir hann:

Þegar ég hóf nám í Kvikmyndaskóla Íslands haustið 2010 var ég með fremur óljósa hugmynd um hvað ég vildi fá útúr þeirri þekkingu sem skólinn kynni að gefa mér.Ég hafði áhuga á kvikmyndagerð, framleiðslu, listrænu starfi með fólki sem og þróun sagna gerðar.Ég ákvað því að taka náminu með opnum hug og stunda það af krafti.Skólinn gaf mér góða og víðtæka þekkingu á formi kvikmyndagerðar, bæði við handritsskrif, framleiðslu og skýrari mynd af því hvað ég fílaði við kvikmyndagerð og hvað ekki.

Þarna kynntist ég líka fullt af fólki sem var á sömu bylgjulengd og ég í lífinu og eignaðist ég marga góða vini sem ég er enn í góðu sambandi við í dag.  Einnig voru margir einstaklingar sem komu að kennslu við skólann og komu manni í starfsþjálfun við skemmtileg verkefni í bransanum, þetta varð til þess að eftir námið fór ég meira að vinna við iðngreinina kvikmyndagerð frekar en listgreinina og hef ég fundið mig þokkalega þar.

Ég hef meðal annars fengið að taka þátt við þjónustu á stórum og merkilegum Hollywood verkefnum, heimsfrægum sjónvarpsþáttum, íslenskum kvikmyndum, auglýsingum og tónlistarmyndböndum. Í þessum verkefnum hef ég bæði starfað við aðstoð á framleiðslu og á tökustöðum, tökustaðastjórnun og aðstoðaleikstjórn.Einnig hef ég tekið að mér að kennslu á menntaskólastigi við kvikmyndagerð og staðið fyrir námskeiðum fyrir krakka á svipuðum aldri.Þó ég búi enn yfir þeim draumum að koma af stað eigin verkefni þá kann ég mjög vel við mig að starfa í þessari iðngrein og mun ábyggilega gera það áfram. Á meðan safna ég hugmyndum á tölvutækt form.

Og hér er stuttmyndin “Aurar”, njótið vel

Endilega verið velkomin að njóta með okkur !

Útskriftarvika Kvikmyndaskólans er hafin

Kvikmyndaskóli Íslands fagnar 25. starfsári sínu nú í september. Ætlunin er að minnast tímamótana með ýmsum hætti og er margt spennandi í undirbúningi, en dagskráin verður kynnt síðar í mánuðinum, Til að byrja með munum við hefja sýningar úr risavöxnu kvikmyndasafni skólans, sem telur hátt í 2000 myndir. Starfsmenn skólans hafa valið 25 myndir til sýninga á samfélagsmiðlum skólans fram í október og hefjast sýningar nú um helgina.

Niðurstöður leitar