Vonandi fannstu það sem þú varst að leita að

Við tókum viðtöl við útskriftarnemendur okkar um útskriftarmyndir þeirra og leyfum ykkur með ánægju að njóta með okkur.

Hér er talað við Ingu Óskarsdóttur, útskrifaða frá Handrit og Leikstjórn,  um mynd hennar “Mamma veit verst”, en leiðbeinandi hennar var Hilmar Oddson.

Viðtal við Ingu Óskarsdóttur um “Mamma veit verst”

Vorönn Kvikmyndaskóla Íslands var formlega sett í vikunni af Hrafnkeli Stefánssyni námsstjóra, þar sem nemendur og starfsfók var boðið aftur til starfa. Eftir skólasetninguna hittu nemendur fagstjóra sinna brauta og eftir það hófu nám. Á fyrstu önn hófu 21 nýnemar nám við skólann. Þau hófu námið á fyrirlestri um vinnusiðferði fráleikstjóra (Kaldaljós, Tár úr Steini) og fóru svo í fyrsta áfangann sinn, TÆK 107, þar sem þau munu læra grunnatriði kvikmyndargerðar og framleiða mínútu stuttmynd. 

Nemendur á 2.önn Leikstjórnar og Framleiðslu hófu önnina á áfanga í dagskrárgerð fyrir sjónvarp ásamt 3.önn Leiklistar undir leiðsögn, ásamt því að fara í listasögu með Lee Lorenzo Lynch. Nemendur á 4.önn hófu námskeið í heimildarmyndagerð með Helgu Rakel Rafnsdóttur (Keep Frozen, Salome) og handritsnámskeið undir leiðsögn Huldars Breiðfjörðs (Pabbahelgar, Undir Trénu) ásamt 4.önn Handrita og Leikstjórnar, þar sem þau vinna að handriti útskriftarverkefnis síns.

Nemendur á 2.önn Skapandi Tækni, hófu námskeið í kvikmyndatöku undir leiðsögn Björns Ófeigssonar (Gnarr, Latibær) þar sem þeir munu kvikmynda stuttmynd án orða. Nemendur 3.annar fóru á námskeið í handritsgerð með Hrafnkeli Stefánssyni (Kurteist Fólk, Borgríki) og námskeið í myndbreytingu með nýjum fagstjóra myndbreytinga Sigurgeiri Arinbjörnssyni (Stella Blomkvist, Star Trek: Discovery). Nemendur 4.annar fóru á framleiðslu námskeið með 4.önn Handrita og Leikstjórnar undir leiðsögn Arnars Benjamíns (A Reykjavik Porno, Þorsti) og hófu svo undirbúning að lokaverkefni sínu með leiðbeinanda sínum, Ólafi De Fleur (Borgríki, Malevolent).

Nemendur á 2.önn Handrita og Leikstjórnar hófu námskeið í handrits skrifum fyrir sjónvarpsþætti, þar sem þau munu skrifa “pilot” að sínum eigin þætti undir leiðsögn Daggar Mósesdóttur (Höfundur Óþekktur, Me & Bobby Fischer) ásamt því að fara í listasögu með Lee Lorenzo Lynch. Nemendur á 4.önn sátu námskeið í framleiðslu undir leiðsögn Arnars Benjamíns (A Reykjavik Porno, Þorsti)  og sátu námskeið í endurskrifum á handriti í fullri lengd með Hrafnkeli Stefánssyni (Kurteist Fólk, Borgríki).

Nemendur á 2.önn Leiklistar hófu önnina á leiktækni með Rúnari Guðbrandssyni (Svartur á Leik) og námskeið ísviðs bardaga tækni með 3.önn Leiklistar undir leiðsögn Örnu Magneu Danks (Ófærð, Stella Blomkvist). Nemendur á 3.önn fóru ásamt því á námskeið í dagskrárgerð fyrir sjónvarp með nemendum 2.annar í Leikstjórn og Framleiðslu undir leiðsögn Baldvins Albertssonar. Nemendur 4.annar hófu námskeið í handritsgerð með Kolbrún Önnu Björnsdóttur (Svartir Englar) og upprifjunar námskeið í raddvinnu með Þóreyju Sigþórsdóttur (Agnes, Kaldaljós).

Mikill hugur er í nemendafélagi skólans og hefst starfsemi hennar í næstu viku. 

Undirbúningur komandi annar er í fullum gangi, en skólinn verður settur 22. ágúst næstkomandi. Við skólann starfa 11 fagstjórar sem hafa umsjón með sérlínum innan deildanna.  Hlutverk þeirra er samhæfing námskeiða, kennaraval, gæðamat og námsþróun auk kennslu á völdum námskeiðum.  

Í deild 1 Leikstjórn/Framleiðsla eru Hlín Jóhannesdóttir yfir framleiðslulínu og Hilmar Oddsson yfir leikstjórnarlínu.

Í deild 2 Skapandi tækni eru Tómas Örn Tómasson yfir kvikmyndatöku, Kjartan Kjartansson hljóði, Davíð Alexander Corno yfir klippingu og Kristján U. Kristjánsson myndbreytingu.

Í deild 3 Handrit/Leikstjórn eru Gunnar Björn Guðmundsson yfir bíómyndahandritagerð, Otto Geir Borg yfir ýmsum tegunum handrita og Hilmar Oddsson á leikstjórnarlínu.

Í deild 4 Leiklist er Rúnar Guðbrandsson yfir leiklistarlínu, Þórey Sigþórsdóttir yfir Leik og rödd, og Kolbrún Anna Björnsdóttir Leik og hreyfingu.

Á hverri önn eru kennd um 120 námskeið, þar af eru um 40 sem eru verkleg framleiðsla á kvikmyndum eða leiksýningum enda er Kvikmyndaskóli Íslands eitt afkastamesta framleiðsluhús landsins. Þetta kallar á góða samhæfingu og skipulag, auk þess sem stöðugt er reynt að þróa og bæta. 

Í gær var sameiginlegur fundur fagstjóra, þar sem farið var yfir námskrárbreytingar og ýmsar samhæfingar. Sjá má Böðvar Bjarka Pétursson stjórnarformann skólans ræða við hópinn, en hann kynnti m.a að í sumar var skrifað undir nýjan 5 ára samningi skólans við stjórnvöld.

Góð stemming er í stjórnendahópnum spenningur fyrir komandi önn.

Haustönn Kvikmyndaskólans er að hefjast

Elvar Gunnarsson útskrifaðist árið 2005 úr almennri braut Kvikmyndaskóla Íslands en þá voru enn ekki núverandi deildaskiptingar komnar til skjalanna. Á meðan hann stundaði enn  nám nám við skólann hóf hann samhliða störf við gerð tónlistarmyndabanda og auglýsinga.

Síðan gerði ég tvö útskriftarverkefni, annað þeirra vann til verðlauna á Eddunni árið 2005 en hitt verkefnið tók þátt í ýmsum hátíðum en ber þar helst að nefna Clairmont Ferrand.

Það má e.t.v. segja að við þetta hafi stefnan verið mörkuð í ferli Elvars en hann kenndi einnig nokkur ár við skólann. Hann hóf síðar gerð kvikmyndar í fullri lengd sem enn hefur ekki komið út en Elvar segir útgáfu hennar bíða betri tíma. Hann hefur sannarlega ekki setið aðgerðalaus síðustu ár síðan hann lauk gerð hinnar óúgefnu kvikmyndar.

Ég byrjaði aftur að gera tónlistarmyndbönd og auglýsingar árið 2013. Árið 2014 gerði ég svo Eurovision-myndband Pöllapönks við lagið No Prejudice og hjálpaði það mér að fá verkefni að utan. Síðan þá hef ég fengist við ýmis verkefni sem leikstjæori og tökumaður en mest megnis fengist við erlend tónlistarmyndbönd. Ég hóf vinnu að myndinni Mara í fyrra og kem til með að klára hana á þessu ári. Myndin er að mestu enskumælandi, hrollvekja í anda 8. áratugarins. Ég er meðeigandi og annar rekstraraðila framleiðslufyrirtækisins 23 Frames.

Elvar gerði nýlega myndband við lag bandaríska tónlistarmannsins Zebra Katz, Blk Diamond og  hefur það  fengið tilnefningu til bæði Berlin music video awards og Nordic music video awards.  Elvar segir námið í Kvikmyndaskólanum hafa nýst sér vel í verkefnum síðustu ára.

Raunar má segja það um alla þá reynslu sem hlotnaðist við dvöl mína við skólann, bæði sem nemandi og kennari. Kvikmyndagerð er náið samstarf og byggist á samskiptum, samskiptum sem leiða sýn þína að lokaniðurstöðu. Áður en ég hóf nám við skólann hafði ég séð mest megnis um vinnslu minna tilrauna sjálfur en þegar ég gekk í skólann kynntist ég fyrst þessu grundvallarlögmáli kvikmyndagerðar og það að stoð verkefnis þíns er ekki hugmyndin heldur það að allir leggist á eitt til að ná sama markmiði.

Ekki telur Elvar vera mikinn mun á að starfa fyrir erlenda aðila og innlenda þegar kemur að gerð tónlistarmydbanda.

Tengslin verða öðruvísi og minna persónuleg. Þar af leiðandi er minna um vinasambönd og erfiðara að skapa sér tenglsanet. Að vinna fyrir útlönd hefur hentað mér vel enda mikið um tækifæri þar ef borið er saman við þá  fáu brauðmola sem margist bítast um hér heima. Draumurinn er hins vegar að geta starfað meira hér innanlands.

Elvar bætir við að verkefnin sem 23 Frames hefur  gert fyrir erlenda aðila hafi aðallega verið tekin upp hér á landi.

Við kjósum frekar að gera það þannig vegna þess að við höfum góð tengsl við bransann hér heima og auðveldar það vinnu okkar mikið. Tónlistarmyndbandagerð hefur heillað mig vegna einfaldleika formsins. Það er laust við höft. Tónlistarmyndband getur verið allt og ekkert. Reyndar tel ég að kynningarefni muni líklega færast þangað á næstu árum.

Vinnan að kvikmyndinni Möru tekur mikið pláss í framtíðarplönum hjá þeim félögum í 23 Frames en myndbandagerðin mun líklegast einnig halda sínum hlut í náinni framtíð.

Við hjá 23 Frames erum alltaf eitthvað að bardúsa. Fyrir utan Möru erum við að gera einhver minni verkefni. Nú á næstu dögum kemur reyndar út tímafrekasta myndband fyritækisins frá upphafi en það er reyndar fyrir innlenda hljómsveit; Major Pink. Það er myndaband er að mestu tekið upp á gamlan Epson skanna.

Tvær mikilvægar tilnefningar til Elvars Gunnarssonar og félaga í 23 Frames

Í dag, föstudaginn 11. desember verða eftirfarandi myndir nemenda til sýninga í Bíó Paradís. Aðgangur er ókeypis og opinn öllum þeim sem hafa áhuga á kvikmyndum.

Kl. 13:00 KVM 204 / KLM 204 -Myndir án orða – 2 önn
Kl. 13:30 KVM 304 / KLM 304 –Heimildarmyndir 3 önn

Knútur Haukstein Ólafsson sem útskrifaðist úr leiklistardeild Kvikmyndaskóla Íslands í desember í fyrra hefur rekið framleiðslufyrirtækið Flying Bus Productions en nýlega komust þeir félagar í fyrirtækinu með verkefni sín á á netkvikmyndahátíð sem ber nafnið “IndieWise Virtual Festival” – IndieWise en það er  vettvangur sem gefur kvikmyndagerðarmönnum tækifæri á að fá feedback og gagnrýni frá notendum á netinu.

Um er að ræða stuttmyndina ),  gamanmynd á ítölsku og tónlistarmyndbandið “Sunnvestan Stormur” (Southwest Storm) en verkefnin eru eftir þá sjálfa Flying Bus Productions.

Hátíðin virkar þannig að ef myndband fær fleiri en 5 tilnefningar í einum flokki þá á sama myndbandið möguleika á að fá verðlaun fyrir þann flokk. Því myndum við vera mjög þakklátir fyrir hvern þann stuðning sem við gætum fengið frá ykkur.

Hingað til er “L’ascesa di Lorenzo” búið að fá eina tilnefningu fyrir “Most Entertaining” og “Best Director” og Sunnvestan Stormur er búið að fá eina tilnefningu fyrir “Best Music Video” og “Best Special Effects” þannig að ef fólk vill hjálpa okkur við að geta átt möguleika á að hljóta verðlaun þá megið þið endilega gefa okkur atkvæði í þessum flokkum.

Knútur er meðframleiðandi, handritshöfundur og leikstjóri stuttmyndarinnar “L’ascesa di Lorenzo” og  meðframleiðandi og leikstjóri tónlistarmyndbandsins “Sunnvestan Stormur“.

Þetta er í rauninni ekkert annað en bara fínt “boost” fyrir sjálfsöryggi okkar sem kvikmyndagerðarmenn. Það sem skiptir mestu máli fyrir okkur er að geta fengið gagnrýni frá öðrum og hlutlaust sjónarhorn. Það er stærsti kostur hátíðarinnar að mínu mati. Það er gott að fá hlutlausa gagnrýni til að geta vitað hvað má gera betur.

Knútur er sem stendur við nám í Háskóla Íslands í sálfræði og hefur minni tíma til að sinna kvikmyndaverkefnum en áður.

Öll verkefni sem tengjast kvikmyndagerð eru einfaldlega “on hold” á meðan ég sinni því. Það væru í rauninni ekki nema sumarfríin sem gætu nýst í eitthvað tengt kvikmyndagerð í augnablikinu. En öll þau tækifæri sem munu gefast reynir maður að sjálfsögðu að nýta sér til að skapa eitthvað.

Knútur Haukstein og félagar í Flying Bus Productions keppa á netkvikmyndahátíðinni IndieWise

Nemendur skiluðu fyrstu hugmyndavinnu að lokaverkefni sínu, þar sem þau vinna 7 mínútna stuttmynd í litlum 3-4 manna hópum. Leiðbeinendur Sigrún Gylfadóttir (Fangar), Hlín Jóhannesdóttir (Svanurinn, Bokeh), Stefán Loftsson (Brotið ) og Friðrik Þór Friðriksson (Börn Náttúrinnar, Mamma Gógó) fóru yfir hugmyndirnar þeirra og ljóst er að spennandi verkefni eru í bígerð.

Fyrsta önn Leikstjórn / Framleiðslu luku svo tíma í Myndrænni frásögn með ásamt fyrstu önn Handrit/ Leikstjórn og hófu kúrs í handritsgerð með handritshöfundi og leikstjóranum Reyni Lyngdal (Okkar Eigin Osló, Hraunið). Þriðja önn Leikstjórn/Framleiðslu var í fullum undirbúningi fyrir fjölkameruþátt sem fer í tökur undir þeirra stjórn í næstu viku, undir leiðsögn reynda upptökustjóranum Jóni Agli Bergþórssyni ásamt því skrifa handrit að eigin stuttmynd undir leiðsögn Tinnu Hrafnsdóttur (Munda) sem þau munu leikstýra í lok annar.

Nemendur á fyrstu önn Skapandi Tækni sátu kúrs í hljóði með fagstjóra hljóðs Kjartani Kjartanssyni (101 Reykjavík, Englar Alheimsins). Nemendur á annarri önn Skapandi Tækni luku kúrs í klippingu undir leiðsögn Davíðs Alexander Corno (Kona Fer í stríð, Mikhel) þar sem þau klippa meðal annars einstaklingsverkefni sem þau tóku upp í kvikmyndatökunámskeiði. Og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl. Leiðbeinendur með þeim eru Ágústa Margrét Jóhannsdóttir (UseLess) og Linda Stefánsdóttir (The Fifth Estate). Nemendur á þriðju önn sátu námskeið í kvikmyndatöku með Tómasi Erni Tómassyni (Arctic, Latibær) þar sem þeir munu skjóta sína eigin heimildarmynd ásamt því að sjá um tökur á fjölkameruþætti. Einnig luku þeir námskeiði í myndbrellum undir leiðsögn Sigurgeirs Arinbjörnssonar (Everest, Star Trek: Discovery)

Fyrsta önn Handrit/ Leikstjórn luku tíma í Myndrænni frásögn ásamt með Veru Sölvadóttur (Gone) ásamt fyrstu önn Leikstjórn / Framleiðslu og hófu kúrs í grunnreglum handritsgerðar undir leiðsögn fagstjórans Ottó Geirs Borg (Ég man þig, Astrópía). Nemendur á þriðju önn Handrit/Leikstjórn sátu kúrs í aðlögun þar sem þau skrifa handrit að eigin stuttmynd undir leiðsögn Tinnu Hrafnsdóttur (Munda) sem þau munu leikstýra í lok annar ásamt áfanga í handritum í fullri lengd, þar sem þeir skrifa fyrstu drög að handriti fyrir kvikmynd í fullri lengd með Hrafnkeli Stefánssyni (Kurteist Fólk, Borgríki).  Nemendur á 4.önn luku  við skriftir á handritum í fullri lengd með Hrafnkeli Stefánssyni (Kurteist Fólk, Borgríki) og eru að endurskrifa handrit sitt frá síðustu önn ásamt því að vinna að handriti að útskriftarverkefni sínu með handritshöfundnum Huldari Breiðfjörð ( Undir Trénu, París Norðursins) 

Nemendur á fyrstu önn Leiklist sátu námskeið í raddbeitingu með Þóreyju Sigþórsdóttur (Agnes, Kaldaljós), Leiktækni með Rúnari Guðbrandssyni (Svartur á leik, XL) og námskeið í leik & hreyfingu með dansaranum Guðmundi Elíasi Knudsen. Nemendur á annarri önn leiklist luku námskeiði í söng með Þórunni Ernu Clausen (Réttur, Lói) með glæsilegri söngkynningu og leiktækni með Rúnari Guðbrandssyni (Svartur á leik, XL), og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl.

Nemendur á þriðju önn leiklist sátu námskeið í leiktækni og túlkun með Þorsteini Bachmann (Lof mér að falla, Ófærð) og unnu með leiktækni fyrir framan myndavel ásamt því að sitja tíma í leiklistarsögu með Rúnari Guðbrandssyni (Svartur á leik, XL) 

Öllum nemendum var svo boðið á opnun RIFF – Reykjavík International Film Festival, á fimmtudagskvöldinu, á sýningu á myndinni End of Sentence  og opnunarhófið sem því fylgdi.  

Tökudagar fyrir stuttmyndir 3 & 4.annar voru gefnir út og nemendur hafa byrjað að undirbúa sig að leikstýra verkunum sínum. 

Kínema, nemendafélag Kvikmyndaskóla Íslands, kynnti október dagskrá sína og er ýmislegt skemmtilegt á döfinni hjá þeim. Þar verður boðið upp á Handrita vinnustofu alla þriðjudaga þar sem handritsnemendur bjóða nemendum ráðgjöf í verkefnum annarinnar. Einnig á þriðjudögum verður boðið upp á Karaoke kvöld á Gauknum og tilboð á barnum. Á fimmtudögum verður svo Spilakvöld í matsal skólans þar sem nemendur koma saman og spila borðspil. Svo er margt annað á dagskrá, meðal annars Góðgerðardagur, Vöfflukaffi, Bjórbingó og Happy Hour.

Svo lauk vikunni að vanda í Bíó Paradís að venju þar sem allur skólinn fór saman í Kvikmyndasögu. 

Söng kynning og nemendum boðið á opnun RIFF, meðal annars þessa vikuna

Árið eftir að ég útskrifaðist gerði ég tvær stuttmyndir fyrir útskriftarnemendur á leiklistarbrautinni í Kvikmyndaskóla Íslands og einbeitti mér að því að skrifa eins mikið og ég gat.

segir Guðni Líndal Benediktsson leikstjóri og rithöfundur en hann útskrifaðist úr Kvikmyndaskóla Íslands árið 2012.

Ég reyndi að koma stuttmyndunum mínum á sem flestar hátíðir til að vekja á þeim athygli og það heppnaðist í flestum tilfellum. Cannes, RIFF og Reykjavík Shorts and Docs ber þar helst að nefna, en stuttmyndin mín “No homo” hlaut þar fyrstu verðlaun fyrir “Best Icelandic short”. Eftir það tók ég mér pásu frá leikstjórn og prufaði að vinna á setti á stórum myndum eins og Thor: The Dark World og Hross í oss. Eftir það skrifaði ég mína fyrstu skáldsögu sem hlaut Íslensku barnabókaverðlaunin 2014, Leitin að Blóðey, en framhaldið af henni kemur út í október næstkomandi.

Guðni er á leið til Skotlands í haust þar sem hann hefur MA nám í handritsgerð hjá Screen Academy en þar nældi hann sér í mikilvægan styrk sem aðeins er veittur einum til tveimur nemendum ár hvert, Garrick Scholarship.

Ég fann þetta nám fyrir tilviljun. Kærastan mín er í námi hérna í Edinborg og ég rakst á þetta í gegnum hana. Lýsingin á áföngunum er verulega girnileg og staðsetningin heillar virkilega. Þetta eru þrjár annir, frá september 2015 – september 2016 og ég kem út úr því með mastersgráðu í handritsskrifum.

Guðni segir námið vera dýrt þar sem Ísland er ekki hluti af ESB en hann hafi átt því láni að fagna að fá helminginn af skólagjöldunum, 6000 pund, niðurgreiddan með skólastyrk fyrir erlenda nemendur.

Ég var búinn að kynna mér alla aðra styrki á svæðinu en ég gat ekki sótt um neinn af þeim vegna þjóðernis þannig að ég var búinn að gefa upp alla von og sætta mig við eilífðar ánauð í dýflissum LÍN. En svo fékk ég póst á mánudegi frá skólanum um svokallaðan Garrick scholarship sem ég gæti sótt um, en hann fá einn til tveir nemendur á ári. Ég samdi langt og gott bréf til þeirra, sendi það á miðvikudegi og fékk að vita það á föstudegi að ég hafi fengið hann. Allt hérna sem tengist styrkjum og skriffinsku virðist talsvert skilvirkara og fljótlegra en heima.

Guðni segist ekki geta svarað því hvaða frásagnir freisti hans helst en hann segir að epík hversdagsleikans hafi alltaf heillað sig.

Fæst okkar lifa jafn spennandi lífi og Jason Bourne en það eru þessi litlu móment í lífi okkar sem láta manni samt líða þannig. Að missa glas en grípa það í loftinu. Að renna á svelli en lenda á fótunum í góðu lagi. Að klára próf einni sekúndu áður en tíminn rennur út. Það er eitthvað við fólk sem upplifir sig epískt þótt það sé það ekki í stóra samhenginu. Þetta er frekar ónækvæmt svar en það er á þessari bylgjulengd sem mig langar að prufa mig áfram.

Í vetur ætlar Guðni svo að byggja sér upp vígalegt vopnabúr af handritum sem ætlunin er að dreifa í allar áttir.

Ég vil auðvitað leikstýra minni fyrstu mynd á næstu árum, en ég er líka mjög spenntur fyrir að skrifa handrit og selja þau framleiðslufyrirtækjum. Sömuleiðis hef ég aðeins fiktað við tölvuleikja-handritsskrif og er vægast sagt spenntur fyrir að halda því áfram. Flest tölvuleikjafyrirtæki gera þá kröfu að höfundar séu með MA í handritsskrifum þannig að þetta er alveg kjörið. Svo væri gaman að gera fleiri bækur, það virðist vera að virka ágætlega hingað til.

Kvikmyndaskóli Ísland óskar Guðna góðs gengis í Skotlandi en það er hægt er að fylgjast með honum á heimasíðunni www.gudnilindal.com m.a. horfa á stuttmyndirnar og lesa af honum nýjar fréttir.

Guðni Líndal Benediktsson í MA nám til Skotlands – Hlýtur styrk til námsins

Nú í júní mánuði skrifaði Friðrik Þór Friðriksson rektor, undir viljayfirlýsingu um að Kvikmyndaskóli Íslands stæði fyrir námskeiðum í kvikmyndagerð á Indlandi, með tengingu við námið hér á Íslandi. Aðgerðin er tengd Indverska/Íslenska  viðskiptaráðinu og Dalip Dua sem verið hefur formaður þess og hefur haft forgöngu um málið. Forseti Indlands kemur í heimsókn til Íslands nú í september og þetta verkefni er eitt af þeim sem honum verða kynnt.

Kvikmyndaskóli Íslands hefur undanfarin ár verið að þróa og prófa alþjóðlega deild sem rekin er við hlið íslensku deildarinnar, þar sem kennt er á ensku. Skólinn hefur útskrifað nemendur frá Mexíkó, Bandaríkjunum, Færeyjum, Bretlandi, Indlandi og fleiri löndum. Þannig að nokkur reynsla er komin á starfsemina, en skortur á afgreiðslu viðurkenninga frá stjórnvöldum hér heima hefur staðið í vegi fyrir að hægt hafi verið að fara á fulla ferð í uppbyggingu. Það hefur verið bagalegt, því árlega berst mikill fjöldi umsókna víðsvegar að úr heiminum.  Nú sér hins vegar fyrir endann á þessum viðurkenningarferlum og stefnt er að því að fara á fulla ferð um áramót.

Það er hins vegar ný nálgun að fara með námið til annarra landa, þó það sé auðvitað alþekkt meðal háskóla og sérskóla að setja upp upp útibú erlendis. Á Indlandi er mjög stór kvikmyndaiðnaður, einn sá stærsti í heiminum, með rótgróinni menningu. Kvikmyndaskólinn nálgast því verkefnið af mikilli hógværð. Styrkur Kvikmyndaskólans liggur í hönnun grunnnáms með breiðri sérhæfingalínu sem fellur að margvíslegu framhaldsnámi. Við erum því sannfærð um að við getum náð árangri á erlendri grund, sé undirbúningur réttur.

Þetta er spennandi verkefni og verður gaman að sjá hvernig það þróast.

Eyþór Jóvinsson, útskrifaður frá Handrit og Leikstjórn hjá Kvikmyndaskólanum, hefur vakið mikla athygli að undanförnu. Hann leikstýrði stuttmyndinni „Skuggsjá“ eftir Magnús Ingvar Bjarnason og vann náið með honum að handritinu og hefur myndin þegar hlotið tvenn verðlaun á kvikmyndahátíðum. Við náðum tali af Eyþóri og hann sagði okkur frá fyrstu skrefunum sem drógu hann út í kvikmyndir og ferlinu síðan

Fyrst og fremst var það söguformið. – Ég hef aldrei verið mikill kvikmyndanördi, eins og svo margir, heldur hef ég fyrst og fremst gaman að góðum sögum, og sumar sögur henta í bækur, aðrar sem málverk, ljóð eða brandari í góðum vinahóp. En svo hentar kvikmyndaformið öðrum sögum best. Og þannig var það í mínu tilfelli. Ég heyrði af góðri sögu sem mig langað um leið að setja í myndrænt form og úr varð fyrsta stuttmyndin mín. Þar heillaðist ég af því hve margslungið kvikmyndaformið er og hve frjálsar hendur maður hefur með að koma sögunni til skila á margvíslegan hátt

Stuttmyndin sem Eyþór gerði fyrir útskrift var grunnurinn að stærra verkefni

Útskriftarverkefnið mitt var stuttmynd um hann „Arnbjörn“, sem er ættfræðingur á tíræðisaldri. Stuttmyndin var unnin út frá verkefni að mynd í fullri lengd sem ég er að vinna að um þessar mundir. Og ákvað ég því að nýta útskriftarmyndina sem „proof of concept“ fyrir þá kvikmynd.

Eyþór hefur haft nóg að gera frá útskrift í fjölbreyttum verkefnum og skipuleggur kvikmyndahátíð

Ég hef verið að vinna við hin og þessi verkefni eftir útskrift, jafnt mínum sem annara. – Frá því í vor hef ég verið að vinna í spennuþáttunum „Stella Blómkvist“ sem er nú nýlokið. Núna er ég að skrifa út mína fyrstu mynd, samhliða því að skipuleggja Gamanmyndahátíð Flateyrar sem verður haldin í byrjun september

Næsta kvikmyndaverkefni sem ég hef tekið að mér er varðandi myndina „Lof mér að falla“, sem Baldvin Z leikstýrir og skrifar. Þá er ég einnig á fullu að vinna að minni fyrstu mynd í samstarfi við Grímar framleiðanda, en við áætlum tökur sumarið 2019. – Þess fyrir utan eru nokkur spennandi verkefni og tilboð á borðinu sem ég er að skoða

Þessa stundina er það „Arnbjörn“, en ætli það sé ekki alltaf þannig, að maður er að vinna að sínu draumaverkefni, svo þegar það er frá, þá verður bara til eitthvað nýtt draumaverkefni

Það verður spennandi að fylgjast með Eyþóri á næstu árum og óskum við honum góðs gengis

Eyþór Jóvinsson, handritshöfundur og leikstjóri, er með mörg spennandi verkefni á prjónunum

Kvikmyndin “Fótspor” er framleidd af Fenrir Films í samvinnu við Fígúru, en fyrirtækið á rætur sínar að rekja til skólans.

Kvikmyndin “Fótspor” á mikilli velgengni að fagna um allan heim

Fyrstu annar nemar í skólanum (Leikstjórn/Framleiðsla, Skapandi Tækni, Handrit/Leikstjórn, Leiklist) luku tökum á mínútumynd og hófu að klippa hana undir leiðsögn Ágústu Margréti Jóhannesdóttur (UseLess)


Þriðja önn Leikstjórn/Framleiðslu sat tíma í framleiðslu með Hlín Jóhannesdóttur (Svanurinn, Bokeh) ásamt því að nema undir reynda upptökustjóranum Jóni Agli Bergþórssyni í áfanga um fjölkameruvinnslu og skrifa handrit að eigin stuttmynd undir leiðsögn Tinnu Hrafnsdóttur (Munda) sem þau munu leikstýra í lok annar.

Nemendur á Skapandi Tækni hófu kúrs í klippingu undir leiðsögn Davíðs Alexander Corno (Kona Fer í stríð, Mikhel) þar sem þau klippa meðal annars einstaklingsverkefni sem þau tóku upp í kvikmyndatökunámskeiði.  Einnig sátu þau námskeið í listasögu með Lee Lorenzo Lynch.  Nemendur á þriðju önn Skapandi Tækni luku námskeiði í hljóðvinnslu og hljóðsetningu með Kjartani Kjartanssyni (Svartur á Leik, Sódóma Reykjavík) ásamt því að hefja námskeið í kvikmyndatöku með Tómasi Erni Tómassyni (Arctic, Latibær) þar sem þeir munu skjóta sína eigin heimildarmynd. 

Nemendur á þriðju önn Handrit/Leikstjórn sátu kúrs í aðlögun þar sem þau skrifa handrit að eigin stuttmynd undir leiðsögn Tinnu Hrafnsdóttur (Munda) sem þau munu leikstýra í lok annar. Hófu þeir svo áfanga í handritum, þar sem þeir skrifa fyrstu drög að handriti fyrir kvikmynd í fullri lengd með Hrafnkeli Stefánssyni (Kurteist Fólk, Borgríki). 

Nemendur á 4.önn sátu einnig við skriftir á handritum í fullri lengd með Hrafnkeli Stefánssyni (Kurteist Fólk, Borgríki), að endurskrifa handrit sitt frá síðustu önn ásamt því að vinna að handriti útskriftarverkefnis síns með handritshöfundnum Huldari Breiðfjörð ( Undir Trénu, París Norðursins) 

Nemendur í Leiklist á annarri önn sátu námskeið í söng með Þórunni Ernu Clausen (Réttur, Lói) og námskeið í spuna og gríni með Mána Arnarssyni (Improv Iceland)Nemendur á þriðju önn leiklistar sátu námskeið í leiktækni og túlkun með Þorsteini Bachmann (Lof mér að falla, Ófærð), leiklistarsögu með Rúnari Guðbrandssyni (Svartur á leik, XL) og fóru einnig í trúðsleik. 

Svo lauk vikunni í Bíó Paradís að venju þar sem allur skólinn fór saman í Kvikmyndasögu.

Síðastliðin vika í Kvikmyndaskólanum

Í vikunni sýndi RÚV heimildamyndina “Lifað með sjónskerðingu”. Framleiðandi myndarinnar er Sandra Helgadóttir og sá hún einnig um leikstjórn en hún útskrifaðist úr leiklistardeild Kvikmyndaskóla Íslands í desember síðastliðnum.

“Ég hef verið að einbeita mér að leiklistinni og koma mér á framfæri þar. Það er langt í frá auðvelt að komast inn í bransann en ég vissi það svo sem og bjóst við því.”

Leiklistarnámið hefur þó væntanlega nýst Söndru vel enda bendir vel unnin heimildarmynd hennar til faglegrar þekkingar á kvikmyndagerð þó leiklistin hafi verið hennar aðalfag í skólanum.

“Leiklistarnámið kom sér auðvitað vel hvað varðar það að vinna fyrir framan cameru. Okkur er líka kenndur grunnurinn í kvikmyndagerð svo að ég gat því einnig eftirunnið myndina upp að vissu marki.”

En hvernig kom gerð heimildarmyndar einmitt um þetta verðuga málefni.

“Ég var að klára 3. önnina í skólanum og þurfti að finna mér sumarvinnu. Ég er táknmálstalandi og hef aðeins komið inn fyrir Blindrafélgið sem aðstoðarkona stúlku sem er með samþætta sjón- og heyrnarskerðingu. Ég ákvað að slá til og sækja um sumarvinnu hjá Blindrafélaginu og það má segja að ég hafi fengið hana því þáverandi formaður félagsins hafði samband við mig og spurði hvort ég gæti ekki gert fræðslumynd fyrir félagið sem myndi fræða almenning um blindu og sjónskerðingu en um leið sýna fram á að blinda eða sjónskerðing er ekki endastöð í lífinu.”

Þessa dagana stendur Sandra í samningaviðræðum um gerð heimildar- fræðslumyndar en eins og oft geris eru ljón enn í veginum.

“Eins og þekkt er í ýmsum brönsum á litla Íslandi að þá eru peningar ekki á hverju strái. Ég hef mikinn áhuga á heimildarmyndum en ég stefni samt á að einbeita mér að leiklistinni og koma mér inn í þann bransa. Mig langar að koma mér inn í sviðslistina, þá að leika á sviði, því mér finnst ég eiga heima þar og líður hvergi betur en þar.”

Leiklistarnámið nýtist vel – Sandra Helgadóttir um heimildarmyndina “Lifað með sjónskerðingu”

Anna Sæunn Ólafsdóttir útskrifaðist úr leiklistarbraut Kvikmyndaskóla Íslands árið 2012 af en hún leikstýrir þessa dagana heimildarþáttum um sýrlenska flóttamenn sem nýlega komu til Íslands.  Einnig eru hún handritshöfundur ásamt framleiðanda þáttanna, Árna Gunnarssyni.

 Ég geri ráð fyrir að þáverandi kerfi sé enn við lýði en þrátt fyrir að vera á leiklistarbraut var á hverri önn ákveðin áhersla á kvikmyndagerð þar sem við gerðum okkar eigin myndir og lærðum ákveðin grunnatriði kvikmyndagerðarinnar.

Anna Sæunn segir að þó hún hafi fengist lítillega við  við kvikmyndagerð sem unglingur megi segja að áhuginn hafi kviknað fyrir alvöru í Kvikmyndaskólanum.

Þetta hófst alveg óvart! Það er eitthvað við þetta form og miðlun á sögu og andrúmslofti sem heillar mig alveg sjúklega mikið. Etir útskrift tók ég því rólega því ég eignaðist mitt fyrsta barn stuttu seinna. Í janúar 2014 byrjaði ég í námi í Þjóðfræði við Háskóla Íslands þar sem ég fékk ákveðna útrás fyrir rannsóknarþörfina í mér, en einhvernveginn blundaði alltaf miklu sterkar í mér að gera myndir um verkefnið sem við áttum að gera ritgerðir um.

Næsta vor var Önnu Sæunni boðin vinna við leiknu myndina sem var tekin upp í heimasveit hennar fyrir norðan, Bárðardal.

Það var skemmtileg og frábær reynsla, ekki síst vegna gríðarlegrar velgengni myndarinnar á heimsvísu. Eftir það var ekki aftur snúið en árið á eftir vann ég hjá Evu Sigurðardóttur í Askja Films þar sem ég gekk í gegnum ákveðna eldskírn í kvikmyndagerðinni, en Eva er ótrúlega fær og öflug kvikmyndagerðarkona sem ég hef lært mikið af.

Fyrir Askja Films framleiðslustýrði Anna Sæunn tveimur myndum.  Regnbogapartý, sem var valin besta íslenska stuttmyndin á RIFF 2015 og heimildastuttmyndinni Heiti Potturinn eftir Hörpu Fönn Sigurjónsdóttur.

Einnig vann ég að undirbúningi myndar í fullri lengd, Tryggðarpantur eftir Ásthildi Kjartansdóttur og er meðframleiðandi að stuttmynd í framleiðslu Askja Films sem fer í tökur á þessu ári, Frelsun, eftir Þóru Hilmarsdóttur og Snjólaugu Lúðvíksdóttur. Fyrir það verkefni vann ég í pitch keppni í Cannes á síðasta ári. Í sumar tók ég að mér nokkur verkefni í casting fyrir Iceland Casting, en þ.á.m.var stór Icelandair auglýsing, Velkomin heim sem frumsýnd var á leik Íslands og Hollands í sumar.

Í haust ákvað Anna Sæunn að flytja norður til Akureyrar, nær heimahögunum, með það í huga að byggja upp enn sterkara kvikmyndaumhverfi á Norðurlandi og því ber vel í veiði koma sýrlensku flóttamennina til Akureyrar og þáttagerðin um þá.

Þættirnir hafa hlotið vinnuheitið “Amma” og verða í framleiðslu Árna Gunnarssonar hjá Skotta Film á Sauðárkróki. Einnig er ég að þróa heimildamynd um frjálsíþróttakonuna Hafdísi Sigurðardóttur ásamt Skotta Films og framleiða stuttmynd eftir fyrrum kvikmyndaskólanema, Jasmin Rexhepi, en við erum þegar komin vel á veg með fjármögnun á henna. Svo eru auðvitað milljón hugmyndir í þróun, en ég vinn að stofnun eigin kvikmyndaframleiðslufyrirtækis um þessar mundir og stunda einnig  nám í söng við Tónlistarskóla Akureyrar og kenni leiklist í Leik- og Dansstúdíó Alice.

Ætlunin er að gera tvo 45-50 mínútna þætti til sýningar í sjónvarpi í fræðslutilgangi.

Síðan er planið að klippa heimildamynd með þéttara efni, 60-70 mínútur og meira narratíva sögu þar sem við tökum fyrir ákveðnar sögupersónur í hópi flóttamannanna og aðlögunarferlið hér. Aðalmarkmiðið er að endurspegla ferlið sem þau ganga í gegnum með því að koma hingað, svo fjarri heimslóðunum, og hvernig þeim reiðir af í íslensku samfélagi.

Anna Sæunn segir að einnig verði móttökum samfélagsins gefinn gaumur og inn í frásögnina fléttað upplýsingum um ástandinu almennt í Líbanon, þaðan sem þau koma.

Eins og margir vita er ástandið hroðalegt og veruleikinn sem blasir við svo mörgum verri en við gætum ímyndað okkur. Til að mynda eru í Líbanon milli 4-500.000 börn flóttamanna á grunnskólaaldri. Fleiri börn en telja íbúafjölda Íslands fá ekki skólagöngu og eru tilneydd til að vinna jafnvel frá unga aldri.

Anna Sæunn segir að í þáttunum verði farið vel yfir ýmsar staðreyndir til skýringar á málefnum flóttafólksins en einnig er leitast við að skoða ferlið frá þeirra eigin sjónarhóli.  Því er farin sú leið að sjá viðburðina með augum ömmu sem er í hópi flóttafólksins.

Konur og börn eru okkur sérstaklega hugleikin þegar kemur að flóttamannavandanum þar sem þau fá síður menntun og vinnu. Stúlkur eru sérstaklega í slíkum aðstæðum. Hins vegar tíðkast það í mörgum samfélögum í löndum á Arabíuskaga að elsta manneskjan í fjölskyldunni er sú æðsta, þá amman þegar afans nýtur ekki lengur við. Amman í hópnum hér á Akureyri er líka ákaflega litríkur og skemmtilegur karakter og börnin hennar 9 eru dreifð um mörg lönd, einni dóttur hefur hún ekki heyrt frá í þrjú ár.

Dóttirin er stödd í Raqqa í Sýrlandi en enn hafa aðal söguhetjur myndarinnar ekki verið fastsettar.

Ætlunin er að fylgjast með öllum fjölskyldunum, en ljóst er að ákveðnir karakterar munu fá meira vægi og mun það skýrast betur eftir því sem líður á og veran á Íslandi fer að móta líf þeirra. Við höfum einnig verið í góðu samstarfi við Rauða Krossinn og Akureyrarbæ þegar kemur að tökunum og að sjálfsögðu höfum við samþykki fjölskyldnanna fyrir tökunum.

En hvenær hófst ferlið að gerð þáttanna og myndarinnar og hvar er gert ráð fyrir að hægt verði að fylgjast með afrakstri vinnunnar?

Árni hafði samband við mig rétt fyrir jól þegar hann var að fara af stað með undirbúning á tökum en þá hafði hann fengið dálítið fjármagn til að gera honum kleift að fara út til Beirut í Líbanon og taka upp fjölskyldurnar þar og einnig hjálparstarf á svæðinu. Ég var ekki lengi að hugsa mig um að stökkva á verkefnið því málefnið er mér sérstaklega hugleikið og þegar kom til tals að taka upp aðstæður á svæðinu í Beirut og Líbanon stóð ekki á mér.

Svo vill til að mannréttindamál standa Önnu Sæunni nærri og hún segist strax hafa fundið fyrir sterkri löngun til að læra meira og fá að miðla boðskapnum.

Alveg eins og aðrir á Fróni á maður líka til að blindast af okkar eigin tilbúnu vandamálum og sjá ekki ljósið jafnvel þótt við stöndum á því, ég er jafnsek um það og margir á Vesturlöndum. Þá á ég sérstaklega við að bera saman okkar vandamál,jafnvel þeirra sem búa við verstu aðstæðurnar hér heima við þær aðstæður og vanda sem til dæmis sýrlenskir flóttamenn búa við. Það á að mínu mati ekki við nein rök að styðjast, sérstaklega eftir veruna og upplifanirnar úti í Líbanon.

Í janúar vörðu aðstandendur myndarinnar viku við tökur í Sýrlandi og náðu þar miklu af verðmætu efni sem mun vonir þeirra standa til að gefi góða mynd af ástandinu.

 Veran úti gerði mér ennþá betur ljóst hvað við erum líka blind á þann auð sem við búum langflest við hér heima; að hafa húsaskjól og vera laus við pólitísk stríðsátök. En það er jú vissulega eitt af markmiðum myndarinnar, að sýna að hér hefur áður tekist vel að aðlaga flóttamenn íslensku samfélagi og það starf megi einnig taka til fyrirmyndar í öðrum löndum.

Tökur munu fara fram út árið en í árslok er vonast til að hægt verði að sýna afraksturinn.

Viðræður eru hafnar við RÚV þar sem samstarfsgrundvöllur er talinn fyrir hendi og okkar von er að þættirnir verði sýndir þar. Stefnan er svo að heimildamyndin sjálf fari á hátíðir á Íslandi og á heimsvísu á næsta ári.

Anna Sæunn leikstýrir mynd um sýrlenska flóttamenn á Íslandi

Inga María Eyjólfsdóttir útskrifaðist úr leiklistardeild Kvikmyndaskóla Íslands vorið 2011 en hún lauk nýlega framhaldsnámi í Danmörku og lék okkur hjá vef skólans forvitni á að vita meira um það sem hún hefur fengist við frá náminu hér heima.

Ég hef fengist mest við skapandi störf og sölustörf frá útskrift en ég fór í beinu framhaldi í frekara leiklistanám. Ég útskrifaðist nú í vor frá alþjóðlega leiklistar og sviðslistaskólanum CISPA í Kaupmannahöfn og mæli ég eindregið með því að þeir sem vilja halda áfram að rækta sig sem listamenn skoði þann skóla.

Inga María telur námið í Kvikmyndaskóla Íslands hafa komið sér vel fyrir það nám sem hún hóf síðar.

Það sem ég lærði í KVÍ hefur nýst mér vel og vil ég endilega ráðleggja öllum á leiklistabraut að taka sérstaklega vel eftir í “tækni” tímum og kynnast vel starfi þeirra sem eru á tæknideild því það margborgar sig seinna meir.

Þau ráð eru ekki gripin úr lausu lofti og samræmast því sem Inga María vill gjarnan fást við í framtíðinni.

Ég hef hug á að vinna frekar við leiklist og framleiðslu og nota þá tækni og færni sem ég hef lært til að takast á við verkefni af ýmsum toga. Ég fékk að kynnast ýmsum hliðum kvikmyndagerðar í KVÍ sem hefur verið mér gott veganesti og bý ég að því í dag. Áhugi minn á kvikmyndagerð jókst og eins lærði ég ýmislegt sem ég kunni ekki skil á áður en ég byrjaði í skólanum, fyrir það er ég þakklát.

Fékk að kynnast ýmsum hliðum kvikmyndagerðar í Kvikmyndaskólanum

Kvikmyndaskóli Íslands í samstarfi við hinn virta Film and TV School of the Academy of Performing Arts í Prag (FAMU) efna til vinnustofu í handritsþróun kvikmynda í fullri lengd dagana 6-10 Júní 2016 fyrir nemendur skólanna.

Vinnustofan ber heitið „Midnight Sun Script Development Workshop“ og auglýst er eftir umsóknum eigi síðar en 18.apríl næstkomandi. Æskilegt sé að verkefnið sem sótt er um sé handrit í fullri lengd, en í undantekninga tilvikum verða stuttmyndir teknar til greina.

Stjórn og umsjón með vinnustofunni munu verða Steven Meyers (KVI) og Pavel Jech (FAMU). Fleiri upplýsingar og umsóknar eyðublað má finna hér að neðan – eða með að hafa samband við Hrafnkell Stéfánsson deildarforseta Handrits -og Leikstjórnardeildar.

Frekari upplýsingar um vinnustofuna er hægt að fá með því að smella hér sem og umsóknareyðublað. 

Kvikmyndaskólinn með vinnustofu í samstarfi við Film and TV School of the Academy of Performing Arts í Prag

Hvar átt þú heima í kvikmyndagerð? (Miðar á The Hateful Eight)

Í tilefni af 25 ára afmælisári Kvikmyndaskóla Íslands munum við á næstunni sýna 25 valin verk útskrifaðra nemenda síðustu ára. Nú sýnum við stuttmyndina “Freyja”.

Stuttmyndin “Freyja” var 3.annar verkefni Marzibil Sæmundardóttur, sem útskrifaðis úr Handrita-og leikstjórnardeild KVÍ vorið 2013.

Í samtali við Marzibil leikstjóra og handritshöfund segir hún:

Námið í KVÍ kennir þér allt sem þú þarft að læra til að verða góð kvikmyndagerðarkona/maður, það er þitt til að nýta til fulls. Kennararnir eru gullnáma sem gefa þér allt sem þú þarft, ef þú vilt. Ég á framleiðslu fyrirtæki með tveimur öðrum í dag, við erum þessa stundina að gera stutt- og heimildarmyndir ásamt því að undirbúa mynd í fullri lengd. Allt sem ég geri og lifi af í dag tengist kvikmyndum. Ég er framkvæmdastjóri Stockfish, kenni í Kvikmyndaskólanum og bý til bíó með arCus Films sem er framleiðslu fyrirtækið okkar. Ef þú vilt í alvöru gera gott bíó þá gefur KVÍ þér allt sem þú þarft

Næsta mynd er “Freyja” eftir Marzibil Sæmundsdóttir

Niðurstöður leitar