Vonandi fannstu það sem þú varst að leita að

Í vikunni heimsóttu nemendur úr Listaháskóla Íslands Hilmar Oddsson, rektor Kvikmyndaskóla Íslands hér í skólanum en þau eru nemendur á námskeiði á meistarastigi Listaháskóla Íslands sem heitir Rannsóknir á íslenskri tónlist.

Nemendurnir á áðurnefndu námskeiði stunda nám í tónsmíðum við LHÍ og eru rannóknir og rannsóknarvinna hluti af því námi. Hjálmar H. Ragnarsson, fyrrverandi rektor LHÍ en hann kennir þann hluta námskeiðsins þar sem tónlist Jóns Leifs er í brennidepli og er lögð áhersla á greiningu á verkum hans og áhrif þjóðlagahefðarinnar. Hjálmar segir þátttakendur á námskeiðinu kynna sér ýmis gögn varðandi rannsóknir á lífi og störfum Jóns, og hafi þau m.a. heimsótt handritadeild Lansbókasafns – Háskólabókasafns, kynnt sér mismunandi rannsóknaraðferðir og hvernig rannsóknir geta orðið kveikja að öðrum verkum því tengd.  Í þetta sinn heimsótti hópurinn Kvikmyndaskólann og rektor hans  í sama tilgangi en  kvikmynd Hilmars um tónskáldið, „ Tár úr steini“ flokkast undir rannsóknir á ævi Jóns Leifs.

Nemendurnir sem komu í Kvikmyndaskólann síðasta  mánudag  heita Adam Buffington, Birgit Djupedal, Sohjung Park, Tom Tukker og Vera Arnardóttir.

Nemendur LHÍ heimsækja rektor Kvikmyndaskólans

Velgengni Hrúta, kvikmyndar Gríms Hákonarsonar, hefur ekki farið fram hjá neinum kvikmyndaáhugamanni. Það er einstaklega ánægjulegt að geta þess að 12 fyrrverandi nemendur Kvikmyndaskóla Íslands unnu ýmis störf við gerð myndarinnar. Þannig áttum við fulltrúa meðal leikara, í leikstjóradeild, framleiðsludeild, myndatökudeild og leikmyndadeild. Við óskum Þorsteini Gunnari Bjarnasyni, Önnu Sæunni Ólafsdóttur, Vigfúsi Gunnarssyni, Antoni Smára Gunnarssyni, Guðjóni Hrafni Guðmundssyni, Margreti Völu Guðmundsdóttur, Jóni Þór Jónssyni, Karli Pálssyni, Alexander Erlendssyni, Jóni Gauta Jónssyni, Helgu Björg Gylfadóttur og Valgerði Sigurðardóttur hjartanlega til hamingju með vel unnin störf. Já, og til hamingju, Grímur og Grímar með Hrúta og gott starfsfólk.

Velgengni Hrúta: Fjöldi nemenda kom að gerð myndarinnar

Stuttmynd, var nýlega valin til sýninga á International Open Film Festival í Bangladesh úr fjögur þúsund innsendum myndum. Lovísa Lára útskrifaðist úr deildinni Handrit/Leikstjórn hjá Kvikmyndaskóla Íslands vorið 2014.

Mynd Lovísu Láru var valin flokk mynda ungra kvikmyndagerðarmanna,  Young Filmmaker.

Hátíðin hefur verið að fá rosa mikla athygli vegna þess að hún var með 338 dómara sem fóru yfir myndirnar frá öllum heimshornum. Hún er á lista yfir 100 bestu hátíðirnar á FilmFreeway en það val er gert af  kvikmyndagerðarmönnum.
Allir sem sendu inn mynd fengu að keppa um titilinn Country Best hvort sem að myndin var tekin inn á hátíðina eða ekki. Mín mynd var valin á hátíðina og hlaut einnig titilinn Country Best.

Lovísa Lára hefur  ekki enn fengið upplýsingar um hversu margar íslenskar myndir voru sendar inn en segist í öllu falli mjög ánægð að hljóta verðlaunin og að hafa fengið mynd sína sýnda á hátíðinni.

Ég tók upp myndina í maí í fyrra og hún hefur farið ágætan festival rúnt um heim allan. Myndin fjallar um unga konu sem fær send Snapchat skilaboð af sjálfri sér sofandi og uppgötvar sér til skelfingar að einhver er að sitja um hana.Ég skrifaði handrit út frá handriti í fullri lengd sem ég var að vinna í. Sú mynd er um þrjár konur sem að eru að kljást við eltihrella.

Lovísa Lára ákvað að taka eina söguna úr því handriti og gera stuttmynd eftir þeirri sögu, um konu sem var ofsótt af fyrrum sambýlismanni sem beitti hana ofbeldi.

En svo í handritaferlinu ákvað ég að taka út sambýlismannin og bæta við draugi í staðinn. Þannig að konan er í raun  að upplifa ofbelið sem draugagang.  Myndin er með Ágústu Evu Erlendsdóttur í aðal- og eina hlutverkinu en ég fékk mikið af fyrrum kvikmyndaskólanemum með mér í lið við gerð myndarinnar.

Nú þegar hefur Lovísa Lára gert þrjár hryllingsstuttmyndir.

Hrelli,  Það var margt sem myrkrið veit, útskriftamynd Ingu Söndru sem að vann verðlaun sem besta mynd  leiklistadeildar og var einnig valin besta mynd Gullmolans í fyrra en hún gerði einnig myndina  Prómill, sem var útskriftamynd Ársæls Rafns úr leiklist.

Ársæll Rafn er eiginmaður Lovísu Láru og saman eru þau að undirbúa  hryllingsmyndahátíðina Frostbiter í nóvember næstkomandi.

Þegar ég gerði mína fyrstu hrollvekju þá tók ég eftir því að það var enginn vettvangur til að sýna myndina og að lítil hvatning til hryllingsmyndagerðar var til staðar hérlendis.

Það hefur lengi verið draumur minn að sjá hryllingsmyndahátíðir hér á Íslandi og eins og landslagið er þá er algjörlega grundvöllur fyrir því.   Ég hugsaði að það væru örugglega fleiri í sömu sporum, með hryllingsmynd í skúffunni og engan stað til að sýna hana.Markmið okkar er að hvetja íslenska kvikmyndagerðarmenn að nýta íslenska náttúru og okkar óhugnalegu þjóðsögur í hryllingsmyndagerð.

Hátíðin verður haldin á Akranesi og fengu hjónin styrk frá uppbyggingasjóð Vesturlands til þess að halda hana.

Við ætlum að taka inn Íslenskar stuttmyndir þannig að ég vona að sem flestir nemendur eða útskrifaðir nemendur úr skólanum fari að grafa í skúffuna og senda inn myndir.

Við viljum sjá allt, erum jafn spennt fyrir lélegum hrollvekjum og góðum. Enda heitir hátíðin eftir lítið þekktri b-hryllingsmynd sem ber sama nafn.

Heimasíða hátíðarinnar er  í vinnslu og er vonast til að móttaka mynda hefjist í byrjun júlí og standi fram í september.

Enn er því mögulegt að nýta sér frábæru samnemendurna úr Kvikmyndaskólanum, grípa þá og cameru og fara út og gera eitthvað ógnvekjandi.

Stuttmynd Lovísu Láru valin á International Open Film Festival

Skólasetning Kvikmyndaskóla Íslands í dag gaf sérstakt tilefni til að fagna því í þetta sinn var alþjóðlegri deild, IFS Icelandic Film School, formlega hleypt af stokkunum.
Rektor skólans, Hilmar Oddson opnaði formlega nám erlendra nema en þeir sem stunda það nám í vetur verða í Deild 3 Handritum/leikstjórn.  Fyrsti bekkur alþjóðlegu deildarinnar er skipaður 6 nemendum frá jafnmörgum löndum  ( Noregi, Svíþjóð, Rússlandi, Indlandi, Bandaríkjunum og Panama) og fjórum heimsálfum.

Eins og áður segir var einnig hin hefðbundna skólasetning KVÍ kl. 13 í dag. Glæsilegur hópur 43ja nýnema hefur nám við skólann nú í haust í öllum fjórum deildum.  Skólasetningin var fjölmenn og mikill hugur í mannskapnum Í lok athafnar var tekin venjubundin mynd af nemendum og starfsfólki fyrir utan húsnæði skólans.

Kvikmyndaskóli Íslands settur – Nýrri alþjóðlegri deild hleypt af stokkunum

Söngleikurinn Upprisan verður frumsýndur í Iðnó í kvöld en um er að ræða útskriftartónleika nemenda í söng í Kvikmyndaskóla Íslands.

Söngkennslan er í 3 annir og byggir á Complete Vocal tækninni en allir kennarar eru útskrifðir úr Complete Vocal skólanum í Kaupmannahöfn.

Segir Rúnar Guðbrandsson, deildarstjóri leiklistar.

Námskeiðum fyrstu tveggja annanna lýkur með hefðbundnum tónleikum en á 3. önninni sem er lengst er lagt meira í púkkið og nemendur semja leikræna umgjörð kringum söngvana sem þau flytja og bjóða því uppá “frumsaminn söngleik” eða söngkynningu með leikrænum tilburðum.

Sýningin hefst kl. 20 í kvöld í Iðnó og er aðgangur ókeypis.

Upprisan – Nemendur Kvikmyndaskólans frumsýna nýjan söngleik í kvöld

Skapandi tækni er sú deild sem notið hefur hvað mestra vinsælda í Kvikmyndaskóla Íslands. Í henni finna margir sinn vettvang enda um ákvafleg fjölbreytt og skemmtilegt nám að ræða sem gefið hefur útskrifuðum nemendum tækifæri frábær tækifæri til að starfa í kvikmyndagerð.
En hverjir eiga erindi í skapandi tækni? Við fengum Ólaf Fannar Vigfússon til að segja okkur frá deildinni.

Þessi deild er fyrir alla þá sem elska að nota tækni í kvikmyndagerð. Við leggjum áherslu á fjórar megin námslínur; Kvikmyndatöku, klippingu, hljóð og myndbreytingar. Myndbreytingar er samnefnari okkar fyrir tæknibrellur, grafík og litaleiðréttingu.
Þeir sem hafa áhuga á að sérhæfa sig í einhverju af þessu, eða öllu, ættu að sækja um nám í Skapandi tækni. Þessi deild hentar líka fyrir þá sem stefna á að verða leikstjórar en hafa auk þess áhuga á að kynna sér alla tæknivinnu og geta þannig verið meira sjálfbjarga í sínum verkefnum.

Segir Ólafur nemendur læra mun fleira um kvikmyndagerð en það sem einvörðungu snýr að tækninni.

Nemendur í Skapandi tækni læra líka handritagerð, leikmyndagerð, listasögu, ljósmyndun og svo fá þau náttúrlega tækifæri til að gera eigin stuttmyndir og heimildarmyndir.

En eins og Ólafur tók fram í upphafi viðtalsins skal ekki gera lítið úr því að námið í Skapandi tækni er mjög bundið við allt sem lýtur að notkun tækja og leiðir það hugann að aðgengi nemenda að tækjabúnaði skólans.

Við vorum að fá tvær nýjar vélar frá Black Magic Design, Ursa 4K og þær eru að skila ótrúlega flottu myndefni. Nemendur hafa verið að nota þær í útskriftarverkefni sín og einnig notuðum við þær í upptökur á Pilot sem við gerðum um daginn. Pilotinn er okkar stærsta samvinnuverkefni í skólanum þar sem allar deildir skólans koma að. Námið hérer mjög verklegt og byggir reyndar að miklu leyti á að nemendur vinna í samstarfi og það er einn af kostunum við námið hér tel ég, þannig myndast stemning og nemendur byrja að byggja upp tengslanet.Einnignotum við mikiðCanon vélar í hin og þessi verkefni. Eins höfum við góðan aðgang á að leigja upptökuvélar á góðu verði.

Ólafur bætir við að öllum nemendum standi til boða afnot af iMac-tölvum.

Við vorum t.d. að kaupa núna nokkrar nýjar 5K iMac-tölvur til að geta eftirunnið 4K efni frá a-ö. En að sjálfsögðu mega nemendur nota sínar eigin tölvur ef þeir vilja frekar. Við erum sífellt að bæta tækjakostinn og leggjum upp úr því að vera í takt við tímann í þeim efnum.

Eftirvinnsluforrit gegna stöðugt mikilvægara hlutverki í kvikmyndagerð nútímans en hvert er aðgengi nemenda að námsefni þeim tengdum?

Þar erum við mjög sterk og leggjum áherslu á að vera með það nýjasta í dag, ekki síst það sem bransinn notar. Við notumst við öll forritin frá Adobe; Premiere Pro CC, Photoshop og After Effects. Eins erum við líka með Final Cut fyrir þá sem vilja. Í hljóðvinnslunni notum við Pro Tools.

Myndbreytingalínan vekur forvitni spyrjanda en Ólafur segir hana vera nýja og hannaða til að nútímavæða skólann enn frekar.

Það má segja að þarna séum við að kenna alla tækni sem breytir myndefni á einhvern hátt. Á 1. og 2. önn erum við að kenna á After Effects og Photoshop en á 3.önn læra nemendur grunnatriði í myndbrelluforritinu Nuke. Að lokum leggjum við töluverða áherslu á að nemendur á 3. og 4. önn læri á litvinnsluforrið DaVinci Resolve. Í því ferli fá nemendur að litaleiðrétta efni, jafna lit og contrast og setja ákveðið “look” á myndefnið.

Ólafur segist aðspurður vera hæstánægður með úrval kennara í deildinni Skapandi tækni.
Við höfum á að skipa toppfólki í hverri stöðu. Kennararnir eru reynt fólk úr bransanum með mikla kennsluhæfileika. Hér eru og hafa verið kennarar á borð við Óskar Þór Axelsson, Gunnar Árnason, Kjartan Kjartansson, Valdísi Óskarsdóttur, Elísabetu Ronaldsdóttur, Jörund Rafn Arnarson, Baldvin Z og Besta.
Hann bætir við að auðvitað hafi mun fleiri kennarar komið að kennslu í deildinni en að nefna þá alla yrði endalaus upptalning.

Kennararnir hér eru einna ánægðastir með að ólíkt því sem gerist í öðrum skólum þar sem kennd er tæknivinnsla, þá eru nemendurnir hérna fyrst og fremst í þjálfum til að verða kvikmyndagerðamenn. Auðvitað eru nemendur að sérhæfa sig í hinu og þessu en fyrst og fremst náum við að útskrifa nemendur sem hugsa sem kvikmyndagerðarmenn sem setja sjálfa söguna í fyrsta sæti.

En getur Ólafur gefið gilda ástæðu fyrir því að fólk sæki um í tæknideild KVÍ frekar en annars staðar?

Ég myndi segja að við höfum á löngum tíma náð að byggja upp afar heildstætt tækninám. Við styðjumst við vandaða námskrá og höfum besta fólkið úr bransanum til að kenna. Hér leggjum við áherslu á að nemendur fái tækifæri að vinna með nýjustu myndvinnsluforritin og nú höfum við loks eignast myndavélar sem við getum stolt boðið nemendum til afnota. Það sem mestu máli skiptir er að nemendur sem útskrifast af tæknibraut hafa yfirleitt góða möguleika að fá vinnu eftir nám. Það er alltaf eftisóknarvert fólk sem útskrifast sem kvikmyndagerðarmenn með sérhæfingu á tæknisviði. Þannig að þeir sem standa sig vel í námi eiga góða möguleika á vinnu eftir nám. Rjóminn flýtur alltaf ofan á.

Svo miklu meira en bara tæknin – Ólafur Fannar – deildarforseti Skapandi tækni

Kvikmyndaleikstjórinn Marteinn Þórsson er i hópi öflugustu kvikmyndagerðarmanna Íslands og mikill fengur af samstarfi hans við Kvikmyndaskóla Íslands. Eftir hann liggur fjöldi verkefna af ýmsu tagi og þrjár kvikmyndir í fullri lengd en meðal verkefna sem framundan eru hjá Marteini er leikstjórn á kvikmynd sem gerð verður eftir bókinni Villisumar eftir.
Við fengum leikstjórann til að segja aðeins frá sjálfum sér og kennslustörfum sínum við Kvikmyndaskóla Íslands.

Ég held að það hafi verið Rut Hermannsdóttir sem bað mig um að kenna kúrs einhvern tímann á árunum 2008 eða 2009. Síðan þá hef ég kennt öðru hverju við skólann  . Helsta áherslan hjá mér er nemendur læri með því að gera (learn by doing). Það er töluvert um að ég taki sýnimyndir og nota mikið kvikmyndina “The Five Obstructions” sem er einn besti kvikmyndaskóli sem völ er á.

Marteinn segist einnig notast mikið við heimildarþætti um Joseph Campbell sem heita “The Power of Myth”, en þeir samanstanda af viðtölum við hinn mikla sögumann. Hans nálgun í sögum allra landa er sögð vera grunnurinn að Star Wars myndunum.

Ég tel að allir kvikmyndagerðarmenn eigi að kunna að skrifa, taka, klippa og leikstýra – vinna sem flest störf á setti, sem runnerar, elda, vinna í propsi, hljóði og öllu bara. Sjálfur tók ég mikið af myndum frá 10 ára aldri og vann við kvikmyndagerð frá 18 ára aldri. Ég held ég hafi unnið við flest störf í þessum “bransa”. Ég fór í kvikmyndaskóla í Toronto, Kanada (Ryerson University) og kláraði þar kvikmyndagerðarnám með áherslu á leikstjórn. Síðan þá hef ég gert 3 kvikmyndir í fullri lengd, One Point O, Rokland og XL.

Marteinn segir að Kvikmyndaskóli Íslands hafi vaxið og dafnað síðustu árin og sé alltaf að verða betri.

Skólinn er mjög mikilvægur fyrir þá sem ætla sér að fara út í kvikmyndagerð, alls konar kvikmyndagerð. Ég tel það mjög mikilvægt að nemendur kynnist sem flestum greinum kvikmyndagerðar til að hjálpa þeim við að verða öflugir, sjálfstæðir kvikmyndagerðarmenn/-konur.

Verkefnin sem Marteinn vinnur að um þessar mundir eru mörg og hann segir starfinu fylgja endalaus barningur.

Nemendur þurfa að gera sér grein fyrir því. Það þarf að hafa eins mörg járn í eldinum og mögulegt er og ekki bara á Íslandi því, það er mjög lítill peningur í okkar eina kvikmyndasjóði og samkeppnin eykst með hverju árinu.

Verkefnið Villisumar er einmitt í samstarfi við franska framleiðslufyrirtækið  Frozen Frogs.

Ég er með tvær bíómyndir í fjármögnunarferli. Það er UNA, sem er “genre” mynd, horror/thriller og VILLISUMAR, sem er drama sem gerist aðallega í Frakklandi sumarið 1955. Einnig er ég að taka í heimildarmynd um Jóhann Sigmarsson (THE STORY BEHIND HISTORY), en það er 4-5 ára ferli. Svo eru öll hin verkefnin, þ.m.t. sjónvarpssería byggð á skáldsögunni YOSOY og kvikmyndir byggðar á skáldsögunum ENGLARYK og GLÆPURINN: ÁSTARSAGA. Og fleira og fleira. Ég hef mikinn áhuga á “micro-budget” myndum og held að það sé framtíðin fyrir kvikmyndagerðarmenn á Íslandi. Við höfum ekki enn nýtt okkur þessa frábæru, stafrænu tækni sem gerir okkur kleift að vera mun sjálfstæðari en áður hefur þekkst.

Kvikmyndaskólinn mikilvægur fyrir þá sem ætla í kvikmyndagerð – Marteinn Þórsson

Í kvöld klukkan 8 munum við sýna útskriftar myndir nemenda okkar í Bíó Paradís, og ykkur er öllum boðið að koma og njóta með okkur ;

Saga um þjóðsögu eða misskilning eða bæði. Ævintýraleg endursögn sögu varúlfsins þar sem ung kona byrjar á blæðingum: tilfinnninga sveiflur sem styrkur.

Súrealísk stuttmynd um ungan mann sem kljáist við sjálfsefa. Hann ferðast í annan heim þar sem hann hittir gamlan mann, og þarf að ákveða hvaða lífsleið hann velur.

Ungur maður reynir að endurvekja slokknaðan blossa milli sín og fyrrum kærustu hans, en aðstæður hafa breyst og hann þarf að horfast í augu við kaldan sannleikann.

Ungt par í blóma lífsins bjóða foreldrum sínum í matarboð. Kvöldið tekur skarpa beygju þegar upp koma óvæntar fréttir sem gætu sett strik í reikninginn

Hver er Kolbeinn? Bardagamaður. Það er það eina sem hann veit um sjálfan sig. Kolbeinn og vinir hans eru ungir boxarar, í þjálfun fyrir Norðurlandamótið. Alvarlegt slys hins vegar setur boxið í útrýmingarhættu á öllum norðurlöndunum. Hver mun Kolbeinn verða?

Þór lifir í heimi þar sem karlmenn mega ekki sýna viðkvæmar tilfinningar. Hann lendir í áfalli og reynir allt sem hann getur til þess að gleyma þessu, vera “sterkur” og bæla niður sorgina.

Anna Hafþórsdóttir leikur eitt af aðalhlutverkum kvikmyndarinnar Snjór og Salóme sem frumsýnd verður um helgina. Anna  útskrifaðist úr leiklistardeild  Kvikmyndaskóla Íslands vorið 2011 en meðal annars sem hún hefur gert frá útskrift er aðalhlutverkið í myndinni Webcam sem frumsýnd var sumarið 2015.

Myndin gerist á mjög erfiðum tíma í lífi Salóme. Bæði er persónulega líf hennar og atvinna á viðkvæmum stað og hlutirnir virðast ekki ætla að fara eins og hún hefði viljað.

Segir Anna um hlutverk sitt í Snjór og Salóme.

Hún upplifir sig oft á tíðum eina, það er að segja, hún á erfitt með að mynda tengingu við aðra og er umkringd undarlegum karakterum. Þannig að hún virðist stundum sú eina manneskjan með viti. Einning virðist fólk stundum eiga erfitt með að skilja hana og tilfinningar hennar, hún er mjög tilfinningarík og viðkvæm en reynir eftir bestu getu að sýna það ekki.

Það er mikið tækifæri að leika aðalhlutverk í kvikmynd fyrir unga leikkonu og forvitnilegt að vita hvað standi upp úr eftir vinnslu þessara tveggja kvikmynda.

Vinnan við Webcam skilaði mér fyrst og fremst reynslu sem er dýrmæt, það sama má segja um vinnuna við Snjór og Salóme. Ég reyni að gera ekki of miklar væntingar en það væri auðvitað mjög gaman ef þetta leiðir til þess að leikstjórar verði duglegri að fá mig í prufur.

Anna hefur nýtt tímann vel frá útskrift til að víkka sjóndeildarhringinn með námi samhliða störfum sínum í leiklistinni.

Sem stendur stunda ég nám í ritlist við Háskóla Íslands og hef ég verið að leika í stuttmyndum meðfram því. Svo tók ég grunn- og framhaldsnámskeið í talsetningu. Mér finnst talsetning ótrúlega skemmtileg og væri til í að fara eitthvað lengra með það.

Og hvað tekur við að frumsýningu lokinni?

Ég mun halda áfram í ritlistinni, svo er ég að fara að leika í mynd núna í júní eftir ungan og upprenandi leikstjóra sem lærði kvikmyndagerð í Prag.

“Dýrmæt reynsla að leika í “Webcam” og “Snjór og Salóme”” –  Anna Hafþórs

130 myndir af ýmsum stærðum og gerðum hafa verið sýndar þessa viku í Bíó Paradís sem framleiddar hafa verið af nemendum á haustönn einni í Kvikmyndaskóla Íslands.

Sýningum lýkur í dag með útskriftarmyndum en fáir gera sér grein fyrir hvaða magn af áhugaverðu efni liggur eftir nemendur önn hverja. Sumar þessara mynda hafa náð undraverðum árangri í keppnum víðsvegar um heiminn og hér á Íslandi en jafnvel þær myndir sem minna fer fyrir eru þess virði að skoð nánar.

Og verkefnin sem nemendur skila af sér eru fjölbreytileg þessa sýningarviku : 38 stuttmyndir, 1 fjölcameruþáttur, 4 tónlistarmyndbönd, 3 auglýsingar, 2 Pilotar, 13 heimildarmyndir, 5 myndir án orða, 7 endurgerðir, 43 mínútumyndir og 15 kynningarmyndir.

Á morgun, laugardaginn 17. desember verður svo útskrifathátíðin haldin í Bíó Paradís kl. 13.

130 verkefni nemenda Kvikmyndaskólans sýnd í Bíó Paradís í vikunni

Daði Einarsson er útskrifaður frá deild Handrita og Leikstjórnar hjá Kvikmyndaskólanum og við fengum tækifæri til að forvitnast um verk í vinnslu hjá honum

Daði Einarsson um vinnu sína við “The Darken: Echoes of the End”

Þórunn Guðlaugs og Natan Jónsson hafa í nógu að snúast þessa dagana en á fimmtudag frumsýna þau verkið Samfarir Hamfarir í Tjarnarbíói.

Þetta verk er búið að vera í hausnum á mér síðan fyrir þremur árum en Natan Jónsson kom inn í þetta ári seinna og erum við búin að vera að þróa hugmyndina og handritið saman hægt og rólega í tvö ár.

Þórunn segir að þeim hafi boðist residensía í Tjarnarbíói og það hefur orðið þeim mikil hvatning.

Þar er farið með okkur eins og gull! Hópurinn hefur  stækkað ört síðustu mánuði og við erum núna með frábært fólk með okkur í þessu.

Þórunn útskrifaðist úr leiklistarbraut frá Kvikmyndaskóla Íslands árið 2010 en Natan Jónsson útskrifaðist úr skólanum tveimur árum síðar úr deildinni Leikstjórn/framleiðslu.

Við erum bæði höfundar verksins og eigendur Leikfélagsins Hamfarir, ásamt Dóru Lenu Christians, sem er að setja upp verkið.

Með Þórunni leikur Aðalsteinn Oddsson (Alli Odds) í Samförum Hamförum, útskriftarnemi leiklistardeildar KVÍ árið 2012.

Fyrir utan okkur sem komum úr skólanum þá er her af fólki í þessu, þar með talinn þriðji leikarinn, Ársæll Níelsson sem hefur leikið í fjölmörgum myndum tengdum skólanum.

Sýningarnar á verki Þórunnar og Natans verða fjórar í Tjarnarbíói; 21., 24., 29. og 31. janúar (kl.20.30). Aðgangsmiðinn er aðeins á 2.900 kr.

Útskrifaðir nemar úr KVÍ frumsýna eigið verk í Tjarnarbíói

Á undanförnum árum hafa leiklistarnemendur sem útskrifaðir eru úr leiklistardeild Kvikmyndaskóla Íslands haldið til háskólanáms hér á Íslandi eða farið til Bretlands, Bandaríkjanna, Tékklands, Frakklands eða Danmerkur til frekara náms.
Alls vitum við til þess að undanfarið hafi 17 nemendur úr leiklistardeild KVÍ farið í framhaldsnám í háskólum eftir námið hér í KVÍ. Fimm af þessum nemendum hafa farið í leiklistarskóla erlendis og átta nemendur hafa lokið BA námi í Listaháskólanum, HÍ eða utan Íslands. Tveir nemendur hafa lokið MA námi í Breskum leiklistarskólum en auk þeirra er einn útskrifaður nemandi úr skólanum á leið til Bretlands í framhaldsnám í haust og annar í Listaháskólann í leiklistardeildina.
Það er frábært fyrir skólann að sjá þennan árangur nemenda sinna en eins og margir vita væntir skólinn þess fljótlega að útskrifa sína eigin nemendur með BA gráður í stamstarfi við HÍ. Inntaka nemenda í MA nám erlendis er sannarlega vísbending um að menntunin standist þær kröfur.

Fjöldi leiklistarnema í framhaldsnám eftir útskrift úr KVÍ

Eyþór Jóvinsson, nemandi á annari önn í deildinni handrit/leikstjórn lét sér ekki nægja að eiga örmynd vikunnar hjá Örvarpi Rúv, heldur var mynd hans Amma verðlaunamynd þemavikunnar heimildarörmyndir í þessari viku.
Á Facebooksíðu Örvarpsins er sagt að þetta sé í annað skipti sem mynd Eyþórs er valin örmynd vikunnar yfir sama tímabilið, og hefur slíkt ekki gerst áður í sögu Örvarpsins.  Við höfðum samband við Eyþór og báðum hann um að segja okkur frá örmynd sinni.

Fyrst og fremst langaði mig að taka upp jólin hjá okkur afþví að mér fannst þau svo kómísk, og sjálfsagt frábrugðin jólum flestra þar sem stórfjölskyldan kemur framan með tilheyrandi pakkaflóði og hasar. Á meðan jólin hjá okkur hafa mjög hátíðlegan og fallegan blæ, sem mér þykir vænt um.

Eyþór segir að frábærir kennarar og fagfólkið í hringiðu bransans hafi heillað sig í náminu í Kvikmyndaskóla Íslands til þessa.

Samhliða því að fá faglega kennslu frá virkum kvikmyndargerðarfólki byggir maður upp sterkt tengslanet í kvikmyndagerð á Íslandi.

Hann er þegar búinn að taka stefnu á ákveðin verkefni að námi loknu og vinnur hörðum höndum að því að láta þau verða að veruleika.

Ég hef notað námið í Kvikmyndaskóla Íslands til að vinna að tveimur verkefnum sem mig langar að framkvæma eftir námið. Þetta eru fræðandi barnaþáttasería og kvikmynd í fullri lengd. Að vinna að þessum verkefnum í umhverfi Kvikmyndaskólans og hafa aðgang að fagfólki í gegnum hann hefur reynst mér mjög dýrmætt. Annað verkefnið er nú þegar komið inn á borð hjá Kvikmyndasjóði Íslands, svo það verður vonandi hægt að fara á fullt í það að námi loknu.

Eins og áður sagði er þetta ekki fyrsta örmynd Eyþórs til að vekja athygli valnefndarinnar hjá Örvarpinu en í henni sitja Sindri Bergmann og Dögg Mósesdóttir.

Þetta var mínútumyndin mín Minnismiðar en hún var fyrsta verkefnið mitt í skólanum en hún var opnunarmynd örvarpsins í ár.

Kvikmyndaskóli Íslands óskar Eyþóri til hamingju með þennan frábæra árangur og munum við fylgjast spennt með honum í framtíðinni.  Myndina getið þið séð hér. 

Mynd Eyþórs Jóvinssonar, nemanda í KVÍ, valin Örmynd vikunnar í annað sinn

Sigurður Traustason er í hópi nýútskrifaðra leikara úr Kvikmyndaskóla Íslands. Hann svaraði nokkrum spurningum okkar um skólann.

Námið er gott og kennarar eru professional og góðir. Það er ýmislegt  hægt að laga eins og tækjaleigu og skipulagsmál en að öllu jöfnu er ég  mjög sáttur við námið, hef góðar minningar frá skólanum og er útskrifaður þaðan með mikla kunnáttu.

Sigurður setur markið hátt í framtíðinni.

Ég ætla mér að fara eins langt í leiklistinni eins og ég mögulega get og koma mér á framfæri og reyna að komast í öll verkefni sem ég finn. Mig langar einnig að skrifa, hvort sem það væri sketch-ar, kvikmyndahandrit eða annað. Svo hefði ég áhuga á að taka upp meira. Ég  er með einhverjar hugmyndir í hausnum en  fyrst og  fremst langar mig að koma mér á framfæri sem leikari og geta unnið við  það.

Ýmsir styrkleikar prýða Sigurð eins og til dæmis stundvísi.

Ég get talið á fingrum annarar handar hve oft ég hef mætt seint einhversstaðar frá því ég var í grunnskóla og þá er ég að tala um  5 til 10 mínútum of seinn. Ég er fínn vinnukraftur og hef alltaf staðið mig vel í vinnu hver sem hún er.En svo er ég líka með góðan húmor, er fljótur að búa til grín sem er spondant.

Sigurður leggur mikið upp úr því að vera  raunsær og að líta á heiminn með raunsæjum augum.

Ég sé auðveldlega alla hluti sem hægt er að laga og ég  hef góða þekkingu á kvikmyndageiranum og bý yfir  bakgrunni í eftirvinnslu, þrívídd og fleiru. Sem leikari hef ég áhuga að styrkja mig endalaust  og verða betri. Svo er ég góður í tölvuleikjum og fínn að skrifa handrit og sögur.

Í lífinu sjálfur eru það góðar sögur og persónusköpun sem heilla Sigurð mest en neikvæðni líkar honum verst af öllu.

Kennararnir í KVÍ prófessjonal og góðir

Vorið 2014 útskrifaðist  Bent Kingo Andersen úr og hefur hann komið að ýmsum verkum í faginu síðast, þó mest verið að leika.

Ég hef verið að leika mikið í erlendum tónlistarmyndböndum og auglýsingum, en ég hef einnig verið í mörgum sjónvarpsþáttum og bíómyndum. Ég hef mest verið að vinna sem leikari, en síðasta árið hef ég einnig verið að vinna mikið sem framleiðandi og Location manager. Einnig hef ég unnið í nánast öllum stöðum sem eru á kvikmyndasetti.

Bent er framleiðandi hrollvekjunnar sem von er á á nýju ári. Tökur hafa staðið yfir síðastliðið ár en nú óskar hópurinn að baki verkefninu eftir stuðningi við eftirvinnslu myndarinnar á Korolína Fund.

Ef það væri ekki fyrir þetta nám þá væri ég ekki að vinna við það sem ég elska í dag. Þetta hefur ekki einungis hjálpað mér í starfi, heldur einnig í mínu persónulega lífi þar sem ég glímdi við mikinn kvíða og félagsfælni áður en ég hóf nám við leiklist. Leiklistarnámið tók mig alveg út fyrir þægindar rammann minn sem gerði mér kleift að vinna í þessum málum og brjótast út úr skelinni.

segir Bent um nám sitt í leiklistardeild Kvikmyndaskóla Íslands og bætir við að í dag sé vandamálið horfið og hann geti í raun gert allt sem hann langar til.

Hrollvekjan Mara fjallar í stuttu máli um par sem flytur frá Bandaríkjunum til Íslands til að opna gistiheimili í íslenskri sveit.

Þau kaupa gamalt hús og komast fljótt að því að það er ekki allt með felldu þegar þau finna djúpa holu í kjallaranum, en þar undir býr forn vættur sem aðeins hefur heyrst um í þjóðsögum. Stuttu eftir það fara stórfurðulegir hlutir að gerast.Mara er í grunninn þroskasaga sem fjallar um par sem eignast sitt fyrsta barn og ábyrgðina sem því fylgir. Þroskasaga sem inniheldur konu sem verpir eggi, fornan vætt sem býr undir kjallaragólfinu og saklausan faðir sem umbreytist í vitfyrrt illmenni.

Bent er eins og áður segir einn af lykilframleiðendum myndarinnar en hann lætur ekki þar við sítja.

Ég er einnig Location manager, body/hand double, stuntmaður og grippari og svo sé ég um kynningarmálin einnig.

Eins og allir þeir sem læra í KVÍ öðlaðist Bent þekkingu í skólanum sem gefur honum tækifæri til að starfa við fleira í kvikmyndagerð en leikinn sem var hans aðalfag.

Þegar þessu verkefni er lokið mun ég halda áfram að sjá um production service fyrir erlend verkefni ásamt því að taka að mér tilfallandi leiklistarverkefni, en svo er ég líka að fara að framleiða aðra bíómynd á næsta ári.

Námið hjálpaði ekki aðeins í starfi heldur einnig í persónulegu lífi – Bent Kingo um myndina Mara og námið í KVÍ

Nú þegar er komið að uppskeruhátíð Kvikmyndaskólans fyllist maður gjarnan stolti yfir öllu því sem nemendur hafa afrekað yfir önnina.

En stolt er ekki sú tilfinninginn sem brunið á mér undanfarnar vikur þegar ég hugsa um samfélagið, bransann okkar og menntastofnarnirnar innan hans, þar á meðal skólans okkar. Óörryggi, vanmáttur, sorg og reiði eru tilfinningar sem hafa verið mun meira í notkun en stolt.

Í þessarri viku ætlum við samt sem áður að vera stolt. Stolt af fyrstu annar nemendum sem eru nú að frumsýna sínar fyrstu myndir. Stolt af öllum nemendum skólans sem lögðu hart að sér og frumsýna nú verk sín, heimildarmyndir, stuttmyndir, kynningarmyndum og fleira mætti telja. Og svo má ekki gleyma þeim sem lögðu hönd á plóg.

Við getum líka verið stolt af okkur útskrifuðu nemendum. Það er varla er framleidd sjónvarpsþáttasería eða kvikmynd án þess að þar sé að finna Kvikmyndaskóla re-union á settinu.  En við ættum líka að vera stolt af hugrökkum fyrrverandi nemendum sem hafa undanfarnar vikur stigið fram og með sínum sögum séð til þess að skólinn bæti sig á þann veg að þær endurtaki sig aldrei aftur.

Síðasta en ekki síst getum við verið stolt af okkar útskriftarnemum, sem ljúka nú tveggja ára námi með frumsýningu á lokaverki sín. Við þau segjum við stolt … til hamingju og vegni ykkur vel.

Ávarp Námsstjóra Kvikmyndaskóla Íslands til útskriftarnemenda

Rannveig Elsa Magnúsdóttir útskrifaðist frá Leiklist vorið 2018 og hér má njóta hennar “showreel”

Við óskum henni innilega til hamingju og fylgjumst spennt með henni í framtíðinni

Rannveig Elsa Magnúsdóttir, útskrifuð frá Leiklist

Niðurstöður leitar